الحمدلله ولدت وهذي قصتي -الجمل و الولادة
عنوان الموضوع : الحمدلله ولدت وهذي قصتي -الجمل و الولادة
مقدم من طرف منتديات نساء الجزائر
الحمدلله ولدت وهذي قصتي
:بسم الله الرحمن الرحيم
كيفكم بنات ان شاء بخير بصراحه وحشتوني كثير :
ابشركم انا خلاص ولدت وربي رزقني بـــ.. بنوته حلوه وسميها (ريوف)
الحين عمرها 4 شهور ماشاء الله تبارك الله والله يخليها لي يارب < احلى صارت ام
عقبال يارب كل محرومه واللي حامل الله يقومها بالسلامه
المهم طبعا انا ولدت قيصريه وتعبت كثير قبل العمليه لكن الحمدلله
على كل حال وراح احكيلكم قصتي واتمنى تستفيدوا منها
انا كملت التاسع وماجاني طلق ورحت للطبيبه وعطتني وقت
اسبوعين ورفضت وقلت لها ماابي اصبر اسبوعين لانها راح تعطيني
طلق صناعي تحاميل وبعدين اذا مافاد راح تعطيني ابره والخوف
كله من الابره والطبيبه رفضت وقالت لازم نصبر شوي
يعني اخذت من العاشر تقريبا اسبوعين
وماجاني طلق ابد
وتنومت بالمستشفى وعطتني طلق صناعي بالتحاميل لمده ثلاث ايام
وكل يوم يزيد الم الطلق لما جاء يوم السبت كتبوا لي طلق ابره
يابنات وربي كنت ميته خوف من الابره لاني سمعت عنها كثير
المهم نزلت لغرفه الولاده وعطوني الابره
صرت اصارخ وابكي وارمي الاجهزه من الام بصراحه كان فضيع يازين الم الدور
من قوه الام طلبت ابره الظهر طلبتها المغرب وماجاء طبيب
الابره الظهر الا الساعه 10 في الليل
وارتحت لمده ساعه تخيلوا صرت مرهقه كثير كاني مخدره
ماصارت ولاده
وصارت الساعه 11 الليل دخلت علي الطبيبه الاجنبيه وشافت التخطيط
والاوراق وراحت تركض تنادي المسؤوله عن القسم
تدرون اي صار تلوث ماء الجنين وصارت قليله
وضعفت دقات قلب الجنين انا موقفي ذاك الوقت كان بارد كاني مبنجه
او متخدره
المهم عطوني بنج تخيلوا مابين ابره الظهر والبنج الا ساعه وحده بس
وعلى طول دخلوني غرفه العمليات انا وكلت امري لله سبحان
ياتصيب او تخيب والبنج كان نصفي وطبيب ابره الظهر
فوق راسي ميت خوف علي حتى امي الله يحفظها قول كان متوتر
وطلعت من العمليه والحمدلله البنت ماصار فيها شئ
واللاسف ماحسيت بااحساس الامومه وقتها لاني كنت تعبانه كثير ومرهقه
كنت ابي انام وبس وفعلا نمت كم ساعه وصحيت
والاطباء كانوا خايفين تجيني جلطه لاقدر الله كانوا يهتمون فيني
اكثر من الازم لانها بنج وابره ظهر في نفس الوقت
وطلعت من المستشفى بعد الولاده اربع ايام يعني جلس في المستشفى
ثمانيه ايام تخيلوا يوم طلعت صرت ابكي غصب عني
مو مصدقه اني طلعت بخير والحمدلله وجعل ماجاني تكفير ذنوب
لاني جربت الولاده الطبيعيه والقيصريه في ولاده وحده
وبعد الولاده دخلت مرحله اكتئاب لكن ماعلمت احد اني مكتئبه
صرت اقراء قران كثير واسمع قران والحين بنتي عمرها اربع شهور
طيب تدور ليش ماجاني طلق انا اقولكم ليش لان يابنات كنت على نياتي
وهذا اول طفل لي وانا اكبر وحده يعني ماعندي خبره
لان ياحلوات اي احد يسالني متى وقت ولادتك كنت اقولهم عادي
تخيلوا معي بغبائي فتحت عيون الناس علي
من يوم انا في الشهر الثامن الكل يتصل ويسال متى ولاده هنوف
او هنوف ولدت ولا لا ماصار عندهم سالفه الا انا
