باقى على ولادتى يومين وماسويت شي .. الفزعه
عنوان الموضوع : باقى على ولادتى يومين وماسويت شي .. الفزعه
مقدم من طرف منتديات نساء الجزائر
باقى على ولادتى يومين وماسويت شي .. الفزعه
مراحب ....
باقى على ولادتى يومين ثلاثه وماسويت شي
وش اسوى ؟؟؟؟؟
فجاءه جتنى طلوق وولاده وانا للحين ماجهزت نظام لى بنفاسى
وش الدبره ؟؟؟؟
كنت جاهله وماعندى خلفيه ... ولا سويت لى نظام او سفوف
ولا اعرف شي ....؟؟ وماعندى وقت
وش السواااه ؟؟؟
الحقونى .... قريت بالمنتدى وسمعت من البنات لازم الوحده تجهز لها نظام
بنفاس... وانا بولد بكره !!! وماسويت شي
تهقون يمدينى اسوى شى
!!!!!!!
انا ولادت وخلصت لى يومين ... بس اكتشفت فجاءه
انى بس اشتريت ملابس للنونو ... وشويه تجهيزات وحلويات
وانا ماعندى شي اكله او اسفه او اتبخر فيه
وبصراحه خايفه من نهايه الاربعين
وش اسوى الحين ؟؟؟
انا لى ولاده اسبوع ولا اكلت وشربت شي من اعشاب وادويه لان ماعندى
ماشريت شي... ولا اقدر اروح العطار الحين اخاف من الشمم... عندكم حل !!!!
_____________
هذه نماذج من اسئله للكثير من البنات ...
وعندى بالخاص واجد منها ...
تطلبون الفزعه باخر الوقت كانك البارح اكتشفتى انك حامل وراك ولاده
وربى تدمع عيونى من كل وحده بالحاله ....
اذا مانفعتى نفسك ماحد نفعك ...
كله اهمال .....
لاتتعذرون بجهل او غيره ...
تطلبون الفزعه باخر لحظه .... لو عطيتى نفسك ليله او ليلتين تجهزين شي للنفاسك
افضل من تضيع الوقت بكتابه طلب ومعاريض فزعات ...
كل وحده عندها ولاده قريبه .... او ولدت قريب
لا تتحسف على ايام راحت تبدا من الحظه ...
جهزى لك ثلاث ترامس او زمزميه
تكون حجم صغير
تكون قديمه عندك بالبيت
وحده تحطين فيها قهوه ساده بدون هيل
عشان تتقهوين مع التمره والرشاد
وتحطين لك فنجان كبير دواء قهوه
واذا ماعندك دواء قهوه حطى كسره مره صغيره
وعبى الفنجان واشربى قهوه وكولى تمر
من اول يوم ولاده لك
تمره خوذى تمر نوع زين
وحطى معها كمون مطحون
ورشاد حب
وسمن برى واذا ماعندك زيت زيتون
وحبه سوداء مطحونه
وفلفل اسود
هذه تمره لك
حطيها بكيس تغليف زى حق اللحم عشان ماتكون يابسه تبقى رطبه
الترمس الثانيه
حليب
اخلطى نصف علبه حليب النيدو بودره مع حلب وماش
وفلفل اسود
وسوى لك حليب وحطى سكرك المعتاد واشربى دائم
القيصرى ماتشرب حليب اول الايام بس
الباقى عادى
الترمس الثالثه
شاهى اعشاب
وابسط شاهى
كمون + دارسين
ولدتى ماتقدرين تروحين اكتبى اغراضك بورقه وارسلى احد يجيبها لك
امك
اخوك
زوجك
جارتك
,,,,,
اكلك
مرقه
دجاجه مسلوقه
بدون خضار حطى لوبياء اذا ودك
وخلى عندك علبه فيها حبه سوداء وماش وحلب وفلفل اسود بدون طحن
واكتبى عليها طبخ مع الاكل
وكل مره اطبخى وحطى شوى لك مع اكلك
بعلبه مويه صحه سوى لك منقوعه
محلب مره
وشوى عنزروت
زيدى عليها ماء بارد واشربى
وياليت تكون العصيرات خارج نطاق الخدمه وانتى نفاس ..
