عنوان الموضوع : للاستشارات الطبية - للحمل و الولادة
مقدم من طرف منتديات نساء الجزائر

للاستشارات الطبية



السلام عليكم ورحمة الله

الى اخواتى الحبيبات يسعدنى الرد على جميع استفساراتكم الطبية

اى استشارة ادخلى ولا تترددى

شفاكم الله وعفاكم

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

جزاكي الله الف خير اختي على هذه المبادرة
انا عندي استشارة انا ولدة بعملية قيصرية بتاريخ 7/2/2012 ارتفع الضغط عندي بتاريخ 12/1/2012 ودخات المستشفى لمدة اسبوع ليتم متابعة حالتي وعندما دخلت اسبوع في شهري التاسع وقبل الولادة لحظت اني ورمت اكثر من الاول وكبرت بطني بشكل فضيع رحت لدكتور قبل الموعد لاني ماعد اقدر اجلس وقالي عندي سوائل في جسمي وكمان في بطني وهذا سبب كبر بطني وكتب لي ثلاث ابر اسمها Albumin قلي عشان السوائل وبعد ما استخدمتها رجعت وقالي خلاص بكرة بنولدك قيصرية الطفل ماعد يستفيد من الوقت الي نعطيك هو ولان ضغطك مرتفع والجنين عاقد ولدة قيصرية
بس الولد خرج صغير وضعيف وعاش ثلاث ايام ومات 10/2والحمدلله على كل حال .
استفساراتي
1- سبب ارتفاع ضغطي فجاة برغم انه كان 100/60قبل اسبوع من ارتفاعه وبعد الولاده هبط والان اصبح 120/80.
2-ايش هذه السوائل الي في جسمي لدرة وزني وصل 100 وبعد الولادة اصبح 70
3- هل ممكن يتكرر معي الي حصل طمنيني
4- الدكتور قال ان الجماع بعد ثلاثه اشهر من العملية برغم اني قرات في النت انه ممكن بعد الاربعين او شهرين من العملية اخاف يكون في عندي شيء يخوف ارجو التوضيح .
5-ضغطي بعد العملية اصبح 120/80 هل طبيعي .
6- اشعر بصداع والم في عيني واذني الايسر وحمى في رقبتي لما اجلس افكر خصوصا وانا اذكر كل الي حدث لي وكيف ان مرضت وكنت بدخل بفشل كلوي والكبد وفقداني لولدي هل ممكن يكون ضغطي ارتفع ام هو من التفكير والزعل .
اختي الكريمة العفو على الاطال اعذريني انا اشتركت اليوم في هذاا المنتدى خصيصا حتى اطلب مساعدتكم الي بعد الله تعالى فارجوا ان تردي على كل استفساراتي


__________________________________________________ __________

حبيبتى ام عبد الرحمن

قدر الله وما شاء فعل
الحمد لله رب العالمين وربنا يجعل ابنك وقاية لكى من النار ويزقك بعده الذرية الصالحة و يعوض عليكى العوض الصالح اللهم امين


بصى حبيبتى اللى حصل معاكى ده اسمه تسمم الحمل
ودى حالة ممكن تحصل للحوامل خاصة اول حمل ليهم وبيكون ضغط الست قبل الحمل طبيعى ولكن مع الحمل فى الاشهر الاخيرة تلاقى ضغط الدم يزيد اوى ودى اسمها تسمم الحمل وده اللى حصلك وعشان كده ضغطك ارتفع ووصل 160 / 100
ده ممكن يحصل عند الحمل لاول مرة خاصة لو السن تجاوز 30 سنة
عند زيادة وزن المراة او وجود تاريخ عائلى للضغط المرتفع او اسباب اخرى

تسمم الحمل يؤدى الى احتباس الماء فى الجسم وبالتالى تتورم اليدين والقدمين وفى تحليل البول يظهر الزلال او البروتين فيه وكل ده اعراض تسمم الحمل

طبعا للاسف ممكن يتكرر بس متقلقيش لان كل داء ربنا جعل له دواء ان شاء الله تحملى تانى وتالت بس المرة دى نهتم نعمل تحليل بول دايما وتحليل وظائف كلى ونقيس الضغط وناخد دواء لتخفيض الضغط وفيه ادوية للضغط امنة جدا و مفيش منها اى مشاكل باذن الله

