عنوان الموضوع : خلصت التاسع تقريبا والجنين راسه تحت لكن مش بالحوض مع الجواب
مقدم من طرف منتديات نساء الجزائر

خلصت التاسع تقريبا والجنين راسه تحت لكن مش بالحوض



السلام عليكم ورحمه الله وبركاته ......
خواتي مشكلتي من العنوان واضحه ، مبارح كان إلي موعد عند الدكتورة وانا باقي كم يوم وبخلص التاسع ، طبعا الدكتورة انصدمت وصدمتني ، انا عندي راس البيبي ل تحت لكن مش نازل بالحوض ابدا ، هي حكت بما اني بكريه لازم من اول التاسع يبلش الراس ينزل بالحوض ، يعني ولا كأني داخله وبدي خلص التاسع ، وحكت إذا بظل الوضع هيك رح تصبر علي لحد ماء الجنين يكفي ع امل انه ينزل الراس بالحوض ، واعطتني موعد بعد اسبوع وحكت كثر مشي وتمر وجماع ومشروبات المرميه والقرفه ونعنع وكمون وحلبه ، علما من 3 اسابيع وانا بمشي ساعتين باليوم بس مش نازل الراس ، واذا ما نزل رح تعمل قيصريه لانه البيبي فوق والعمليه رح تكون اصعب لانه محتاجه حدا يدفع البيبي ل تحت حتى تقدر تطلعه لانه مرتفع كثير ، انا عندي اسبوع اتعب فيه كثير ، لكن بدي خبراتكم هل ممكن ينزل وعلما انا بكريه ، لو كان الحمل الثاني ممكن اثناء الولاده ينزل حكت بليز ردو وإذا حدا مر عليه مثل وضعي طمني ولدت طبيعي او قيصري ومشكورين .....

>>>>> ردود الأعضـــــــــــــــــــاء على الموضوع <<<<<
==================================


ربي يسهل عليكي ويقومك بسلامه وربي يخترلك الافضل انتي والبيبي انا اسمعت انو تلبعض البيبي بينزل اثناء الولاده والبعض بيضل وبيعملو عمليه وربي يسهل امورك ولا تقلقي امشي على تعليمات الطبيبة وربي يقومك بسلامه


__________________________________________________ __________

مرحبا
هلأانا بابني الاول ماكان فاتح الرحم
بس مابعرف شو وضع الحوض
وقطعت التاسع وعشرة ايام بعدو وماكان في علامات ولادة
وبعدين حدتتلي الدكتور باليوم ال11 العملية وعأساس العملية كانت خطر علي وعالبيبي
وسبحان الله قبل موعد العملية ب10 ساعات بدأ معي الطلق وولدت طبيعي
مشان هيك لاتقلقلي واتكلي على رب العالمين وكتري من الدعاء
وتابعي نصائح دكتورك وان شاءلله الله بيسررلك امرك
انشالله بتولدي بخير وسلامة انتي والبيبي


__________________________________________________ __________

عنا بسوريا بيخلو الحامل تشرب زيت الخروع وانا بالفعل الساعة 11 بالليل شربتو والساعة 2 بدأ معي الطلق
والله اعلم ان كان مظبوط الو دور بتسهيل الولادةبس انا ركز معي وحبيت خبرك هالمعلومة
وبصراحة طعمو كتيير سيئ بس وقت بتوصلي للوضع اللي كنت فيه بتشربي وبتاكلي كل شي المهم تولدي بخير وسلامةانتي والبيبي
الله ييسرلك امرك
بتمنى تتقبلي مروري


__________________________________________________ __________

حبيبتي طبيعي أو قيصرية المهم سلامتك انت والجنين حتى ولو كان النساء لا يحبون القيصرية وتعبها لكن في أغلب الحالات تكون القيصرية انقاذا لحيياة الام والجنين

أكثري من الدعاء والمشي وأكل الرطب والمكتوب سوف ترينه والله يقدر لك الخير ان شاء الله


__________________________________________________ __________

ربي ييسر ولادتك وتقومي بصحه والسلامه انتي والبيبي