عنوان الموضوع : دردشة حوامل,,,,,,,,,, -للحوامل
مقدم من طرف منتديات نساء الجزائر

دردشة حوامل,,,,,,,,,,



بسم الله الرحمن الرحيم
السلام عليكم ورحمة الله وبركاته

اشلونكم بنات ان شاء الله طيبين :015: اليوم بطرح لكم موضوع ان شاء الله يعجبكم شفته في احدى المنتديات واعجبتني الفكره فقلت اطرحها عليكم ونستفيد من خبرات وتجارب بعض,,,,,,,,,,,,

الفكره والموضوع ,,,
ان كل وحده مرت بتجربة حمل ,او تنتظر حمل , او قاعده تتعالج مثلا , تتفضل هنا وتكتب مغامراتها وتجربتها الي مرت فيها اوقاعده تمر فيها, ومنها نتبادل الخبرات, ونرفه عن انفسنا شوي , بدل ما تكون سيرة الحمل تنكد على الوحده وتذكرها بآلامها تكون مجال لتوسيع الصدر والتخفيف من الهموم ,,,,,,,, :yaaahoooo

وانا اولكم بكتب لكم معاناتي في المرتين اللي حملت فيهم وما توفقت والحمدلله على كل حال ,,,,,,,,,,,,,,



يا حبايبي انا لي سنتين متزوجه , اول حمل لي كان بعد اول شهر من زواجي (عروس :016: باقي ما تهنيت) المهم لما عرفت اني حامل , ما ادري جاني شعور غريب , ما ادري اضحك ولا ابكي , طبعا زوجي اكييييييد كان مستانس بيتشقق من الفرحه :clap[1]: , المهم تميت على هالحال , يعني عادي الوضع , ما كاني حامل , تصورو حتى صاحباتي يمكن مادروا عني الا في الشهر الرابع يمكن , المهم لما وصلت للشهر الخامس وحسيت بالحركه وسويت الاشعه :207: , ما تصدقون حسيت اني طايره من الفرحه :cheer: كاني اول مره اعرف اني حامل , واستمرت مشاعر الفرح والبهجه هذه لمدة شهرين فقط , اكييد بتقولون لييييييييييييييه !!!!!!!!!!

انا اقولكم , طبعا نسيت اقول لكم اني طالبه في الكليه :035: , المهم هذاك اليوم كنت في الكليه وفرحانه ومستانسه لاني كنت بخلص الشهر السادس وبابتدي في الشهر السابع من الحمل وقاعده مع البنات لا لي ولاعلي احكيلهم اشلون يتحرك الجنين في بطني واشلون يسهرني وما يخليني انام :001: ,
المهم حبيباتي انتهى الدوام , ورجعنا للبيت , اخذت لي دش وريحت بعدها شوي , لاحظو اني طول هالفتره ما اشتكيت من اي الم , المهم اذن العصر وقمت ابي اتوضا واصلي , دوبي قمت ,,,,,,,,,,,,,,,
والا احس بها الالم اسفل البطن , اتقلب يمين يسار قلت يمكن قاعد يتحرك ولا شي , ابد الالم ماله الا يزيد , وزوجي يناظرني وهو خايف , هااااه اوديك المستشفى ,,,
وانا ويين خبر خير ,ماني معاه الالم ماسك فيني :icon26: , اخر شي قمت ابكي واصارخ , ما قدرت اصبر ,,, كلها دقايق والا احس بامي والدكتوره على راسي ,,,,,,,,
خلاص مافي امل الرحم انفتح وبدت الويه تنزل,,بعد كلها دقايق الا وانا بالاسعاف :stretcher وعلى المستشفى ,,,,,,,,,,,,,,,,,,,,,
قاموا الدكاتره يكشفون ويسوون الاشعه ,,,,,,,,
وبعدها تلقيت الخبر اللي كسر ظهري ,,,,,,,,,,,,,,,,,,,,,,

الجنين توفى,,,,,,,,,,,

ما ادري يا بنات جاتني حاله ,تلقيت الخبر بكل صمت العالم ,دون صراخ او بكاء : :ANSmile19 ,تدرون ليش ,لاني اساسا ماني مستوعبه كل الحوسه اللي صارت , والله يا بنات الولاده كانت طبيعيه من خلال الطلق الصناعي ,والله لحد اخر لحظه وانا عندي امل ني اسمع صوته , ما ادري حسيت ان كلهم قاعدين يكذبون على وان ولدي بعده حي ,,,,,,,
الحمدلله على كل حال ,,,,,,,,,,,,,,
صحيح اني قعدت في حاله من الكآبه والحزن :ANSmile05 مع الخوف والذعر مما حصل لي استمرت لمدة شهور,لكن الحمدلله كلها تلاشت عندما اسبشرت بحملي الثاني ,,,,,,,,,,,,,,,,



