عنوان الموضوع : قصة ولادتي بالحلوه " لمى " - للحمل و الولادة
مقدم من طرف منتديات نساء الجزائر

قصة ولادتي بالحلوه " لمى "



قصة ولادتي
كنت متوقعه ولاده مبكره من كلام الدكتوره لانه من نص الثامن وبنتي راسها نازل ويجيني طلق وتفاجأت بمرور الايام ودخلت التاسع والولاده ماشرفت
طبعاً طول الشهر التاسع من بدايته وانا يجيني الطلق ينتظم وفجأه يختفي فصرت ماافرق بين الطلق الحقيقي والكاذب واخر يوم بالتاسع كان يوم الجمعه رجع زوجي من الصلاه واستقبلته وانا معصبه وطفشانه من المغص اللي يروح ويجي وقلت له كل هذا التأخير بسببك ماتخليني اطلع ولا امشي واشتد الحوار والمهم قرر يوديني المول نتغدى عشان يراضيني ورحنا وتغديناوبعد الغدا تركت زوجي مع العيال ورحت امشي في المول واطلع وانزل ع الدرج 3 ادوار لين هلكت وحسيت اني حاموت من التعب قلت له خلاص رجعنا البيت وكان ع صلاة المغرب وانا معصبه من شدة الالم ودخلت غرفة نومي وقلت لااحد يكلمني ووتمددت باريح شوي وسبحان الله غفيت غفوه حلوه بعدها صحيت ع الم قوي بس قلت كالعاده طلق كاذب وقمت بسرعه وصليت المغرب وانا ميته من الالم تزل دموعي مع كل ركوع وسجود
وكذلك صلاة العشاء نفس الحاله واصعب وطلعت من الغرفه وقلت لزوجي شوف اليوم اخر يوم لي بالتاسع وانا تعبت من الالام ماينتهي اليوم الا انا بالمستشفى يعني ع الساعه 12 جهز حالك ووديني وافق وهو طفشان لانه عنده دوام الصباح وقال مثل كل مره تروحي وترجعي بدون فايده قلت له لا باقول للدكتوره تتصرف لاني تعبت خلاااااااص ماعاد فيني
طبعاً طلب ذاك الشي قبل لا يوديني وانا وافقت وانا اتألم لكن هو مايحس قال عشان اسهل لك الولاده قلت طيب وصار وبعدها انا جهزت الاولاد وملابسهم عشان يروحون بيت جدتهم وانا تروشت بمويه دافيه وزادالالم وانبسطت ورحت اخذت لي عسل مع مويه دافيه وموية زمزم وتمر وبعدها رحت ارتب حالي والبس ومشينا ع 11:30 نزلنا الاولاد وانطلقنا للمستشفى وزوجي معصب يقول روحتنا مالها داعي بنرجع مثل كل مره قلت لا هذا اخر يوم لي بالتاسع والالم زاد ومااتحمل وطبعا طول الطريق نص ساعه على ماوصلنا للمستشفى وهو معصب وساكت وشايل هم متى يرجع وينام عشان الدوام وانا ادعي ربي اني اولد وماارجع البيت لاني خايفه يهزأني ويقول انه دلع وفي الربع ساعه الاخيره قبل وصولي للمستشفى ومع الدعوات والاستغفار اشتد الالم وصرت اشوف الساعه واحسب الوقت لقيت انه خمس دقايق بين كل طلقه وحسيت فيه شد من اسفل يعني حاجه بتطلع وكتمت الالم مابغيت ابين لزوجي انه ولاده قلت خليه يتفاجأ في المستشفى المهم دخلنا المستشفى تخطيط في البدايه قالت الممرضه فيه طلق قوي وانا خايفه لا تقول مافيش ولاده وشوي واستدعت الدكتوره وقالت باكشف قلت طيب ودموعي تصب واترجاها انها ماتألمني وكشفت وقالت من 4 الى 5 مفتوح تنويم ولاده انا من الفرحه بغيت انط من السرير وزوجي انبسط ويضحك بصوت عالي قال اخيراً
طبعاً هذا الكلام كان الساعه 1:30 وزجي معي ويقرأ ايات وادعية تسهيل الولاده وعلى الساعه 5:15 صباحاً طلعت الحلوه لمى وسمعت صرختها الحلوه. ،،،،،،،، وطبعاً تفاصيل الطلق والعذاب انتو عارفينها وبالذات في اللحظات الاخيره قبل خروج البيبي الم غير طبيعي لكن بالدعاء والاستغفار المتواصل ربي سهلها علىّ ولله الحمد
و من شدة الالم والعذاب ماشفتها الا بعد الولاده بنص ساعه
لان المشميه طلعت وجزء منها تقطع داخلي وخافت الدكتوره وخوفتني معها ودخلت يدها وصارت تطلع الباقي وانا اصرخ من شدة الالم وبعدها عذاب الخياطه والدكتوره كانت نفسيتها سيئه بالمره رغم انه مستشفى خاص ع حسابي بس اللي صبرني الممرضه كانت حنونه وتحاول تريحني

والحمدلله انتهت على خير بعد عذاب شهر كامل لدرجة اني فقدت الامل اني اولد لكن الحمدلله ربي يسرها وسهلها وولدت بأول يوم بالعاشر اللي هو السادس من شعبان 1437-1436 هجري وبشوفة حبيبتي لمى نسيت كل التعب والالام الله يحفظها لي هي واخوانها
والله يسهل على كل حامل ولادتها والله يرزق كل وحده بالذريه الصالحه يارب

>>>>> ردود الأعضـــــــــــــــــــاء على الموضوع <<<<<
==================================


حمد اَلْلَهْ على سلامتج إختي جوري وسلامة الكتكوتة لمى ربي يحفظها لج وتشوفينها عروس
وان شاء اَلْلَهْ يسهل لنا وللجميع
قصة عذاب اَلْلَهْ يآجرك على التعب


__________________________________________________ __________

الله يسلمك حبيبتي ام ياسين والله يسهل عليك يارب وتفرحي بمولودك
وماانسى دعواتك الحلوه لي الله يخليك لي يارب ولا يحرمني من وجودك


__________________________________________________ __________

ألف ألف مبروووك أختي جوجي

الله يحفظ لك لمى وأخواتها يارب وتتربي في عزكم ان شاء الله

وشفتي زوجك المسكين كيف سهل عليك الولادة ههههههههه وأنت معصبة عليه حراااام عليك حاب يساعدك ويخفف عليك ههههههه

والمهم ولدتي في نفس اليوم

تستاهلي التقييم والخمس نجوم


__________________________________________________ __________

الف الحمدلله على السلامة والله نزلتي دمعتي جد اصعب الم بالدنيا هو الولادة
الله يريح كل مسلمة بولادتها


__________________________________________________ __________

الف مبروك والحمد الله على سلامتك تتربى بعزك وعز ابوها