عنوان الموضوع : أغرب قصص الحمل حدثت معي شخصيا -للحوامل
مقدم من طرف منتديات نساء الجزائر

أغرب قصص الحمل حدثت معي شخصيا



بالبداية تحياتي للجميع ,أنا لسا مبارح فايتة المنتدى ومشتركة جديد اطلعت على بعض المواضيع وجذبتني بعض الشخصيات بإسلوبها, انجذبت للمنتدى وحابة اكون جزء من هذا المنتدى ويارب اكون خفيفة ظل عليكم,,,,,
المهم ما بدي اطيل عليكم بدي احكيلكم عن قصتي الغريبة اللي صارت معي بحملي السابق وجد جد لأنها غريبة حبيت اطلعكم عليها يمكن تستفيدوا منها وأنا بحياتي ما سمعت انه صارت مع حدا وما بعرف اذا رح تحدث او حدثت مع غيري ,,,
القصة كالآتي.....
بعد ذكر الله والصلاة والسلام على اشرف المرسلين
قبل حملي السابق ما كان عندنا انا وزوجي مانع للحمل يعني على استعداد وما كنا نستخدم أي طريقة للعزل وبنفس الوقت ما كنا نحسب الأيام للبويضة لقصد الحمل يعني ماكان الهدف حدوث حمل وقتها يعني تاركينها هيك حسب قدر ربنا وما يشاء-سبحانه-
المهم.. في ١٠-٨- ٢٠١٠كانت موعد دورتي طبعا كانت غير منتظمة يعني مرات تجي ٦ ايام مرات ٧ مرات ٨,٩,١٠ وما اجت الدورة اللي بعدها لأكثر من ٤٠ يوم جبت اجهزة فحص الحمل مرتين لأتأكد يكون في حمل وما كان يظهر ع الجهاز يعني ما في حمل
واللي اثبت اجت الدورة اللي بعدها في ٢٦/ ١٠
واستمرت معي ١٤ يوم بالضبط وبعدها طبعا استمرينا بدون استخدام عازل واتأخرت الدورة اللي بعدها نفس الشي وجبت جهاز وهالمرة ظهر خط غامق في الجهاز بالاضافه للخط الرئيسي وهيك طلعت حامل
وين الغرابة بالقصة رحت لدكتورتي زيارة اولى بأول شهر ,,طبعا بلشت الدكتورة تفحصني بالجهاز ولما شافت البيانات لآخر دورة وحمل جديد وشغلت جهاز السونار تفاجئنا انه الجنين حجمه ٣ اشهر ,,,سبحان الله,,, وانا كاينة حامل وما كنت احس بشي ولا بأي وحم لأني متأكدة انه اجتني دورة ب ١٤ يوم,,تخيلو كيف كان الجنين متمسك بالحياة بإرادة ربنا كنت وانا حامل وما كنت عارفة كنت العب رياضة ارقص اشرب مشروبات تخفيف وزن ,يانسون كمون ... لأني كنت ٦٥ وبدي انزل للخمسين قبل ما يحدث حمل وما كان يأثر مع اني كنت حامل ومش عارفة, هون يا بنات والله ارادة ربنا فوق كل شيء حتى اللي تنتظر حمل اذا شاء الله وكتبلها رح توخذ رزقتها وتحمل بإذنه
,
هاي قصتي أذهلت جميع من حولي وأنا متأكدة انه في ناس لهلأ من معارفي ما صدقوا ويمكن كانو يفكرو اني مخبية الحمل,,,,وبوقت الولادة بنفس الجنين صارت معي اشياء غريبة ومذهلة -من قدرات ربنا- رح احكيلكم عنها بأقرب فرصة ان شاء الله

>>>>> ردود الأعضـــــــــــــــــــاء على الموضوع <<<<<
==================================


سبحان الله


__________________________________________________ __________

سبحان الله قادر على كل شيء

والله قصتك نفس قصة أختي بطفلها الثالث وفعلا الطبيبة قالتلها انت حامل ببداية الشهر التالت وما صدقناها وطلع فعلا متل ما قالت وكانت الدورة هي دورة حمل دم حمل وليس دم دورة


__________________________________________________ __________

سبحان الله قادر على كل شيء


__________________________________________________ __________

سبحان الله سبحان الله
متشوقين نعرف باقى قصة حملك لا تطولى علينا حبيبتى


__________________________________________________ __________

ام روان ولطيفة وامنية وبنت الوادي سعدت بمشاركتم برأيكم , اختي 'لطيفة بكلامي' اول مرة اسمع في حدا صارت معو غيري سبحان الله قدرته اذا اراد شيئا ان يقول له كن فيكون
,,بس متخيلة ١٤ يوم دورة ونزف وثبت الطفل سبحانه,,اختك كم كانت يوم عندها الدورة وهي حامل؟