الجماع ممكن بعد ال 40 عادى بس الدكتور فضل انها بعد 3 شهور عشان متحمليش بسرعة وخاصة ان حملك كان صعب ولازم تستردى صحتك وكمان عشان انتى عاملة ولادة قيصرية ولازم الجرح يلتئم تانى كويس وده مش قبل سنة و نصف او سنة على الاقل .وده شىء لازم تفهمه كل الستات اللى ولدوا قيصرى مش انتى بس . انتى زى الفل ومعندكيش حاجة تخوف

لو بتعامى من تشوش فى الرؤية او رؤية هالات ضوئية لازم فورا على دكتور العين عشان يشوف ضغط العين
ويا ريت تحللى بول ووظائف كلى عشان نتطمن اكتر وده مهم اوى وكمان يا ريت تحللى سكر فى الدم وتكونى صايمة لمدة 12 ساعة وان شاء الله خير

ارجوكى بلاش تزعلى نفسك ربنا بكرة يعوضك لانه كريم ورحمته واسعة وكتبلك عمر انك لسة عايشة معانا عشان نفرح بيكى و بطفلك القادم ولازم تاخدى كالسيوم مرة يوميا وكبسولات حديد مرة يوميا بعد الغدا وطمنينا عليكى والف سلامة عليكى


__________________________________________________ __________

جزاكي الله كل الخير
بالنسبه لمتابعه الحمل انا بتابع الحمل دائما حتى الضغط وتحاليل البول ووظائف الكبد والكلى كنت احللها سليمه ارتفاع الضغط جاء فجاء الفرق كان ثلاث ايام الى اسبوع بين كل قياس والاخر كل مرة 100/60 بس فجاء شعرت بصداع ودوجه فرحت اقيس الضغط كان مرتفع140/110 والبول كان فيه زلال وخذت علاجات الضغط الكادميت وعلاجات اخر مليان لكن ضغطي كان يرتفع الى 170/130 فاعطاني الطبيب اميلات احطها تحت اللسان
المهم الجنين كان مايتغذ خلال الشهر حتى البيبي بداء يصغر ومعد احس فيه فقال لازم قيصرية وخرج البيبي جلده وعظم اما وزني والورم من الشهرالخامس بداء يزداد بشكل مرعب والحمد لله.
برايك ايش افضل منع حمل مناسب لي وهل ممكن ياثر على ضغطي لاني اليوم جت لي الدورة ومتى ابداء استخدمه .
متى يمكن الجماع للوالدات قيصرية بالتحديد.
وماهي الاحتياطات الي اعملها اعشان لا تكرر معي او على الاقل لا ادخل بتسمم حمل .
وشكر كثيرا لك انا فعلا كنت محتاجه حد استشيرة جعله الله في ميزان حسناتك دكتورتنا .


__________________________________________________ __________

حبيبتى ام عبد الرحمن

خلاص قدر الله وما شاء فعل وربنا مكنش رايد للطفل ده الحياة
بالنسبة لكى حبوب منع الحمل متنفعش نهائى لان كان ضغطك عالى والحبوب دى بترفع ضغط الدم
انا شايفة انسب وسيلة لكى هى اللولب النحاسى وده تروحى تركبيه اليوم الرابع من الدورة ونصيحة منى اليك حاولى تركبيه فى مراكز تنظيم الاسرة لانه رخيص اوى ومدعم من وزارة الصحة لكن لو هتركبيه على حسابك هتدفعى كتير

بعد اللولب هتنزل منك دم لمده 2 - 5 ايام وهتحسى بالم بسيط زى الم الدورة وده شىء عادى يعنى لا تقلقى
وبعد اسبوعين من تركيبه تابعيه بالسونار عشان تتاكدى انه لم يتحرك من مكانه والف سلامة عليكى

بالنسبة للجماع اول ما تحسى انك قادرة على الجماع واستعدتى صحتك والجرح مش بيؤلم زى الاول ممكن طبعا تعملى جماع بس تكونى ركبتى اللولب واطمنتنى على مكانه بالسونار

ربنا يكرمك و يرزقك يا رب