عنوان الموضوع : طلقني وسافر .....! حياة اسرية
مقدم من طرف منتديات نساء الجزائر

طلقني وسافر .....!






السلام عليكم ورحمة الله وبركاته ..عندي مشكلة كبيره ما انام الليل مو قادرة احلها ابي مساعدتكم ..

انا متزوجه من 4 سنوات وعندي طفل مشكلتي مع زوجي من تزوجت وحنا في مشاكل كثيره مستمرة اهلكتني واتعبتني لدرجة اني نحفت وحتى هو نزل وزنه واجد ومع ذلك كلنا نحب بعض بس واجهتنا ظروف قويه خلتنا ننفصل عن بعض من اسبوعين ..

حياتي معه مو ناقصني اي شي ماديا الحمد لله وهو انسان يخاف الله يصلي وكريم وعايشين في بيت مستقل ووظيفته كويسه بس اخذ قرض من البنك 500الف ريال وغير كذا باع سيارته وانا في الفتره الاخيره لي سنه وانا مريضه اشكو من ثآليل تناسليه اتعبت نفسيتي وحرمتني من الاقتراب من زوجي وغير كذا لما تعافيت منها حملت وكان حمل صعب وسقطت وسويت تنظيف .. زوجي عصبي جدا وعمله شاق لانه عسكري وطول اليوم برا البيت وهو تعب من المشاكل اللي هو فيها وضغط العمل وتعب مني كزوجه مريضه وغير كذا دخلت عليه مره وشفته يكلم في الظلام ولما فتحت الباب وقف فجاءة وقفل الجوال قلت له من تكلم لاني حسيت انه مرتعب قال اسدد فواتير بالجوال ماصدقته مادري ليش خليته يحلف على المصحف قال لا هذي وحده معي في العمل قلت اول مره ادري انه معكم حريم قال عملنا سري لانه خاص بالدوله وماقدر اقول لك كل صغيره وكبيره بس قلبي مو متطمن احس ان الرجل طفش مني ويدور على غيري ودايم كلمه زواج المسيار على لسانه مزح واحيانا تخويف اذا تهاوشنا فصرت في حاله نكد ونفسيا احس اني غير مستقرة من كثر التهديد..

لما سقطت وسويت عملية تنظيف جلست اسبوع عند اهلي واسبوع قلت اروح لبيتي مع اني ماطهرت لاني في عداد النفاس بس لانه بيروح بعد اسبوع انتداب لجده عشان الحج وبيجلس شهر فا قلت اجلس قريبه منه قبل مايروح كان يزن علي بهالفتره بالجماع وانا اقول انشاء الله بس خلني اطهر ورغم كذا تعبانه بس تعب مني وصار يالله يتكلم معي ويقول انتي قرف والحياة معك كلها تعب في تعب طول وقتك تعبانه .. بس هذا مو في يدي بيد رب العالمين

جاني يوم الاثنين وقال ابيك اليوم سواء طهرتي ولا لا .. رحت لبست وتزينت رغم التعب ونومت ولدي وجاني وشافني باحتقار قال خليها بعدين بطلع الحين عندي شغل قلت بس انا جاهزه حتى الولد نومته عصب علي وطلع وتركني ماجاني الا 5 الفجر ولايبي يكلمني تركته لين يهدأ صار بكره الظهر قلت له خل نتناقش ليش زعلان علي وش سويت قال مايبي نقاش تركته برضو ..

صار العصر ولبست بروح لاهلي زياره كنت بروح مع السواق شافني لابسه قال يالله انا اوديك رحت معه يوم وصلت بيت اهلي وجيت انزل قال اسمعيني انتي طاااالق قلت من جدك وش اذنبت فيه قال انتي مو مريحتني وغير كذا تشكين اني اكلم وحده وانا ماعرف غيرك وهذا الكلام ان له شهر توه يستوعب يطلق اساسا مافتحت معه موضوع اللي يكلمها من زمان ..