ومعي حوامل في العائله ساكتين ماقالوالاحد شئ ولدوا قبلي
و وحده منهم بكريه مثلي وانا قبلها و ولدت هي قبلي ولا حتى قالت لاحد
انها راح تولد وماعلمت الا لما صار على وقت ولادتها يومين ماشاء الله عليها
والحين انا تعقدت من الحمل والولاده كثير
انصحكم لا تغلطون مثلي اذا الوحده حملت لاتعلم احد الا لما تدخل الرابع
ولا تعلمين انتي في اي شهر واذا دخل وقت الولاده لاتعلمون احد ابد يعني اذا شهر ولاتك 1 قولي 3
الناس الله يكافينا شرهم صاروا عينهم على كل شئ ولا انصحكم
من ابره الطلق لانها من جد مؤلمه
واتمنى انكم استفدتوا
تحياتي لكم اختكم هنوف
>>>>> ردود الأعضـــــــــــــــــــاء على الموضوع <<<<<
==================================
الحمدلله على السلامة واالله خنقتني العبرة وانا اقرا قصتك لاني انا اصلا ميته خوف من الحين وانا في الرابع عموما مبروك ما جبتي والله يخليهم لكم ويبغلكم فيها
ياليت اقدر انا خبلة اللي يسالني اقول مع ان بنت عمتي حامل قبلي ولسه ما قالت لاحد انها حامل احنا عرفنا بالصدفة بحاول اصرف الللي يسال
الله يرزقك ان شاءالله اخو لها عادي في الثاني بيصير عندك خبرة ان شاءالله
تحياتي
__________________________________________________ __________
الله يكتبه في ميزان حسناتك
ومبرووووووووووووووووووووووووووووووك ماجبتي تتربى بعزك انتي وابوها
والله اني خايفه من الولاده وانا بكريه وعندي احساس اني باولد قيصري ما ادري ليه
الله يقومنا بالسلامه دعواتكم
تحياتي لك
__________________________________________________ __________
الف مليون مبروك
والحمدلله على سلامتك
وقصتك عزيزتي تتكرر كل يوم مع كثير من البنات
والله اختي تعذبت في الولاده مثلك
يعني ولدوها مرتين
لانها دخلت العاشر ولم يجيها طلق
بس نقول الحمد لله
وجر وعافيه لكم ان شاء الله
والله يجعل عيالكم من الذريه الصالحه البارين بكم
__________________________________________________ __________
المشاركة الأصلية كتبت بواسطة شجونة 
الحمدلله على السلامة واالله خنقتني العبرة وانا اقرا قصتك لاني انا اصلا ميته خوف من الحين وانا في الرابع عموما مبروك ما جبتي والله يخليهم لكم ويبغلكم فيها
ياليت اقدر انا خبلة اللي يسالني اقول مع ان بنت عمتي حامل قبلي ولسه ما قالت لاحد انها حامل احنا عرفنا بالصدفة بحاول اصرف الللي يسال
الله يرزقك ان شاءالله اخو لها عادي في الثاني بيصير عندك خبرة ان شاءالله
تحياتي
تسلمين ياعسل على تفاعلك معي والله يتمم حملك على خير
ويقومك بالسلامه يارب انتي والجنينك
وانتبهي لنفسك وتغذي زين اوكي
وبالتوفيق ياقمر
__________________________________________________ __________
المشاركة الأصلية كتبت بواسطة حرم الامير
الله يكتبه في ميزان حسناتك
ومبرووووووووووووووووووووووووووووووك ماجبتي تتربى بعزك انتي وابوها
والله اني خايفه من الولاده وانا بكريه وعندي احساس اني باولد قيصري ما ادري ليه
الله يقومنا بالسلامه دعواتكم
تحياتي لك
الله يبارك فيك
عقبالك يارب نفرح فيك ياعسل
الله يقومك بالسلامه وبشرينا لاتنسين عزيزتي
رد مع اقتباس
