عنوان الموضوع : رأيت عمتي اخت ابوي اللي ماتت منذ أكثر من13سنه/تحللني وتسامحني/من باب الاستئ من الشريعة
مقدم من طرف منتديات نساء الجزائر

رأيت عمتي اخت ابوي اللي ماتت منذ أكثر من13سنه/تحللني وتسامحني/من باب الاستئ



رأيت عمتي اخت ابوي اللي ماتت منذ أكثر من13سنه/تحللني وتسامحني/من باب الاستئناس اذكرها


,



,




,



السلام عليكم ورحمة الله وبركاته


صباحكم بـ ريحة العوود يا ورد مفتح على الخدود

كيفكم يا بنات الكرام والجوود.,,, يارب أنكم في صحه وعافيه

هذي الرؤيا الثانية لي ...
وكانت الأولى للي مامرت عليها ( رؤيا لي فُسرت_بـ انسخها لكم....واللي مايشتري يتفرج..
وحبيت تشاركوني في الثانية

وكالعادة بعد تردد انزل الموضوع ..لاني خشيت على نفسي الضعيفة الرياء والسمعة والعجب

فـ استخرت ربي في طرح الموضوع..واساله تعالى التيسير

واسال الله ان ينفع بها...وان يطرح فيه البركه......وان يرزقني واياكم السداد والفلاح

ونساله تعالى الصدق والأخـــلاص

واسال الله ان يجعله عملآ صالحـآ...و لوجه تعالى خالصآ

والصلاة والسلام على سيدنا محمد وعلى آله وصحبه وسلم


بسم الله ابدأ





سلام الله عليكم ورحمته وبركاته


حالتي قبل النوم: صليت التهجد.وكنت مرتاحه عادي.وسالت ربي ان يريني رؤيا صالحه ويلهمني تفسيرها
ان تذكر كل ماهو قد يخدم تعبيرفي حلمك من واقعك.:.

في شباك غرفة نومي.اضع اكل للطيور..وادعي بهذا العمل
بأن يغفر الله لي ولوالدي وزوجي وبناتي واخواني واخواتي وارحامنا وانسابنا..
وكنت اخص دعوة (لعمتي )..بأن يغفر الله لها وان يعفو عن زلاتها..وكنت اخصها بالدعا لانها ماتت وعمرها فوق الثمانين
ولا ولد لها يدعوا لها.....كانت تسكن معنا في بيت والدي...وكانت بعض تصرفاتها تثير مشاحنات وبغضاء واحقاد في وسط العائلة
وكان لي دعوة ارددها كل يوم وانا اضع أكل الطيور
((اللهم ماكان بيني وبينك فغفر لي واعفو عني وسترني وتجاوز عني..ياعفو يا كريم
وماكان بيني وبين عبادك اسألك أن تتــولاه عني,واضمن لي التبعات..اللهم واجعل لي مخرجآ ان يعفوا عبادك عني))..

وكنت انوي بهذي الصدقه لي ولوالدي وزوجي وخواتي واخواني
ولكل من له حق علينا ولكل من لنا حق عليه..وقول ((اللهم اجعلها عن كل إنسان أذيته او سببته او شتمته او اغتبته او بهته او ظلمته )
ولكل مسلم ومسلمه نعرفه او لا نعرفه مات وانقطع عمله ومحتاج لحسنة...ان يجعلها حسناتها تصب على قبره صبآ
وجميع المسلمين..وكان هذا وضعي كل يوم تقريبآ


الرؤيا هي:
رأيت عمتي مقبلةٌ تجاهي وتنظر لي بأبتسامة خفيفه ..
وكانت تلبس قميصها الازرق وعاصبة رأسها بشيلة مثل طريقتها وهي حيه


فجأة
كنت انا وبناتي واقفين في أخر الصاله...والصالة فيها ممر(سيب)..اخر السيب يودي لغرفة نومي
رأيت عمتي واقفه على عتبة باب غرفتي المفتوحه....ظهرها لغرفتي و وجهها مقابل الممر
رأيتها واقفه عريااانه ,,ويداها مسدولتان..وكانت تبـــوول..( مثل الولد لما يبول واقف)..وكان بولها كثيف وكثيرررررررر
واخذت وقت طووويل وهي تبول
ملاحظة: (لم يظهر لي شي من عورتها اي شي)..لكن في خاطري انها عريانه لانها تبول
وانا وبناتي ننظر لها...بناتي كأنهم تقرفوا وقالوا: يععع تبول على الارض..
فأشرت لهم بيدي إن اسكتوا ..خلوها تكمل عشان ترتااح
وقلت:معليش خلوووها ترتاااح..خلوها تخلص وترتااح ..اهم شي ترتااح ..وانا بعدين بنظف المكان..اهم شي ترتااح
وجلسنا ننتظر متى تخلص.....
وفجأة رأيت نفسي اني امسك بالخرطوم الموية واغسل.. وبيدي ممسحه انضف المكان من بعدها
وماكنت منزعجه..بالعكس كأني ارتحت لرحتها



