عنوان الموضوع : اللي خاطرها في توام تدخل بسرعه لا يفوووتها.............. - للحمل و الولادة
مقدم من طرف منتديات نساء الجزائر

اللي خاطرها في توام تدخل بسرعه لا يفوووتها..............



حبوب Vitex 250-400 g

الحبوب هذي من اعشاب طبيعيه تسوي نفس مفعول الكلوميد و احسن عن الكلوميد لان الكلوميد مضاره اكثر من نفعه بس هالحبوب مفيده و ما تضر.
هالحبوب اتخلي الوحده تحمل بتوأم و خصوصا الي في عايلتها حاله توأم مع هالحبوب 99% بتحملين معاها بتوأم و الي ما عندهم حاله توأم في عايلتها في المواقع الاجنبيه كذا وحده استعملته و حملت بتوأم مع انه موب وراثه.
و هالحبوب تعالج التكيسات المبايض.
و تنظم الدوره .
و تخلي حجم البويضه كبيره.
تساعد في منع حالات الاجهاض و الاسقاط.
تزيد فرصه الحمل ببنات و علشان جذي في موضوعي ذكرت اسامي حبوب تاخذينها و تحملين بولد (ان شاء الله) و اهم شي طريقه الجماع. وهذا موضوعي دخلي عليه و اقري اسامي الحبوب موب شرط كل الحبوب اتكون موجوده عندج

و سوي هالطريقه الي انا سويتها قبل الجماع بساعه و في اول يوم اباضه بالضبط و هي انج تبللين صبعج بالماي و تاخذين بودره بيكربونات الصوديوم تغمسين صبعج في البودره و بعدين ادخلينه مره وحده في المهبل و اطلعينه بس شرط لا ادخلينه لين اخر شي تقريبا نص الصبع لانج لو دخليته وايد داخل بيجيسج حرقان فعلشان جذي لا تتعمقين وايد و هالطريقه اتخلي القاعده قلويه بسرعه.

تجربتي الشخصيه مع الحبوب:
بعد ما استخدمت الحبوب اسبوعين و نص بس رحت عند دكتورتي و ما كانت تعرف عن الحبوب الي اخذها بعد ما كشفت علي سألتني لو انا ماخذه كلوميد لان حجم البويضه الي طلعت وقت الاباضه كان كبير و فوق هذا الاباضه طولت عندي تقريبا 4 ايام يعني البويضه كانت تطلع من المبيض شويه شويه بحركه بطيئه علشان تعطي فرصه للحيوانات المنويه اتلقح البويضه و فوق هذا الحبوب هذي اتخلي الحيوانات المنويه عايشه فتره اطول.

مضارها:
طبعا الدكتوره لو سالتيها عن الحبوب بتقولج مالها اي مضار لانها من الاعشاب وفي مواقع ذاكره الاثار الجانبيه مثلا صداع ، تساقط الشعر، تسارع دقات القلب و تبين في اول اسبوع اول ثاني اسبوع من الاستخدام ، تحسس الجلد، فاذا طلعت عندج هالاثار وقفي الحبوب .

من وين اشتريته و سعره :
انا اشتريت الحبوب من نيوترشن زون موجود في سيتي سنتر الشارجه و صحارى سنتر و ما اعرف عن الامارات الثانيه و سعره بحدود 40 الى 60 درهم تقريبا ، فلا ترحون دكتور نيوترشن او غيره بس في نيوترشن زون.

الطريقه:
حبه وحده بعد الاكل من اول يوم الدوره ، وتوقفينه من اول يوم اباضه الين ما تنزل الدوره ، طبعا اذا حملتي اسالي الدكتوره لو تقدرين تاخذين الحبوب في 3 شهور الحمل الاولى علشان يثبت الحمل بس ضروري تستعملين حبوب الفوليك اسيد قبل الحمل و خلال فتره الحمل .


منقوول من موقع سيدات الامارات


انا شخصيا رحت نيوترشن و سالت قالتلي وايد حريم ايون ياخذوون عسب يحملون بتوام بس انا ما اخذته لكني بسال الدكتوره قبل احسن لان لما اخذ اي فيتامين اتعب وايد وايد

>>>>> ردود الأعضـــــــــــــــــــاء على الموضوع <<<<<
==================================


جزاك الله خير حبيبتي عالنقل بس بلييييييييييييييييز شو هيي الحبوب اللي بتخلي الحمل بولد..
إلي صديقة ادعولها الله يطعمها الولد ياااارب..
بستنى ردك حبيبتي بلييييييييييييييز..الله يسعدك يارب


__________________________________________________ __________

شكرا على الموضوع المفيد


__________________________________________________ __________

مشكوره اختي على الموضوع
وهل يوجد من ها الحبوب في السعوديه ؟وين ؟وبأي منطقه يباع اذا موجود ؟


__________________________________________________ __________

جزاك الله كل الخير يا رب


__________________________________________________ __________

بارك الله فيك خيتو