عنوان الموضوع : الحلقه المفقودة فى تربية الأبناء ..فين هى ؟؟ العناية بالأطفال
مقدم من طرف منتديات نساء الجزائر

الحلقه المفقودة فى تربية الأبناء ..فين هى ؟؟



بسم الله الرحمن الرحيم .
السلام عليكم ورحمة الله وبركاته احبابى الأمهات .

كلامى عن الحلقه المفقودة فى التربية >>>

يعنى ايه ؟؟
يعنى تلاقى الأم مثاليه جدا طول فترة تربيتها لإبنها أو بنتها ..
بالشدة او باللين او التشجيع او العقاب ..المهم اتبعت اساليب تربوية كتيرة صح معاهم
وحست إنها ناجحه معاهم طول الوقت ..
لحد ما اصطدمت بالواقع الأليم وهى فترة ما قبل المراهقه
أو فترة المراهقه نفسها ..

وتقعد تندب حظها وتقول ابنى ضاع منى او بنتى مش عارفه احكمها
وعاوزاهم يسمعوا كلامى زى الأول ..

طب فكرى كده تانى ..
ايه الشيء اللى انتى فقدتيه فى تربيتك ليهم وممكن تعترفى بيه دلوأتى ..؟؟

1- هل هى المرونة فى الحوار والتعامل معاهم ؟؟
يعنى ممكن تسمحى لهم يجربوا بعض الأمور المرفوضه بالنسبة لك ولاااا ( نو واى ..)
لو ممنوع يبقى انتى كده بتضيعى حلقه من حلقات سلسلة التربية .
2- هل - أحيانا مش دايما - تسامحى فى عقاب معين وتبدليه لعمل تانى زى شغل فى البيت مثلا
لو حسيتى إن عقابك شديد وماكنش المفروض تعاقبيه بشدة كده ؟؟
لو لاء ..يبقى انتى بتفقدى شيء من المرونة المطلوبة فى التربية واللى ربنا -عز وجل -بيعملها معانا
عشان نحس برحمته بينا وبيبدل سيئاتنا حسنات ..

3- هل بتدى ابنك او بنتك كل اللى نفسهم فيه وبتلبى لهم كل متطلباتهم حتى لو اكل او غيره ؟؟
لو آه يبقى انتى كده بتفقدى حلقه من حلقات التربية اللى مهم اوى يحس الطفل فيها إن مش ماما وبابا اللى لازم
يحققوا لك كل اللى نفسك فيه ..
وإن مش المفروض إن يحصل على اى شيء بسهولة وبدون عناء ..
وإنه مش قادر يحس بالفقير لأنه ما تعلمش يدى ..اتعلم ياخد بس ..

4- هل بتقولى لإبنك أنا باجيب لك احسن لبس (ماقصدش تذليه ) لاء تعرفيه إنه مميز
ومدخلاك اعلى مدارس وباجيب لك كل اللى نفسك فيه ..؟؟
لو آه يبقى انتى كده بتربى عنده الأنانية وإنك لازم تخليه دايما افضل من اصحابه (خصوصا فى سن المراهقه)

5- هل مكافآتك لإبنك دايما ماديه ، ومافيش اى احضان او قبلات بينك وبينه ؟؟
لو آه يبى انتى بتبعدى عنه بحلقه تانيه ..مهمه اوى يكون حسها قبل المراهقه .

6- هل بتكلمى ابنك دينيا كتير وبتعرفيه -او على الأقل - بتقرى معاه فتوى او معلومة دينيه مع بعض ؟
لو لاء ، يبقى انتى كده بتنسيه اهم شيء هايخليه يبرك وهو طاعته لربنا وارتباطه بأوامره ونواهيه.

7- يا ترى الأب له دور معاكى ؟ ولو مش موجود ، يا ترى لاقيتى حد تانى يصاحب ابنك او بنتك
ويقوم بدور مرشد صديق لإبنك ؟؟
لو لاء ..يبقى انتى كده فقدتى حلقه تانية من حلقات التربية ..

ومعلش مهما استخدمتى من وسائل نجحت معاكى قبل كده ..
أنا آسفه لو قلت لك إنك عمرك ما هاتقدرى تنجحى فى المراحل اللى جايه لأنك بتتعاملى مع كبير
مش صغير ..مع كبير زرعتى فيه كل حاجه قبل كده ..
زرعتـــــــــــــــى فيـــــــــــــــــه
الأنانيه ..من غير قصد
حب الذات من غير قصد
عدم القناعه من غير قصد
التمرد عليكي من غير قصد
عدم مراقبة ربنا من غير قصد بردة ..

يا ريت بأه تلحقى نفسك قبل ما سلسلة التربية تتفك كلها ومايبقاش فيها غير مجرد
صله هامشيه بينك وبين ولادك .
~~~~~~~~~~~~~~~~~~
ولكم تحياتى ...

>>>>> ردود الأعضـــــــــــــــــــاء على الموضوع <<<<<
==================================


بارك الله فيكي
ربنا يسعدك


__________________________________________________ __________

موضوع جميل ومفيد
يعطيك العافية ع المجهود عزيزتي
تقيم +نجوم


__________________________________________________ __________

بارك الله فيكي


__________________________________________________ __________

الله يعطيكى الف عافيه

بنتظار جديدك


__________________________________________________ __________

رائع . يعطيك الصحة و ربي يعيننا على تربيتهم تربية صالحة ان شاء الله