ملاحظة: بعدها بيومين رآيت اني زرتها وكانت لابسه ابيض ومعصبه راسها بشيله وبطريقتها المعروفه عنها
..ونايمة على شقها اليسار..وجيت من خلفها فالتفتت لي ..وابتسمت لي
وسلمت عليها وسلمت عليَ..وضمتني وضميتها...
ثم قالت لي وهي تشير بأصبعها السبابة اليمين تجاهي
الله يسامحك دنيا واخره
اعانكم الله على تفسيرها ..


وكان تفسيرها






و الله اعلم





حلمك الاول يدل انك قضيتي حاجتها واكنت حجتها تحتاج عمل فتره
طووووووووووووووووووووووووويله
لانك عملته باحسان ولوجه الله رفع عملك الى درجات عاليه ينجي الله هذي المراه
ومن حلمك ان بناتك لم يربو نفس تربيتك
ولا قلوبهم مثل قلبك
انتبهي لهم وربيهم على قلب يبحث عن حبيبه وهوا الله
وربيهم في الطعات والعبدات
وعلى بر هذي المرئه عند كبرهم
ان بناتك يحتاجون ان تقفي لهم اكثر واكثر واكثر ليكونو مثلك
فانتي تربيتي في بيت يختلف عن تربيتهم فخبراتهم تختلف عنك
احي قلوبهم وربطي الله دائما في حياتك
اما الحلم اللثاني
فهذا راااااااااااااااااااااااااائع
كما قالت العجوز
الله مسامحك دنيا واخره
فاني اغبطك من كل قلبي
ماشاء الله
فعملك القليل تقبله رباً عظيم
والله اعلم


الحمدلله الذي بفضله تتم الصالحات

الحمدلله الذي يتقبل التوبه ويستجيب الدعاء

الحمدلله الذي رغم تقصيرنا وكثرة ذنوبنا يسترنا بجميل ستره

الحمدلله الذي يقبل القليل ويعفو عن الكثير

اخواتي عمتي هذي ماتت من سنين طويله
والله وحده يعلم كيف كان وضعها قبل هذي الرؤيا
الله يرحمها ويرحم موتا المسلمين

سؤال اوجهه لي قبل ما اوجهه لكم ( نحن الاحيـاء)

مين بيتصدق علينا بكرة اذا صرنا تحت التراب؟؟

مين تضمنين؟؟
ولو تذكرونا ..متى بيتذكرونا؟؟
مين فاضيلي وفاضيلك..وكلن بهمه في هالدنيا سرى
كلن مشغول في نفسه وفي السعي ورى رزقه محد فاضيلنا..والنفوس شحيحه

لكن اخواتي الرسول عليه الصلاة والسلام قال( كما تدين تدان ))
فيا حبيبتي في الله من الحين ادخري لنفسك جمعي لنفسك من الزاد
وسامحي يا اختي سامحي وحللي الناس ..سامحي عشانك انتي
وعشان يجعل لك ربي مخرج ويسامحونك الناس
الدنيا ما تسوى
واللي مايزال يظلمك ادعي ربك وانتي تتصدقين انه يكفيك به..واقسم بالله انه راح يكفيك

حبيبتي الله يعفو عن الكثير لانه عفو كريم بيعفو عن حقه عليك
اذا استغفرتي وطلبتي العفو منه لانه كريييم
لكن حقوق الناس لازم تتحللين منها قبل مايجي الموت ..ويخاصمونك بين يدي الله
خساره تصومين تصلين تزكين تتصدقين تدعين تستغفرين تسبحين ووو
وياخذونها منك بارده مبرده وعينك تشوف وتبكي دم وحسسسسسسسره
وتكونين من المفلسين يوم الحساب ..اعيذ نفسي واياكم من الفلاس

فأكثري من الصدقه ولا تحقري من المعروف شيئآ..
وعلى كل شي تتصدقينه ادعي به ..وانويها عنك وعن من أذيتيه او أذاك..وادعي ان يزيل الله مافي قلبك وقلب (خصيمك) من حقد وغل
يقول تعالى: {ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} [فصلت: 34].



وانصح نفسي واياكم لا تجعلون كل دعائكم فيما يخص هذي الدنيا
من رزق وصحه وبيت وفلوس و و ..(اقول لا تنسين نصيبك من الدينا)
لكن لا تجعليها هم وطلبي من الله ان يجعل رضاه والجنة أكبر همك
اطلبي من الله الاخره ,,تجيك الدنيا ساعيه
قَالَ رَسُولُ اللَّهِ صَلَّى اللَّهُ عَلَيْهِ و على آله و صحبه وَ سَلَّمَ :
" مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَ جَمَعَ لَهُ شَمْلَهُ
وَ أَتَتْهُ الدُّنْيَا وَ هِيَ رَاغِمَةٌ
وَ مَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ وَ فَرَّقَ عَلَيْهِ شَمْلَهُ
وَ لَمْ يَأْتِهِ مِنْ الدُّنْيَا إِلَّا مَا قُدِّرَ لَهُ " .


