عنوان الموضوع : ***مشاركتي في مسابقة الحمل والولادة***(قصة ولادتي) -للحوامل
مقدم من طرف منتديات نساء الجزائر

***مشاركتي في مسابقة الحمل والولادة***(قصة ولادتي)





كيفكو ان شاء الله بخير
اموركم كيف تمام ؟
الصحة كيف تمام ؟
الحياة كيف تمام ؟
الموووووووووهيييييم مين جاب سيرة تمام خليها في حالهااسمعت عن المسابقة وما صدقت بسرعة

اجيت عشان اشارك فيها وللللللللللللاااااااااااااااااااااوووووووووو اخليها تروح علي وما اشارك
أختكم انا وبعجبكم في كتابة القصص
وما بدي اطول عليكم بالكلام لانه الكلام الي جاي بالطريق اكتر منه ما فييييييش
في يوم من الايام صحيت الصبح تعباااااااااانه


حكيت بعقلي معقول اكون حامل


له له له له لسا انا عروس روحت جبت جهاز فحص الحمل وفحصت ما طلع شي رميته على الطاولة ورحت عملتلكو هالفطور الي بشهي وقعدت افطر وبتعرفوا الواحد بحب يشوف التي في وهو بيفطر قمت اجيب الريموت من على الطاولة والا شووووووووووووو احزرو شوووووو لقيت الجهاز عليه خطين مو خط واحد يعني؟؟؟؟؟؟؟؟؟؟ حاااااااامل


ههههههههه طلع الواحد لازم يستنى 10 دقايق حتى تبان النتيجة
المهم مسكت الجهاز ونزلت اصرخ عند إمي التانية الي هي حماتي بس بعتبرها متل ماما الله يطول بعمرها
حكتلي عادي حبيبتي بروح انا وانت على المختبر وبتفحصي على الاكيد ورحنا وانا يعني بسوي حالي تعبانة لانه بتعرفو حامل هههههههه ومسكت ايد إمي وبحكيلها شوي شوي لاروح انزل والله تعبت لحد ما صار هههههههه
وفحصت وطلع ايجابي والحمد لله
قعدت 9 اشهر وانا بدّلع وهاد بيسير وهاد ما بيسير وفي الايام الاخيرة من شهري استلمني زوجي بالمشي كل يوم في سباق المارثون ما بعرف من وين سمع هالحكي انه المشي كتير للولادة منيح
اكيد من عندكو اهاااااااااا لانه كتير بفتح نت وبقرأ بسيطة حسابكو بعدين لانه كان الي رجلين بمشي عليهم وهلأ راحو وخاصة انه ولي العهد كان راكب معي


وكنت بمشي وزوجي بيسحب فيني ياااااااااا ويلي الله ينسيني الشارع الي كنت بمشي عليه شو كان طويل وما بخلص
رحت على أهلي وسهرت عندهم انا وابو الشباب وانبسطنا كتير وروحنا مشي عشان زوجي بده يوفر بنزين ههههههههه قصدي بده يمشيني عشان اولد بسرعه وصلت بيتي وانا منهاره بس كان بعدها بيوم اخر يوم الي في التاسع حكيت يمكن اولد رحت خلصت شغل البيت كله وانا بشتغل زوجي بيحكي وبعدين معاك عاملة ازعاج بدي انام
حكيتله طيب نام عشان كمان شوي اصحيك نروح المستشفى اولد طبعا انا بحكي عن مزح
خلصت شغل وحطيت راسي بدي انام غفيت شوي والا تلفوني برن ما بعرف مين هاد المحترم الي برن بوقت متأخر اطلعت والا هو رقم ما بعرفه وعلى فكرة لحد هلأ ما عرفت مين هاد الرقم الي رن علي طفيت موبايلي ورجعت بدي انام والاشي قاعد بينزل مني طلعت مية راس الجنين بس بدون وجع ولا شي قعدت ابكي بصوت عالي عرفت انه آن الاوان وخاصة انه اول بيبي يعني مو عارفة شو راح يسير معي صحيت زوجي والا هو بيحكيلي روحي مو وقت مزح ضربته بالمخدة حكيتله والله ما بمزح يلااااااااااااا (كيفني معكو)بسرعة قام متل المجنون وراح يركض شغل السيارة وركبت واخذنا ماما ورحنا المستشفى على الساعة 1 بالليل بس ما كان في وجع دخلت غرفة مكتوب فوق الباب غرفة الولادة لما شفت الكلمة انصعقت يماااااااااااااااااااااا بيخوف
اجت السيستر وفحصتني بعدها صار معي الوجع المزبوط بس هي حكتلي لسا التوسع 3 سم يعني بدري روحي امشي لما ماما حكت لزوجي حكالي يلا نمشي وقفت تذكرت سباق المارثون بس هالمرة مع وجع صرت ارجع لورى واحكيله بدييييييييييييييييييييش وعيوني بدمعو حكالي يلا يا حبيبتي عشان يجي النونو ونلعبه انا وانت انبسطت ورحت اركض نسيت الوجع والالم لفيت الدنيا ورجعت ولا هي بتحكيلي لسا كمان بدري من هون للصبح بتولدي خليك استني يا الله كون معي تعبت كتير وراح الدلع كله اجا وقت الجد صار ظهري احسه بده ينقسم نصين وانا اصرخ والمستشفى كله بيسمع لحد ما دخلت الدكتورة وحكتلي خلص ولادة وولدت والحمد لله ولما سمعت صوت البيبي وهو ببكي انبسطت كتير وراح كل التعب حملته بين ايدي بعد ما لبسته السيستر ملابسه ورحت على غرفتي واجا زوجي وماما وامي الي هي حماتي كان كتير صغير وامور
أذن زوجي باذنه وكتير كانو مبسوطين عليه وسميناه( قيس) ولي العهد الاول وروحت على بيتي تاني يوم وهو بين ايدي وهلأ عمره تقريبا 20 يوم الله يعطيه طولة العمر والصحة احكو آمييييييييين
بس انتو ما بتعرفو مع مين كتبت قصة ولادتي ؟؟؟؟؟؟؟؟؟؟؟؟؟
اكيد معاه نايم في حضني وبيصرخ جوووووووعان يا حرام
لو بيعرف انه بكتب عنه كان سكت وصار هادي شوي يلااااااا

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

الحمد لله على سلامتك ومبروك عليكم قيس
ان شاء الله بتربى بعزكم يارب طرحك للقصه
رائع ماشاء الله وان شاء الله تكوني من الفايزين
بتستاهلي تقييم ونجوم


__________________________________________________ __________

الحمد لله على سلامتك

يتربى بعزكم ان شاء الله

بالتوفيق حبيبتى

يقييم


__________________________________________________ __________

قصة حلوووووووووووة شششموس
الحمدلله على سلامتك يارب وان شالله بيتربى بعزك هالكتكوت الصغير الله يحميه يارب
بتستاهلي تفوزي بالمسابقة يابنت بلدي
يقيييييييييم
تقبلي مروري


__________________________________________________ __________

الحمدلله على سلااامتك يا إم قيس

الله يخليلك اياة يتربى بعزك يارب ^_^