عنوان الموضوع : فكيها شوية 2 - الشريعة الاسلامية
مقدم من طرف منتديات نساء الجزائر

فكيها شوية 2



ليه عملتي في نفسك كده ؟!

* بنت بتقول :
أنا بنوتة في ثانوي ، أصحابي كل يوم يسخروا مني ويستهزئوا ويقولولي إنتي إزاي عايشة بالشكل ده ؟؟؟!!
لا بتسمعي أغاني ولا مسلسلات ولا أفلام ولا بتخرجي ولا بتكلمي ولاد !!
إنتي بتعملي في نفسك كده ليه ؟؟
حرام عليكي نفسك كده !!

* وهتلاقي يا أختي ناس كتير بيقولولك :
عيشي حياتك يا بنتي واتمتعي وبلاش تخنقي نفسك باللبس الواسع والصلاة والحاجات دي من دلوقتي !!
لو التزمتي دلوقتي "هتدفني نفسك" !!!!!
ومش هتعرفي تعيشي حياتك زي الناس !!!
عيشي اللحظة واستمتعي بشبابك وبلاش تعقدي نفسك من دلوقتي!!


* وأنا هقولك :
رُدّي وقوليلهم أنا عايشة شبابي وحياتي ومُستمتعة بيها ومش حارمة نفسي من أي مُتعة حلال ،
إنما الحرام فلااااااااااازم أمنع نفسي منه حتى لو كان فيه مُتعة،
لأني عارفة ومتأكدة إنها مُتعة وهمية مؤقتة ،
آه هتمتع شوية ، ولكن مش هجني غير غضب ربنا والعذاب في الدنيا والآخرة ..!!

* واللي بيدور على السعادة ونفسه يعيش سعيد بجد
لازم يعرف إن السعادة الحقيقية ملهاش غير طريق واحد بس
.. طريق ربنا ..
مفيش طريق غير كده .. أحلى حياة فقط في طاعة الله ..
أي طريق غير كده مش هتلاقي فيه غير الضنك والهم والشقاء والاكتئاب!

* والسعادة عمرها ما كانت باللبس والمكياج والخروج والفسح والشات والأغاني والأفلام !!
ياما ناس عندها كل الأسباب اللي شايفين إنها هتحقق لهم السعادة ، ومع ذلك مش سعداء !!!
* والدليل إن في أمريكا والدول الغربية بنلاقي أعلى معدلات انتحار في العالم ،
رغم إنهم بيعملوا كل حاجة نفسهم فيها ، وعندهم كل الأسباب اللي إحنا متخيلينها طريق للسعادة !!!

وعلشان كده بقولك والله العظيم ما هتعيشي سعيدة
وإنتي بعيدة عن ربك !!
لازم تصدقي ربك حبيبك اللي بيقول :

( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى ) طه:124

* والله والله والله ما في لذة بتكتمل أبداً إلا لو كانت متوافقة مع شرع ربنا ورضاه ..

فكيها شوية الجزء الثاني للقراءة مباشرة والتحميل
اضغطي على الصورة

>>>>> ردود الأعضـــــــــــــــــــاء على الموضوع <<<<<
==================================


كلام روعه
يسلمووووًو

بارك الله فيك


__________________________________________________ __________

كلام في قمة الروعه
يزاج الله خير عزيزتي


__________________________________________________ __________

الله يسعدك سعادة لاتنفد ويرضيكي كما ارضيته رضا لا ينقطع تسلميلي على الكلام الرائع والتفكير السليم الله يجازيك الفردوس الاعلى ويهديهم يارب


__________________________________________________ __________

يسلمووووووووووووووو


__________________________________________________ __________

شكرا وشكرا وشكرا وشكرا
وبارك الله فيك