اكثري طلب الله بأن يرزقك الطعات اللي تقربك له..ادعي بالخاتمة الحسنه..
ادعي بأن تأتينه بقلب سليم...واساليه خُلُقآ مستقيم ولسانآ صادق..ادعي بان يكرمك بحبه
لان حب الله ينجي من العذاب..اكثير من طلب مافي الاخره اكثر ماتطلبين لدنيا..
ادعي ان يكون عملك الصالح هو جليسك في قبرك
ولا تنسين الإسلام والمسلمين الاحياء منهم والامـوات...
فكم سنتمنى من يتذكرنا بدعوة او بصدقه اذا حثوا علينا التراب وراحوا وخلونا


ملاحظة اخيرة: ( المقصود باضمن لي التبعات..تبعات اي شي تبين من الله ان ييسره لك ويكمل تبعاته على خير)
مثلآ: صيفية العام تصالحت مع اخوي اللي كنت متقاطعه معه حوالي سبع سنين..وتسامحنا
وليله رمضان اللي راح..اتصلت علي صديقتي اللي قاطعتها سنين(بسبب تافه) اتصلت تبارك لي برمضان..
يوم سمعت صوتها ضحكنا ودردشنا وتسامحنا


واخيرآ:: مثل ماقريتوا عن الجزئية اللي تخص بناتي..
فأني اطمع منكم بدعوة صلاح لبناتي وأن يجعلهم ممن يرحم فيُرحمون..
وان يزينهم بزينة الإيمان والحياء والحشمة والعفاف
واي دعوه زياده فأنتي كريمة بنت الكرماا, وبناتي أن شاءلله يستاهلون



احبكم في الله

منقول

>>>>> ردود الأعضـــــــــــــــــــاء على الموضوع <<<<<
==================================


رؤيا لي فُسرت_بـ انسخها لكم....واللي مايشتري يتفرج..

--------------------------------------------------------------------------------

السلام عليكم ورحمة الله وبركاته


كيفكم يا احلى من العسل المصفى ؟؟

يارب انكم في صحة وعافيه ....

حبيباتي هذا رؤيا فسرت لي.....وحبيت انقلها لكم لعل وعسى ان تستفدون منها

ويعلم الله اني ترددت حبتين بخصوص طرح الموضوع

فقلت كسري هالصحون وقولي انزله .لا ما نزله..انزله..لا مانزله <<تحسونها صادقه



المهم قررت اني انزله للفائدة..واسال الله ان يطرح فيه البركـة.. وان يجعله خالصآ لوجه سبحانه...


صلي على حبيبك النبي محمد صلى الله عليه وسلم


وبسم الله نبدأ:








*ان تذكر كل ماهو قد يخدم تعبيرفي حلمك من واقعك::
كنت اصوم يوم وافطر يوم ...وفي فترة الرؤيا كنت قد اهملت هذي العبادة
الرؤيا هي
رأيت نفسي وانا بعباتي كاشفة الوجه,داخل منطاد هوائي نازل من السمااء ببطئ شديد,,وكانت السماء صافيه وجميله,,
وانظر الى الارض
اذ هي ارض خضرااااء اشجار وانهار وبحاار
كان منظر جمييييييل جدآ
وكأني في حالة انتظارررر وتسأل في نفسي متى سأصل


وفجأة وفي نفس الرؤيا


رأيت اني داخل اسنصير بوابته من زجااج نازل من برج عاااالي لسماء
وببطئ شديد..وانظر الى الارض اذ هي نفس الشي خضره واشجار وطبيعة وجمال وانهار وبحار


وكأني في حالة انتظاررررر وتسأل متى سأصل؟


وفجأة
كأني على شرفه (بلكونه واسعة) تشرف على جبال شاهقة واسعه وخضرااء


وفجأة رأيت على يميني رجل كبير في السن وله لحية بيضاء قصيرة لا اعرفه,, فارش على الارض البلكونة
وقدامه سفرة عليها خضار وفواكه...(لاذكر هل كان يأكل منها او يقطعها استعدادآ لأكلها!)
فتقدمت إليه وجلست معه ونظر إلي ,وقلت له
انا كنت اصوم يوم وافطر يوم...ولا اذكر هل قلت (لكني ان شاءلله برجع اصوم) او انها كانت في نفسي !




وكان تفسيرهــا!


