ولي اسبوعين عند اهلي اعاني معاناة ايش الذنب اللي سويته راح وتركني لا ملابس ولا مصروف ولا سأل عني ولا عن ولدي سافر الحين وبيجلس شهر ياربي ايش اشوي ارجع بيتي عادي بس اخاف اذا جا قال وش جايبك ويطردني مره ثانيه ولا انتظر عند اهلي لين يجي ويكلم ابوي ..

حتى امه واخته يقولون هو رايح عمل شاق مانقدر نكلمة وهو هناك اذا رجع هو يحل مشكلته واذا ماقدر حنا نتدخل في الاخير..
كل يوم ادعي في جميع صلواتي انه يرده لي ولولدي رغم انه قهرني بكل معنى الكلمه .. مادري هو عمل كذا عشان يأدبني او هو مايبغاني وراح يتزوج ومايقدر على بيتين !! افكار كثيره تدور في راسي ....


تكفون ساعدوني هو طلقني في الشارع عند باب بيت اهلي مو في بيتي لو في بيتي كان جلست لين تخلص العده بس معناها مايبيني ياربي وش اسوي انا في حيرة؟؟

>>>>> ردود الأعضـــــــــــــــــــاء على الموضوع <<<<<
==================================


الله يفرج همك يا اختي العزيزه وانا والله ليش بيدي سوا الدعاء لك بان يفرج الله همك ويحل مشاكلك وتسعدين بحياتك ويهدي لك زوجك ولكن عندي سواء ضروري لك واتمنى تجاوبيني ماهو علاج الثآليييل التناسلية؟؟؟؟؟؟


__________________________________________________ __________

مشكورة اختي على الدعاء ..
بالنسبة للعلاج جلست اعاني شهوور منها وجابت لي كئابة .. اول شي لازم تكون نفسيتك عاديه مش متأثره منها واجد لانها تزيدها وغير كذا مراجعه دكتوره عندها ذمه وضمير مثل تباسيم في الروضه لان علاجها الكي ولازم تراجعين كل اسبوع لانها تطلع كل اسبوع عشان تقضين عليها اول بأول وانتبهي من الليزر لانه يزيد الطين بله صديد ودم ومنطقه حساسه مستحيل تلتئم بسرعه بالاضافه الى استخدام ملابس داخليه من الصيدليه اللي تستخدم مره وحده وترمى عشان العدوى ماتروح حتى لو غسلتي بديتول واذا متزوجه ممنوع جمااع لانه ممكن ينقل العدوى لعنق الرحم وتصابين بسرطان عنق الرحم
وليس له علاج واضح لكن سببه فيروس ينتقل نتيجة نقص مناعه عندك فا حاولي تاكلين الاشياء اللي تزيد المناعه مثل العسل مع الحبه السوداء .. والدكتوره كتبت لي حبوب من مصر جبتها لعلاج الديدان بس تقول انها تقوي مناعه الجسم ضد الفيروس تستخدم 8 اسابيع يومين في الاسبوع اسمها كتراكس .. الحمد لله شفيت مع الدعاء والصلاة والتصدق

وفيه دكتوره ثانيه ساعدتني اسمها نانيس في مستوصف الراي الطبي ممتازه وماعندها زحمه بالنسبه
للكي لان تباسيم مزحومه هذا في الدمام انا مادري انتي وينك فيه بالاضافه لغسول اسمه بيتادين للتعقيم ..وانتبهي احد يعطيك مضادات حيويه لانها تضعف الجسم زياده
والله يشفي الجميع يارب


__________________________________________________ __________

اختي كان الله في عونك...اسال الله ان يرد اليك زوجك ردا جميلا
انا من رائي لا تذهبي الى بيتك اجلسي عند ابيك حتى ياتي
ويتفق مع ابيك على شي...والله يكتب لك ما فيه الخير..


__________________________________________________ __________

يارب يفرج همك و حزنك


__________________________________________________ __________

الله يعينك يااختي ويعينه جميعا على مشاكل الازواج
وانا من رأيي انه ماترجعيين لبيتك خليكي عند اهلك اذا كنتي مرتاحه هناك واكيد لمن حيرجع من سفرة حيجيك اذا موعلشانك علشان الطفل الي بيناتكم
والله يصلح الاحوال