عنوان الموضوع : (((ـــــــــ الفرق بين الخياطه العاديه والتجميليه ـــــــــ)))
مقدم من طرف منتديات نساء الجزائر

(((ـــــــــ الفرق بين الخياطه العاديه والتجميليه ـــــــــ)))



اولاالخياطة العادية 00 اللي يسوونها المستشفيات الحكوميه بعد
الولاده ويسوونها لانهم يوسعون لك بالمقص اثناء خروج الراس
فلازم يخيطون الجرح وهذا غالبا يصير في الولاده الاولى و الثانية
اما في الثالثة وطالع ما يسوون شق وتوسيع بالمقص لانهم يتركون
راس البيبي يوسع لحاله كل شي او تقوم القابلة توسع بيدينها حتى
يطلع الراس وبصراحه بعد كذا المنطقة حتى مع الاهتمام في النفاس
تصير متوسعه0

ثانيا الخياطة الجميلية00 التجميلي يسون لك قص للعضلات
المترهلة واللي سببت التوسع وتكون هذي العضلات من جوا وبرا 00
بعدين تخيط لك من جوا وبرا وتصيرين ضيقة ودرجة التضييق
تختلف من دكتورة لثانيه او على طلبك انتي00


من قرائتي لتجارب البنات هم كثييير يمدحون في التجميلي
وخصوصا اللي زوجها متضايق من التوسع او هي عارفة نفسها
انها وسيعه00 وهي عموما افضل وقت لها هو بعد الولاده بستة
اشهر عشان تكون العضلات رجعت لطبيعتها ومع ذلك فيه كثييير
يسوونها بعد الولاده عشان ظروفها ماتسمح الا في الوقت هذا واللي
قريته من كلام الدكتورات انها احسن بعد الولادة باسبوع او عشر
ايام00

بالنسبه لانواعها 00 فيه العملية التجميلية وهذي يسوونها ببنج كامل
ويسوون رفع للرحم والمثانه وتضويق للمهبل بعد قص الاجزاء
المترهلة وهذا النوع تكون الولاده بعدها قيصري00

والنوع الثاني اللي هو الخياطة التجميلية وهي مجرد قص الاجزاء
المترهلة والتضييق من جوا وبرا وهذي تكون ببنج موضعي يعني
انتي تكوني في وعيك وفيه يسوونها ببنج كامل لانهم يخافون من
صوت المقص 00
تجارب البنات00 من التجارب اللي قريتها الغالب يمدحونها
بشددددددددددددددده وخصوصا للزوج00 وطبيعي راح يكون فيها
تعب والم بس النتيجه زي ماقريت فتاكه ومبهرة وانهم يرجعون زي
ليلة الدخلة وغلط تجي هنا وحده تفهم انه اصلاح غشاء البكارة 00
لالالالا هو مجرد تضووووويق للمهبل00

والبنات اللي سووها يمدحونها ان ازواجهم انبسطوا من نتائجها وان
الافرازات اللي متعبه تختفي ولا يصير فيه هوا وماادري ايش00
ولايصير فيه لا توسع ولا شي00 والحمل طبعا بعدها عادي بس
يوسعون لك زي البكرية بس اللي تسويها وتتعب احسن انها تطول
في الحمل عشان تحلل تعبها00

طيب نجي لاحسن الدكتورات في هذا المجال
وطبعا من قراءاتي قريت عن كثيييير بس في ثلاث دكتورات بارزين00
اولا منى الريس في على مااعتقد في مسوصف الشبلان الطبي
وتكلفتها من الفين لثلاث الاف ويدحونها بس يسبونها في ان تعاملها
زفت يمكن عشان الزحمه اللي عندها00

ثانيا دكتورة فاطمه السودانيه في مستوصف الاسرة بالبديعة او
العريجا00 كثير مدحوها وبعضهم قالوا انها قفلتهم اكثر من اللازم
وفي ملاحظة عليها ان عيادتها و ادواتها مو نظااااف وهي تسويها
على مااعتقد بالف وخمسميه00

ثالثا الدكتورة عظيمه في مستوصف الحياة الطبي كثير مدحوها
ومدحو نفسيتها الحلوة وان بالها طوييييل وهي تسويها تقريبا بالف وستميه او الف وسبعميه

وقريت عن الدكتورة ليلى بمستوصف السلام وعن هويدا بس مااتذكر وين 000
يابنات المعلومات اللي كتبتها بناءا على قراءاتي00 لكن اللي حياتها
مع زوجها متضررة من ناحية التوسع تلجأ للخياطة التجميلية بعد
الله وكل البنات يقولون مع البنج الموضعي ماتحسي بشئ والام
الخياطه يخف مع المسكنات والادوية00
وقريت انهم لاززم راحه بالسرير عشر ايام وممنوع الجلوس
ويصلو وهم واقفين00والجماع بعد شهر او اربعين يوم على حسب
متى تقرر الدكتورة00

>>>>> ردود الأعضـــــــــــــــــــاء على الموضوع <<<<<
==================================


بارك الله فيك حبيبتي


__________________________________________________ __________

الله يعطيك العافية


__________________________________________________ __________

شكرا لك على الموضوع


__________________________________________________ __________



__________________________________________________ __________

شكرا لمروركم الكريم