عنوان الموضوع : قصتي التي دمرت حلم "امومتي" ومازلت بال16 من عمري ! -للحوامل
مقدم من طرف منتديات نساء الجزائر

قصتي التي دمرت حلم "امومتي" ومازلت بال16 من عمري !



السلآمم عليكم ..
أخخباركم يا عضوات سيدتي الجميلآت !
حبيت أشارككم بقصتي . .
سأبدأ من غير ممقدمآت !
بداية انا عمري 16 بثآني ثانوي وإلى الآن ماجاتني الدورة الشهرية !
والآن سأبدأ قصتي ومعانآتي اللتي جعلتني أبكي كل ليله قبل أن اخلد إلى النوم :'( !
---------
قبل سنتآن عندما كنت بالصف الثالث متوسط ، امي اخذتني المستشفى
عشآن تسألهم عن حالتي .. قالو الطبيبآت إنه شي طبيعي توها صغيرة إستني كم شهر
وإذا مانزلت الدورة الشهرية تعالي مرة ثانية نسوي لهآ أشعهه ..
إنتظرت انا وإنتظرت ست أشههر ولم يحصل شي ><
فلما خلصت المتوسط، ودخلت المرحلة الثانوية قالت أمي : بكرا لما ترجعي من المدرسة باخذك المستشفى يابنتي طيب ..
فلما رحنا قالتلهم أمي إنو ماجاتني الدورة .. فأخخذت موعد للأشعه !
ومن ذاك اليوم وانا على اعصابي خخائففه أترقب واتساءل ، وش بيصير فيني؟ هل أنا غريبة؟ فيني شي؟
لكن كنت اسوي نفسي عادي وطبيعية جدا عند أهلي ..
المهم جا موعد الأشعه ! وغبت عن المدرسة ورحت المستشفى الساعه 8 صباحآ
سوتلي دكتورة أشعه ولكنها لم ترا شي ، فنادت دكتورة أخرى لترى ولكنها أيضا لم تستطع !
فنادوا الدكتور ليرى بنفسه ، لكنه أيضا قال: لايوجد شي واضح يمكن الرحم صغير جدا
فقالوا لأمي : بنسوي لبنتك أشعه مغناطيسية لتكون أوضح
وأخذنا موعد للأشعه المغناطيسية ..
وانا هنا في قمة خوفي .. كلامهم يخوف مايطمئنون ><
وبعد مرور اسبوعين جا موعدي للأشعه !
صحاني أمي الساعه 8 الصباح عشان اتجهز
وكانوا كل اخواتي واخويا بالمدرسة ..
لبست وتجهزت وجا أبويا يودينا
لما وصلنا انا وامي نزلنا وابويا كان ينتظرنا بالسيآرة!
المهم دخلن عند الاستقبآل اعطيناهم ورقة الموعد حقتي عشآن ادخل واسوي الأشعه
اعطيناهم وجلسنا نستنى نص ساعه تقريبا لان كآن زحمة ><
لما جا دوري "طبعا كانت أول مرة ليا ادخل الأشعه المغناطيسية" !
كنت اشووفها بالمسلسلات والافلام بس مآتوقعت بيوم إني بجربها ><
المهم فسخت ولبست هذاك اللبس الازرق حق المستشفى ..
ودخلت داخل هذاك الشئ حق الاشعه مدري إيش اسمو :|
وامي كانت عند البآب تستناني وعلى اعصابهآ ><
والدكتورات والدكتور كانوا بالغرفه اللي جنبي يتابعون الاشعه
انا فذا الوقت مدري إيش اسوي !!
جلست استغففر واذككر الله من القلق اللي كان يحتويني
وتذككرت اشييياء جمميلة واخرى حزينة
تذككرت كل لحظة لي مع أهلي وصحباتي
لأني ظليت بالاشعه لمدة 3 ساعات ونص على مآظن ><
فالنهايية تعبت وغفيت بس ماقدرت لأن الصوت مرا مزعج حق الاشعه ><
والحممدلله لما خلصت جت الدكتورة وفكت عني جهاز الاشعه وكل شي وقمت رحت عند امي وضميتها كنت خايفه ><
بعدين قالولنا ننتظر بالغرفة . . .
واستنينا تقريبا نص ساعهه . . !
