عنوان الموضوع : فرجوا علي همي الله يفرج عليكم همومكم يارب ....... -لحياة سعيدة
مقدم من طرف منتديات نساء الجزائر

فرجوا علي همي الله يفرج عليكم همومكم يارب .......






السلام عليكم

كيفكم بنات .................

تكفون أبي مساعدتكم من بعد الله انا حيييييييييل متضايقه وصاكه الدنيا فيني

ابي أقول لكم مشكلتي مع زوجي وابي نصيحتكم


انا صار لي سنتين متزوجه وباقي الله ما رزقني عيال
ما أدري دائما أقول يمكن خيره من ربي

سبب تأخير الحمل إن عندي تكيس وانا حاليا اتعالج

المهم انا وزوجي أعوذ بالله دائما في مشاكل على كل شئ التافه والغير تافه

سبحان الله ترا قلب المرأة دليلها ودائما أكشف خيانة زوجي لي

وترا انا سعودية

مرة كشفت جوال في سيارته غير اللي انا اعرفه وحلف بالله إنه حق خويه نساه معاه الكلام ما يخش العقل بس وش اسوي عديتها وسويت إني مصدقه وعدت الايام .


وفيه مرة رحت معاه مزرعة ابوه ويوم دخلنا الجلسه اللي في المزرعة أخذ شئ من على الارض وشاله في جيبه وما خلاني أشوف وشهو حاولت أمسك جيبه بس ما خلاني وعلى طول راح الجهة الثانيه من المزرعه وجاء واللي كان في جيبه ما هو موجود طبعا خباه عني وصارت التمشيه نكد في نكد علما بأنه دائما يسهر في مزرعة أبوه.


وأخيرا اليوم بالصدفه دخل زوجي يستحمى وأنا سبحان الله كأن ربي يبيني أشوف خيانة زوجي لي عاد لقطت جواله من جيبه ودخلت على صفحات النت اللي في جواله تتوقعون وش لقيت’’’’’’’’’

هو ما قال لي إنه مسجل في فيس بوك وكل ما أسأله يقول ماني مسجل فيه ’’’’’’’’’’’’’’’’’’’’

المهم لقيت في صندوق الرسائل المرسلة رسالتين رسلها قبل يومين يقول فيها (( هاي ريناد انا فلان ممكن نتواصل عالفيس بوك وهذا رقم جوالي الخاص )) وحاط رقم غير رقم جواله اللي انا أعرفه ,,

ورسالة ثانيه بأسم مي وبعد مرقمها

يعني عنده جوال ثاني حق البنات


يااااااااااه يابنات ما تتوقعون وش صار فيني على طول واجهته ووريته اللي في جواله أنقهر مني وحاول يضربني بس وقفت في وجهه
وهاوشته وجلست أسبه وانا ابكي ياناس انا ما خنته انا محافظه عليه وعلى بيته ليه هو يلعب من وراي مو مستوعب إنه إنسان متزوج هو على طول انكر ويقول مدري كيف جات الرساله عندي ومافي احد يمسك جواله غيره هو أرسلها الساعة ثلاثه في الليل وكان موجود عندي في البيت

يعني التهمه لابسته لابسته

المصيبة الكبرى على خيانته لي وصبري عليه يوم جلست اهاوشه

جلس يقول لي انتي(((((((( عقيم )))))))) ويرددها كل شوي

والله يابنات طعني في قلبي ماني متخيله يخونني ويطعني في قلبي بعد

ساااااااااامحوني انا طولت عليكم

بس ابي نصيحتكم وش اسوي معه أصبر عليه ولا أطلب الطلاق وأفتك

المصيبة انا أحبه وهو ياحليله إذا كان رايق ما يقصر علي بشئ بس عيبه هالبنات اللي مو راضي يتركهم وانا مابي اكون زوجه مغفله,,

فرجوا علي همي الله يفرج عليكم همومكم يارب

>>>>> ردود الأعضـــــــــــــــــــاء على الموضوع <<<<<
==================================


نصيحتي لك الزمي الاستغفار وصلاة الليل مع الدعاء فسهام الليل لاتخطي ارجوووووووووك حافظي على بيتك قد ماتقدري ولاتخلين هالبنات يخريون بيتك ويارب يسخر لك زوجك امييييييييييييييين


__________________________________________________ __________

السلام عليكم ورحمة الله
أختي ، انت بنفسك قلت ان زوجك كويس و انت تحبيه، لا تخربي حياتك و تصرفي بحكمة
ممكن هو رغبته في الاولاد خلته يتصرف هيك، اصبري وكوني حكيمة، احتويه بحبك و صلي لله و استغفري و ادعي انه يرزقك ويصلح زوجك، لا تتهوري في مواجهته وردود الفعل اللي تنكد حياتكم
ما دام تحبيه اصبري و في اللي ربي رزقهم بالذرية بعد سنوات كثيرة، ربنا كريم و أكيد مع صبرك بيتغير سلوكه
الله ييسر أمرك و يفرج كربك و يسخرلك زوجك و يرزقك بالذرية الصالحة المعافاة


__________________________________________________ __________

حبيبتي نصيييييييييييحة

لاتجلسي تفتشي ورا زوجك أبعدي عن هالعادة

هي السبب في ضيقتك وهمك

ولاتقولين الله يبيني أشوف أنتي تروحين تدورين بيدينك

خليه بيني له أنك واثقة فيه أفتكي من الهم اللي أنتي جايبته لنفسك

ومدامك تحبينه وهو حليل أحفظي بيتك وزوجك لابكرة تندمين

وأنتي شوفي يمكن أنك تكوني مقصرة في شيء مانتي حاسه فيه

راجعي نفسك وبعدين حاولي تسألين زوجك إذا فيه شيء مضايقه منك

بس كوني هادية مهما كان جوابه حاولي تتفهمينه وتحتوينه

لأن أنتي كل شيء بالنسبة له لاتخلينه يروح لأحد غيرك

خليه يشوف كل البنات فيك أنتي

ولاتنسي الدعاااااااء ياحبيبتي أدعي وأستغفري
والله يهديه ويسخره لك يارب

تحياتي,,


__________________________________________________ __________

اصبري يالغاليه واستهدي بالله وحاولي تتقربي منه اكثر وربي يفرج همك


__________________________________________________ __________

اصبر عليه وادعي الله بان ييسير اموركم