,,,,,,,,,,
الكبو
ابسط شي
قشر بصل
ومره
كمون
وحلتيت رطب او يابس
حطى بفوطتك شوى حلتيت رطبه والبسيها
الدم ممكن يوقف معك وانتى نفاس
لاتجى وحده منكم وتوقف نظام وتقول خلاص طهرت وقضيت
وقف الدم يوم ويومين
بيرجع
اهم شي ماتوقفين لحد اربعين يوم
حتى الفوطه الصحيه البسيها بدون دم بعد الكبو عشان الهواء مايدخلك
لا تجيبون العيد
وتفكر وحده بالجماع قبل نهايه الاربعين
وتقول : مابى ابو الشباب يتعود على بعدى ....
اذا فكرتى بالشى دمرتى نفسك
الحلب اول النفاس استخدميه
واذا معك مويات اقل من عشرين يوم اسبوعين كفايه
المحلب العشرين الاخيره
الكبو اخر عشرين يوم الا اذا معك شمم قبل
شلون تعرفين اذا معك شمم ؟؟
نبض ودف ووجع من تحت من المنطقه
او دف ونبض مكان الجرح من العمليه نفسها
واستفراغ وغثيان ودوخه
وتحسين المنطقه تحت متورمه
هنا كبو على طول
اكل الممنوع نبت على لسانى شعر وانا اقول :
الاكل له دور كبير بسلامه نفاسك
لاتخربون على انفسكم ببرتقاله وباميه وجلى
الترويش ارجع واقولها لكم ...
له طريقه الخاصه
لا توقفين تحت الدش والمويه تضرب راسك
كلمه بكل ضمير اقولها
الطريقه دمار لك
الغسول مره وملح
واخر الايام ارطا وقشر رمان
لا تنامين لحد الساعه عشره الصبح وانتى نفاس
وتقولين راحت على نومه
والنونو سهرنى البارح
قومى واغسلى وجهك وافطرى
وارجعى نامى
لا تتعذرون بالحر والجو
مانقدر نتحمل من حراره الجو
صدقونى حراره انك طلعتى من نفاس نص ونص ونظره زوجك لك
اشد حراره .... وحرقه
اهم شي بنفاسك
يكون خالى من ثلاثه
الجوع
الهواء
الشمم
الجوع لا تجوعين ابدا وتطق كبدك وبعدين تاكلين
كولى قبل تجوعين نظمى وقتك
وابعدى عن اكل الممنوع
الهواء
عليك بالكبو وسروايل الطويله
ولا تحطين سريرك قدام المكيف
والبسى شراب برجولك
ولا تمشين حافيه
الشمم
حاربيه بالحلتيت الرطب
والكبو
النفاس مو امر كايد وكبير
هو فتره ذهبيه لكل وحده
بس الاهمال هو الكبير
والادويه والا عشاب مافيها تعقيد
العقد بتطلع لك لو مر نفاسك دون ادويه
لا تظنون ان القيصرى خلاص امورك محلوله
والمنطقه ماجاها شي
نعم ممكن المنطقه تتوسع مع قيصرى لو اهملت
البنت الغير متزوجه تكون زفت من تحت مع اهمال دوره
ولا تظنون ان عمليه التجميل بتعالج اهمال نفاس وترتاحين
مو مطلوب منكم كثير ...
شويه حرص على حبتين اهتمام
وتقليل طلب الفزعات ... من الاخرين
وترجعين احلى من قبل ... بكثير
موفقين خير
>>>>> ردود الأعضـــــــــــــــــــاء على الموضوع <<<<<
==================================
الله يعطيك العافية
__________________________________________________ __________
مشكوره يعطيك الف عافيه
__________________________________________________ __________
بارك الله فيك
__________________________________________________ __________
الله يعطيك العافيه عزيزتي
__________________________________________________ __________
يسعدني اول موضوع ارد علييه
تسلميين على المعلوومااات اللي الكثير يغفل عنها
رد مع اقتباس