بعدين جت الدكتورة قالتلنا الدكتور يبغاكم بعيادته !!
ورحنا وانا كلي خخوف وأترقب !!
وفي هذه اللحظة سمعت الخبر اللي صدممني انا وأمي بعد
قال الدكتور لأمي : بنتك ماعندهها رحم ..!!!
اييوا ماعندي رحم !!
قال تشوه خلقي انولدت بدون رححم !!
انا هنا كنت متغطية والدمووع تراكمت بعيني متقدرت أنطق حرف
خليت امي تكمل ..
قالت امي: لا يادكتور كيف كذا ؟ معقولة ماعندها رحم؟
قال: ايوا يا أختي هذي نتائج الاشعه لايوجد رحم عند البنت ..
امي خخلاص انهارت وانا أككثثر منهها ><
قالت : طيب مايأثر بصحتها كذا ؟
قال: لا عادي هذا قضاء وقدر وحكمة ربنا، وبعدين كذا راح تكون صحتها احسن من البنات الثانيات، مارح تفقد دم الدورة !
وقال: البنت سليمة صحتها مافيها شي بس عدم وجود الرحم هذا يعني إنها ماتقدر " تنجب "
انا هنا دمموعي جففت :"( ويهدوني ><
ماني مستووعبة اللي فيني!
يعني خخلاص ماراح أصيير ( أم ) !
ماراح أقدر اسممع كلمة ( ماما ) :'(
وكل تفككيري تشتت من الصدممة !!
جلست أبكي تحت الغطا ولحد يدري ..
امي كانت تتناقش وتستفسر من الدكتور
وانا ضايعه بين افكاري وطموحاتي ودمموعي ماووقفت
بعدين كان الدكتور يناديني .. وبعد عشر دقآيق إستوعبت إنهم ينادوني !
قلت : هاه .. ن ن نععم :/ ؟
قالئ: يابنتي هذي حكمة ربك قال بالقرآن: ( ... نهب لمن نشاء الذكور ونهب لمن نشاء إناثا ونجعل من نشاء عقيما ) !
قال: أهم حاجة تكوني راضية ونفسيتك كويسة
انا قلت بنبرة شجاعه مقاومة للصدمة: ايوا عادي راضية والحممدلله على كل شي بكمل حياتي ..
قال لأمي وعلى بالهم إني ماكنت اسمع: خلوها تكمل دراستها وشجعوها لاتحطمونها وساعدوها تدخل طب وتصير دكتورة إذا تبغى لا تعيش بيأس وحزن
انا هنا تشجعت من كلامو مع امي .. وقررت أجتههد بدراستي واصير دكتورة بإذن الله ..
المهم خرجنا من العيادة وانا احاول أتصنع القووة
رحنا السيارة عند أبوي ! وكان ينتظرنا على أحر من الجمر
قال: هاه بشروني إيش صار ؟
انا ماقدرت اتكلم وامي عارفه إني ماراح اتكلم فقالت :
الحمدلله صحتهها سليممة بس .....
هنا أبووي خرع وقال بس ايش ؟
قالت: ماعندهها رحم ! تشوه خلقي من يوم إنولدت كذا ماعندها رحم !!
قال: نعععممم؟ وليإه مادقيتو علي أول ماعرفتو ليه ماقلتولي؟
قالت امي: هدي اعصابك يا**** ، البنت فيها العافية بس انعدام الرحم مايخليها تحمل ><
قام ابوي قال بروح اكلم الدكتور ..
ونزل من السيارة وراح وتكلموا مع بعض
ما ادري إيش كانوا يقولون ودي اعرف ><
بس الحممدلله رجع احسن من أول شكل الدكتور هداه وطمأنه ..
وقام ابوي يهديني هو وامي طول الطريق ..
قالولي انتبهي لدراستك وشدي حيلك عشان تصيري دكتورة إذا ودك
ولاتعلميين احد بهذا الشي ! ولا أحد ! قال ابوي " احفظي سرك لنفسك يابنتي انا وامك معاك بكل شي"
وتقبببلت الوضع .. ومرت الاييام والاسابيع وابشههور وخلصت اول ثآنوي وكانت سنة تعيسة صراحة !
والحين انا بثاني واحاول اخليه احسن من اول بإذن الله ..
.........
......

