عنوان الموضوع : عمليات اطفال الانابيب -الجمل و الولادة
مقدم من طرف منتديات نساء الجزائر

عمليات اطفال الانابيب



السلام عليكم

حبيت استفسر من الاخوات الي عندهم فكرة عن اطباء اطفال انابيب في الاردن او في الكويت الرجاء افادتي باسرع وقت
انا بعرف في د. اسامة صالحة في الكويت بس مين تعرف وحدة سوت عنده انابيب وزبطت
د. زيد الكيلاني بحكوا انه كبر وبطل شاطر مثل الاول - سمعت عن د. خلدون الشريف مين سمعت عنه

>>>>> ردود الأعضـــــــــــــــــــاء على الموضوع <<<<<
==================================


مرحبا

انا من الاردن وكانت عندي تجربه عملية اطفال انابيب عند الدكتور نعيم ابو شيخه
بس للاسف ما نجحت بس هدا لا يعني انه دكتور موشاااطر ... وطبعا الدكتور
خلدون الشريف كتير معروف ويمكن يكون هلا من اشطر الدكاتره بعمليات
اطفال الانابيب بلاردن..... بس بسمع انه الاسعار عندو اعلى من غيرو من الدكاترة
وفيه كمان الدكتور مازن الرواشده مشهور وشاطررر...

بتمنى اكون قد افدتك ..


__________________________________________________ __________

صباح الخير للاخت سارة 2008 انا كتير مبسوطة انك رديتي على سؤالي
انا اردنية ومقيمة في الكويت
اتشرف بصداقتك ..... اذا بتقدري تساعديني ياريت وبكون ممنونة الك كتير ...... اساليلي عن اطباء معروفين بالانابيب ...... واذا قدرتي ياريت تشوفيلي ارقام د. خلدون الشريف ..... بتعرفي لما الواحد بينزل اجازة على عمان ما بكون في وقت كفاية اني اقعد اسال ...... بضيع وقت كبير على حالي ...... بكون شاكرة الك اذا بتساعديني بامانة لان الموضوع بلنسبة الي كتير مهم وما رح انساكي من دعائي وشو عرفك ممكن نتعرف على بعض وجها لوجه لما انزل على عمان


__________________________________________________ __________

اهلا وسهلا فيكي حبيبتي اتشرفت بمعرفتك .... (اهلا وسهلا ببنات الاردن والله ) ...

ان شاء الله راح اساعدك على قد ما بقدر ... ولا يهمك حبيبتي

بالنسبه لرقم الدكتور خلدون ان شاء الله راح اجيبه وببعتلك ياه على الخاص بأقرب وقت ممكن
وانا متل ما حكيتلك فيه كتير دكاتره شاطرين بالاردن بس اشهر واحد الي هوا الدكتور خلدون الشريف
وبعرف حالات كتير نجحت عندو .. وانشالله الله بيوفقك عندو يارب ... وانشالله بتجي فرصه وبتعرف عليكي شخصياا ليش لأ .. بنتشرف والله

تحياتي


__________________________________________________ __________

اختي سارة 2008 شكرا على اهتمامك بلموضوع وهاد الاشي زادني شوق اني اتواصل معك اكتر وبتشرفني صداقتك ومعرفتك ......

سلامي للاهل ...... للاردن ...... للبرد ..... لكل شي حلو في الاردن
لان الجو عنا كتير شوب وغبار .... افتقد لجو البرد ..... والقعدة قدام الصوبيا ...... واكل البطاطا الحلوة ...... سلام


__________________________________________________ __________

السلام عليكم انا عملت عملية اطفال الانابيب مرتين في مستشفى فرح والمرتين فشلو مع زيد الكيلاني وبالفعل بطل شطاره لان بغلطه منو خربلي كل شي تصورو انو اعطاني حبو ب بتنزل الدوره الشهريه بعد عملية الكرداج واني بقيت بالانتضار في الغرفه خمس ساعات لسبب بسيط جدا انهم نسوني ونسو اني على البرنامج
بس هم شاطرين بشي واحد بس
وهو اختلاق الاكاذيب لسحب الاموال وموضفات الاستقبال عدهم من اسوأما يكون وخاصه بالاستقبال الارضي
بعد ان عانيت باستخراج فيزة الاردن وصلت للمستشفى واغلب العضوات بيعرفوا اللي مريت به
بتقلي موضفة الاستقبال بان دكتور زيد بيسافر وما يقدر يستنا
ما اقول شي سوى حسبي الله ونعم الوكيل عليهم ليوم الدين
حسبي الله ونع الوكيل عليهم
حبيبتي بس هدا ما بيعني انو كلهم مثل بعض انا سمعت عن دكتور نجيب ليوس وعيادته في جبل الحسين جنب مستشفى امل للولاده وعرفت كمان انو عنده طريقه متطوره لعملية اطفال الانابيب
مش موجوده في مستشفى فرح وهي طريقة ثقب جدار الجنين المخصب لزيادة فرصه التصاقة بالرحم
بس انا مش عارفه اسعاره كم
ويا ريت الي بتعرف تدخل وتخبرنا واكون شاكره
لها