هااااااه لا تنتظرون اقولكم اخبار حملي الثاني الا بعد ما اشوف تفاعلكم مع الموضوع ويكون عجبكم باذن الله ,,,,,,,,,,,,

>>>>> ردود الأعضـــــــــــــــــــاء على الموضوع <<<<<
==================================


يعني لها الدرجه ما عجبكم الموضوع ولا وحده جبرت بخاطري ودخلت

طيب خلاص انا




زعلااااااااااااااااااااااااااااااااااااااااااانه منكم



اهئ اهئ اهئ اهئ ءااااااااااااااااااااااااااا


__________________________________________________ __________



اندمجت يا ام اريام مع قصتك وتذكرت وضعي اولا شي اقول الله يعوضك خير ان شاء الله

وانتي توك في اول حياتك وان شاء الله يعوضك با الذريه الصالحه

وعلى طاري الكليه والحمل انا مثلك با اول حمل لي تعبت ومنعتني الدكتوره من

الدراسه

واعتذرت مده سنه لاان كان في احتمال كبير با الاجهاض والحمد لله عدة مرحلة الحمل

بسلام


ورجعت لدراستي ونفس الحكايه حملت ونفس الشي منعتني الدكتوره من الدراسه

لما كرهت الدراسه وبطلت با المره


الدراسه مع الحمل شي مو بسيط المحاضرات والمشي من مبنى للثاني

يا الله هذي قصصي مع الحمل وانتظر تكملين باقي قصتك لان اسلوبك مشوق


__________________________________________________ __________

هلا والله بتالين , بعد قلبي والله ,ما احد جبر بخاطري غيرك ,
الله يعطيك الف عافيه ويسهلك كل امورك يارب ,,,,,,,
قصتي الثانيه فيها شبه من قصتك لكن ما بقولها الا اذا شفت تفاعل مع الموضوع ,,,,

واذا ما فيه ,,راح احكيلك اياها ,,لاني من زمان بصراحه وانا ودي افضفض شوي ,,
ولما ذكرت لكم قصتي الاولى احس اني ارتحت شوي,,,,
الله يوفقكم على هالمنتدى الرااااااااااااااااااااااائع


__________________________________________________ __________

قصتك حزينه يا ام اريام
وانا اقول كل شي في هذي الدنيا مقدر ومكتوب
وللي مكتوب على الجبين تشوفه العين
وان شاء الله يعوضك با الذريه الصالحه
حبيت اشوف الموضوع واشارك لو مشاركه
لان الموضوع خاص للنســــــــــــــاء
ومنكم نستفيد
--------------
تمنياتي لك بالتوفيق
دعواتك اختي ام اريام


__________________________________________________ __________

السلام عليكم

انا عضوه جديده .. و حبت اشارك معاكم

و الله يا ام اريام عورتي قلبي بس ان شاء الله يكون لج حجاب عن النار و عصفور في الجنه ان شاء الله و يعوض عليج يا رب ..

انا بقول لكم قصتي ..

انا متزوجه من سنتين الا شهر تقريباً .. و من اول اسبوع و انا انتظر الحمل << مستعجله الاخت

المهم في شهر 11 من السنه اللي طافت كنا مقررين نسافر انا و زوجي .. و كنت مجهزه للسفره بس الدوره تأخرت علي و كنت ابي انزلها علشان ما اتبهدل وقت السفر .. بس قلت بتأكد بس و لا كنت حاطه في بالي اني حامل .. و سويت تحليل منزلي و طلع خطين .. حسيت بدوخه يوم شفت الخطين واضحين ناديت زوجي و يوم شاف التحليل دمعت عينه من الوناسه عاد قلتا بنروح نسوي تحليل دم نتأكد و الحمدلله تأكدنا من الحمل .. الحلم اللي كنا نحلم فيه مدة سنه و شهرين .. و الحين انا في الشهر الثامن ..

ادعوا لي ربي يهون علي ..