وشكككرا لكن ياعضوات سيدتي 3>


>>>>> ردود الأعضـــــــــــــــــــاء على الموضوع <<<<<
==================================


.
.

كل اللي أطلبه منكم الدعآاء لي !
واله حلممي وانا بالتمهيدي أصيير أم :'(
اذكر بالتمهيدي الابله سألتنا كلنا ايش تبغين تصيرين اذا كبرتي ؟
كل البنات قالو دكتورة أو معلمة
انا قلت : ابغى اصير أم زي ماما ><"
الله لايحرممني من امي ..
والله لايحرممني سماع كلممة "امي"
مع إني عارفه إنو مافي أممل أحمل لان مافي رحم اساسا !!
حتى الزواج احس إنو ماراح اتزوج :'(

حبيت أشارككم بقصتي وبهذا الخبر اللي دممر حلمي . .
ادعولي بتفريج همي وتيسير أمري..
ربي لاتحرمني أمومتي
توني صغيرة! مجرد بنت مراهقة بال16 من عممري
الله يحققلكم امانيكم وطموحاتكم ..
ودمتم بحفظ الله

هذي قصتي وجالسة اكتبهها 3 آييامم قبل ما انام اكتب مقطع واببككي ..


__________________________________________________ __________

حبيبتي الله يصبرك بس اللي بدياكي تعرفي انو الاولاد مش كل اشي بالحياه كتير نساء عندهم رحم وما يقدرو ينجبو اطفال لا تخلي الموضوع ياثر على حياتك ادرسي وانجحي وعيشي بسعاده هدا ابتلاء من عند الله مافي بايدك اشي تسويه عيشي حياتك انا عارفه انها صدمه عليكي هدا مكتوب من عند رب العالمين يعني قضاء وقدر لا تفكري بالموضوع والله اني بكتب وانا برجف عنجد نفسي اكون اختك عشان اخفف عنك بس انتي لسه صغيره لا تخلي عائق قدام طريقك انا بتمنالك السعاده من كل قلبي الحياه زي مابتعطي بتاخد


__________________________________________________ __________

ياحبيبتي الله يفرج همك فعلا الحياة ماراح توقف على شي واحد انتي أهتمي بدراستك وكل شي بيد الله وكثير بنات تزوجوا وماجالهم عيال وعايشين حياتهم بالطول والعرض وين المشكلة ولاتقولين لاحد هالشي ابدا عشان ماينتشر الخبر وبيدون يطلعون عنك كلام وكوني صدقات مع بنات من سنك ولاتفكرين في هذا الموضوع مشوار الدراسة قدامك طويل

واهم شي حابة اقولك لاتفقدين الامل تدرين ليه لان الطب تطور وممكن يعالجون حالتك يعني بعد كم سنه راح يكتشفون اشياء كثيرة ويصير علاج مثل هالحالات زي علاج السكر اليوم هل سمعتي قبل كذا عن الرجال الغربي اللي تحول الى انثى وسوو له عملية رحم لا واهديك من الشعر بيت حمل وانجب هذا وهو رجال نسال الله السلامة فمابالك ببنوته مثلك كمان حالات كثير حققوا حلم الانجاب وكان مستحيل والله اني اتكلم من جد مافيه شي مستحيل الحين في الطب فمابالك بعد كم سنة انتي بس شدي حيلك وتخرجي وتوظفي عشان تسافرين للعلاج في الدول المتقدمة وافتحي النت وشوفي بنفسك هذا موقع دخلته ونسخت الموضوع لك وانتي سوي بحث وبتلاقينه