الله اعلم













اختي انتي كنتي تلامسي السماء لعلو درجاتك


ولكن الان انتي في نزول منها


مازلتي علي خير


ولكن لستي كما كنتي


حلمك يحثك على ردك الى عملك


وصدقيني لا يستاهل اي هم في هذي الدنيا ان ينزلك هذي الدرجات ويجعلك تتركي هذي الطاعه العظيمه


اتركي همك لله وردي الى ماكنتي عليه من كنز


والله اعلم





























شفتوا يا بنات هذي العبادة وين وصلتني
ولما اهملتها كيف صار حالي للنزول
ياخسارة يا خسارة









اجل كيف اللي ماتصوم الفريضه؟؟؟


اجل كيف اللي تتهاون ولا تأدي واجب القضااء؟؟


اجل كيف اللي تصوم بالسنه يومين ثلاث فقط نوافل ؟؟وكأنها تمن على الله ولاحول ولا قوة إلا بالله


اجل كيف اللي تصووم وتقول افففففففف متى يأذن زهقت ؟؟؟!!!


اجل كيف اللي ماتصووم بالمره وتقول احمدوا ربكم اني اصوم رمضان!!!؟؟


اجل كيف اللي تتكبر وتقول صوم نافله سنه عادي مش مهم ما نأثم !؟؟!




الشاهد يا اخواتي الحبيبات
مابقول ضيعت لكني خسرت خسارة عظيمــة


لتكاسلي وتقاعصي واهمالي عن ادااء هذي العبادة لسبب من اسباب الدنيا


اخواتي كم وحده فينا تصبح وتمسي وهي بخير وبعافيه والحمدلله


ليش مانشكر الله بهذي العبادة؟


ليش ما نستغل صحتنا وشبابنا على هذي العبادة؟؟




حبيباتي كلنا نعرف هذا الحديث(( قَالَ رَسُولُ الله صَلَّى الله عَلَيْهِ وَسَلَّم: "الصِيَام جُنَّةٌ، وهو حِصْنٌ من حصونِ المؤمِن، وكلُ عملٍ لصاحبهِ إلا الصِيام، يقولُ الله: الصِيامُ لي، وأنا أجزيِ بهِ."))


جُنّةٌ: يعني تخلين بصيامك هذا بأذن الله حجااب وحصن منيع من النار


الصيام لي: يعني أي أنه أحب العبادات إلي والمُقَدَم عندي.


وأنا أجزي به: اي انهُ أنفرد بعلم مقدار ثوابه وتضعيف حسناته، فترك الاجر مبهم لعظم الثواب..يعني أن العطاء سيكون كبيرا بغير حساب ،


وعشان كذا قال تعالى ( إنما يوفى الصابرون أجرهم بغير حساب ) والصيام عبادة الصبر .وغير كذا


وفي حديث "" (( لا يصوم عبد يوماً فى سبيل الله إلا باعد الله بذلك اليوم النار عن وجهه سبعين خريفاً ))




والصوم يهذب النفس وينزل العبد منزله المتقين والمحسنين..


ويجينا يوم القيامة يشفع لنا....وهذا دليل انه يكفر ذنوبنا اللي على عدد شعر روسنا




والله يا بنات العمر يمشي واسرفنا بالذنوب ..وضيعنا من عمرنا الكثير..


واحنا ماغير ناكل ونرقد ناكل ونرقد الين صارت كروشنا تنفرش موكيت قدامنا



شدوا حيلكم يا بنات واستعينوا بالله على هذي العبادة العظيمـة


واللي متزوجة فيكم تطلب من زوجها وكاله عامه(( موافقه مُطلقه))تصوم فيها اذا مافي مايمنع


تكفووون خواتي ابوووووووس راسكم لاتهملون هذي العبادة صوم يوم وفطر يوم


خلونا كلنا نرقآ لاعلى الدرجااات..واذا مرره صعبه صومي من الاسبوع اكثره



وعـــــد مني اني لاتصدق عن كل وحده نوت تصوم وصامت وجاهدت نفسها لتصوم وعلمت اهلها وصديقاتها وتشجعهم لصيام..
وعد اني لاتصدق عنها كل يووم ..وادعيلها بصلاتي بأذن الله



اسال الله ان يجمعني واياكم ووالدينا ووالديكم وازواجنا وذرارينا وذراريكم في الفردوس الاعلى تحت عرش الرحمن ..


اميـــــن

منقول


__________________________________________________ __________

ما شاء الله ،، تبارك الله

لله درك غاليتي

وفقك الله وسدد خطاك والى الجنة سكناك

بارك الله فيك ،، والله يعافيك ،، والله يوفقك

والله يجزاك خيراا على الموضووع الراائع

والله يجعله في ميزان حسناتك


تـحيـــــآتي .. =)








[/QUOTE]


__________________________________________________ __________



__________________________________________________ __________



__________________________________________________ __________