عنوان الموضوع : ياأخواتي وش اسوي في مصيبتي تكفون ابي نصيحه
مقدم من طرف منتديات نساء الجزائر

ياأخواتي وش اسوي في مصيبتي تكفون ابي نصيحه






مرحبا لكم جميعا اخواتي

بدخل بالسالفه على طول

انا زوجي كل 3 او 4 سنوات يقولي بسافر مع اصحابي10 ايام

بغير جو مع العلم انه مايقصر معنا ويسفرنا برا كل سنه

بس مشكلتي سفره مع اصحابه منكد علي طبعا كنت في البدايه انكد عليه

قبل مايسافر ولا استفيد شي ويروح ويخليني وكان قبل مايسافر

يجيب اغراضنا كامله ويتطمن علينا ويحط مصروفنا ويسافر

وأنا زعلانه ويرجع ولا كأن فيه شي الين تعودت أنا على سفره

وهو يبي كذا يبيني اصير مثل حريم اصحابه ساكتين وفرحانين

اذا رجالهم بيسافرون وهالشي حقيقه أنا معاشرتهم واحسهم عادي عندهم

ان رجالهم يسافرون ,بس المشكله مو هنا المشكله انه قبل 3سنين

سافر على (..مدينة عربيه) وبعد مارجع مسكت عليه (شي) واكتشفت

انه يدخل مراقص وواجهته وصاح وتنكد وتأسف وسامحته لانها كانت

اول غلطه له وكون انه رجال عاقل ومهتم فينا ولاعمره قصر بشي معنا

عشان كذا سامحته ,ومر على هذي السالفه 3 سنوات ,والحين يقول

انه يبي يسافر لأوروبا (فرنسا)ويوم زعلت قلب الدنيا علي

وقالي انا ماجيت أستأذن منك ,انا جيت أقولك أني رايح وماني بزر عندك

تمنعيني , والحين لنا يومين زعلانين وماني عارفه كيف أتصرف

ودي أقوله ان سبب رفضي لسفرك هو الي سويته بسفرتك الماضيه

بس خايفه يقومها قيامه ويقولي (انا حر) ويصير ماعاد يحترمني

مع انه محترم معاي ومع الكل بس وش نقول (شيطاااااان ) الله يخزيه

تكفون حبايبي ساعدوني مو عارفه كيف أتصرف ماودي أنه يسافر

ولاتقولون قوليله بروح معاك ,زوجي ماعنده هالسوالف يقولي

لا في وجهي وبيقول لو أبي أخذكم بقولك

تكفون ساعدوني واللي ماعندها حل بليييييييييز تدعيلي ان

الله يصرف قلبه وعقله عن هذي السفره ولا يتممها له

وألف شكر لكم

>>>>> ردود الأعضـــــــــــــــــــاء على الموضوع <<<<<
==================================


ياقلبي عليك والله ماني عارفه وش اقولك بس شكلك مررره متضايقه

انتي أهم شي لازم تسوينه انك لاتزعلين زوجك

ترى الزوج يحب يسمع الكلام الطيب من زوجته وانتي أخذيه بالكلام الهادي والعسل وحسسيه انه غالي ومكانته مستحيل تكون مثل باقي البشر
وإذا أصر على رايه ويبي يسافر لاتزعلينه الله يوفقكم وقوليله تروح وترجع بالسلامه والله يحفظك من شياطين الإنس ولاتنسين ان الله فوق سبع سماوات لايخفى عليه شيء ويشوف عباده وين ماكانو وانتي خليك دايم تدعين له وان الله يهديه ويخليه لك واستغفري ولاتنسين قيام الليل والدعاء ترى رب العالمين سميع مجيب

الله يوفقك ويسعدك ويخلي زوجك لك ويحفظكم من كل شر


__________________________________________________ __________

ياقلبي احمدي ربك انا يسافر كل سنه ويقولي بوديك ومااشوف الا الشرقه احمدي ربك لا ويومين بعد احمدي ربك


__________________________________________________ __________

فعلا ما عليك الا بالدعاء وصالحيه وقولي انك تشتاقين له وهذا سبب رفضك لسفره وحاولي ان تحكي له قصص ولو من نسج خيالك عن الايدز ومخالطة النساء والذهاب للمرقص انت وذكائك وتوكلي على الله


__________________________________________________ __________

المشاركة الأصلية كتبت بواسطة "نور الدنيا"
ياقلبي عليك والله ماني عارفه وش اقولك بس شكلك مررره متضايقه

انتي أهم شي لازم تسوينه انك لاتزعلين زوجك

ترى الزوج يحب يسمع الكلام الطيب من زوجته وانتي أخذيه بالكلام الهادي والعسل وحسسيه انه غالي ومكانته مستحيل تكون مثل باقي البشر
وإذا أصر على رايه ويبي يسافر لاتزعلينه الله يوفقكم وقوليله تروح وترجع بالسلامه والله يحفظك من شياطين الإنس ولاتنسين ان الله فوق سبع سماوات لايخفى عليه شيء ويشوف عباده وين ماكانو وانتي خليك دايم تدعين له وان الله يهديه ويخليه لك واستغفري ولاتنسين قيام الليل والدعاء ترى رب العالمين سميع مجيب

الله يوفقك ويسعدك ويخلي زوجك لك ويحفظكم من كل شر

مشكوره حبيبتي ردك ريحني كثير

بس ياعمري انتي

أنا مجروحه من زوجي يعني مانسيت اللي شفته بعد مارجع

من سفرته الاخيره عشان كذا ماني راضيه انه يسافر,

والله قلبي يعورني وحاسه بضيق مره

ومادري أذكره باللي صار منه ولا أسكت والله حيره


__________________________________________________ __________

المشاركة الأصلية كتبت بواسطة رفيقه الطير المهاجر
ياقلبي احمدي ربك انا يسافر كل سنه ويقولي بوديك ومااشوف الا الشرقه احمدي ربك لا ويومين بعد احمدي ربك

أكيد أكيد يالغاليه الحمد لله ألف مره اللي يشوف
مصايب الناس يقتنع بمصيبته

الله يفرج همك وهمي ومشكوره الله يوفقك يارب