السيدة التركية التى تم زراعة رحم لها


السيدة سرت ومن المقرر أن تبدأ عمليات التلقيح الصناعي للعلاج في تركيا في شهر سبتمبر على أمل إنجاب طفل طال انتظاره.


قد يخالف الدهر الأماني ويمضي عكس الرغبات ، ليعصف بالأحلام البريئة و يقتلها ، فكم من امرأة سرق منها حلم الأمومة، و كم من امرأة بقضاء الله و قدره أصبحت عقيمة ، و لكن كما قيل "لكل داء دواء" خاصة مع تقدم الطب و سبقها بالإرادة ليتم بذلك تغيير مستقبل ملايين النسوة .

ففي سابقة تعد الأولى من نوعها ، أعلن رئيس جامعة أكدنيز بمدينة أنطاليا التركية البروفسور "إسرافيل كورتجيف" عن نجاح أول عملية زرع رحم في أحشاء مريضة في الـ21 من العمر ، وتمت العملية برئاسة البروفيسور "عمر أوكان" المتخصص في جراحة التجميل الترميمية، حسب وكالة "أنباء الأناضول".

و من جانب آخر نجح استشاري أمراض النساء والولادة وأطفال الأنابيب في مستشفى سيبلاس للتجميل وأطفال الأنابيب بصنعاء البروفيسور محمد شحاته في إجراء أول عملية جراحية في اليمن والمتعلقة بزراعة رحم لامرأة يمنية كانت تعاني من عدم وجوده




في بريطانيا وحدها، هناك ما لا يقل عن 15000 الشابات الذين ولدوا من دون رحم أو كان لها إزالته بسبب السرطان أو أي مرض آخر. السيدة سرت، 22 عاما، وقال: "يسألني الناس الآن إذا كنت أريد صبي أو فتاة، لكنه لا يصنع أي فرق بالنسبة لي، أنا فقط أريد طفل طفل سليم
في أغسطس من العام الماضي، وأصبحت السيدة سرت أول امرأة في العالم للحصول على رحم من متبرع متوفى.



حبيبتي لاتياسين


__________________________________________________ __________

حبيبتي عجزت عن الكتابه بس ماعندي لك غير الدعاااااااء

الله يصبرك ويقويك


__________________________________________________ __________

إختي استي استروونق ,, أولا أحب اهنيك ع إختيار اسمك بالمنتدى وياريت تكوني اسم ع مسمى
ثانيا يأختي كل شي وفيه خيرة وهذي حكمة من رب العالمين سبحان الله الخلاق العظيم وربي لو كنت بمكانك لفرحت عارفة ليش ,,,؟
لأن في كل شي حكمة والخيرة فيما اختاره الله يعني الله الوحيد العالم,, إفرضي لو كان عندك رحم وتزوجتي وجبتي ولد وكان مشاغب وويدخن ويشرب وامسوي مشاكل مالها اول ولا آخر أو إنك جبتي بنت وكانت طايشه واموطية راسك ,, مو كذا حتكوني تعيسة أكثر من تعاستك انو ماعندك رحم ،،، يـ أختي فكري فيها من هالناحية واحمدي ربك وارضي بما قدره الله لك ياسبحان الله حنا البشر مانعلم بمصلحتنا ولا الخيرة وين..؟

وبعدين العلم تطوّر وبعدك صغيرة تقدرين اتفكرين بحلول ثانية لو كتب لك ربك

إحمدي ربك وخلي عندك هدف بالحياة وصيري دكتورة وتعلمي خلق الخالق الجبار...

إختك في اللــه