عنوان الموضوع : يالسعودين افهمو الحياهـ .. (أخذ وعطاء) حياة اسرية
مقدم من طرف منتديات نساء الجزائر

يالسعودين افهمو الحياهـ .. (أخذ وعطاء)








والله صدق الرجل السعووودي طماااااااااااع ومايملي عينه شيء

واذا شفناهم انسدت نفسنا من لبسهم واشكالهم اللي كانهم يشتغلون بمزرعة


((تنهد محمد بشدة و هو يقود السيارة و بجانبه زوجته .. وسألها شفتي ذيك اللبنانية اللي في المحل وشلون تحاكي الرجال اللي معها؟؟ تبينه رجلها ولا مخاوتيه؟؟

الزوجة : إلا رجلها شايفته يوم يلبس الولد جزمته بعد ما قاس عليه البنطلون
. تجاهل ملاحطتها بالنسبه للتلبيس و تسائل بغباء:
وشلون؟؟


الزوجة : وش قصدك ..وشلون؟؟


ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح قلبي.
وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك


الزوجة :أولا :لو أقول لك ياحبيبي في المحل وطيت رجلي ..
ثانيا: الحريمه لابسه بنطلون جينز محكك ماشفت فيه أي بادرة شياكه

و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...

مهوب مثلك أن كانك ذاك اليوم رايق و ذابحتك الرومانسية قلت إلى قضيتوا تراي واقف برا أحتريكم..

ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..

شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح أطلاقا..

ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا... ))


حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون (جدة ) سعوديين و أفتخر بهم جميعا .
إلا أن الشغلة فيها بجاحة شوي . لا والله مهوب شوي إلا بجاحة بلا حدود'
أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.

صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هاذي فوزية الدريع طول برنامجها وهي يا عيوني و ياعيوني ..'كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟
تبي زوجتك تحترمك وتغنج لك و تقول لك سم ولبيه و انت ردك عليها 'هها ؟؟بمعنى نعم ' أو وش هنا ؟؟

أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان المرأة يقال لها 'سمي ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة ' سمي '

يا حليلك يالرجل السعودي عجيب وغريب و جرئ
غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة سويس ارمي

عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيفا و شتاء تدير و تاكل و تنام في اللبس السعودي الرسمي فنيلة بيضاء نص كم و سروال سنة .. ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن (هي تشتري مخفضة ليس تقليل من قيمتك و لكن لأن الأمل ضعيف في انك تلبسهم )

ياشباب!! ' الشياب توو ليت ماعاد فيه أمل يتعدلون' ّّّّّّّّّأنا متاكدة أن مافيه أنثى بتقول لها ' حبيبتي' و ترد عليك بجفاف ..الأنثى معطاء جرب تعطيها حنان و بترد لك أكثر .
الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة ..أصلا طبيعة الأنثى غيور و بتجاريك في لبسك تلقائيا يأما حتى ترتقي لمستواك_ أو_ عشان ما تعرس.
ومثل ما يقولون الأمريكان ' إت تيكس تو '


ذكرت سالفة طريفة و هي سالفة النجدية ' أم علي' اللي جتها جلطة عندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا ياهيش و يامره .. و عندما سألوا أبو علي عن سبب التغيير المفاجئ ..أجاب :
بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني ..الله ياخذ الروح قبل المكروه
ارجو من شبابنا يتدركون الوقت ولا يبخلون بلكلام الزين والنظاااافه
بسكم طماله وجلاااااافه

منقوووول لعنونكم

إيش رايكم بالكلام .... طبعا

>>>>> ردود الأعضـــــــــــــــــــاء على الموضوع <<<<<
==================================


طبعا كلام سليم ,,,,,,,,,,,,,

بس دائما المرأه عليها العبء الاكبر فى النظافه والشياكه والدلع كمان

وكمان والله لو الواحده عملت كل ده ومالقتش رد فعل كويس حماسها بيفتر انها تستمر

عجبتنى اوى حكايه ابو على


__________________________________________________ __________

شكرا على المرور ..
بس غريبه ..!! وين الباقي ..


__________________________________________________ __________

هههههههههههههههههااااااااااااااااااااااااااااااااا اي خطييييييييييييييييييييييير أبي أرسله لإيميل زوجي وشلون؟؟

تسلمين ياقلبي عاللطشة الحلوة .. حلوووووووووووووووووووووه

بس الحمدلله زوجي مو كذا

الله لا يحرمني منه علشان ما يتغير هههههههههههههههههههههه يعطيك الف عافيه على الموضوع الراااااااااااائع


__________________________________________________ __________

كلم صحيح بس حبيبتي هدا مش بس في السعوديين في اغلب الرجال العرب

بس الحمد لله انا زوجي من السعودية بس اطباعه غير كده تماما

يعني لا تظلمي كل السعوديين
المشكلة في طبيعة معظم الرجال انهم يحبه الشي الي مش ملكهم ويدورو عليه تدروير يعني بتحلا له زوجة صاحبه اكتر من زوجته حتى لو كانت اقل منها جمالا واناقة

اما بالنسبة للكلام الحلو بين الزوجين لازم يكون متبادل يعني اخد وعطاء انا متفقة معاكي في هادي النقطة

حبيبتي موضوعك رائع بانتظار جديدك


__________________________________________________ __________

هذا من اصل التربيه ماتعود يشوف ابوه يعطي امه كلمة حلوة ولم يتعود على معاملة اخواته بقليل من الرقه والاحترام ليشعر ان هنالك فرق
اخذت في النقاش انا وزوجي على هذا الموضوع >>>على قولهم افهمي ياجاره خخ>>
بس لاقيت من كلامه رد غريب قال انا جالس مرة مع واحد ويقول لي من سياق حديثه >>>> عزك الله حرمة
زوجي استغرب وصفه للمراة وسبقه بعزك الله حرمة الهذا وصلنا ان نكون ؟؟؟كاننا حمام اعزكن الله
هنالك رجال لااعرف ماذا يرون النساء مجمع قاذورات وماشابه فكيم لهن من الكلام الحلو نصيب