عنوان الموضوع : وسواس الحمل؟؟؟!!
مقدم من طرف منتديات نساء الجزائر

وسواس الحمل؟؟؟!!



السلام عليكم شلونكم خواتي عساكم بخير..
بعد التحية والسلام..
اخواتي العزيزات الحوامل من قبل والجديدات عندي وسواس من حملت ليم احين اخاف اروح لدكتورة المستشفى اطمن على وضع الجنين وكل مايتعلق بالحمل اخاف ان لاسمح الله الطفل يكون ميت مجرد وسواس ولااقدر اتخلص منه ساعدوني خواتي شلحل شسوي انا دخلت الرابع توي وافكر ليش لحد الان مابين لي بطن مضايقه ووايد وابي اروح المستشفى عشان اتابع الحمل بس عندي خوف ادعولي وساعدوني..

>>>>> ردود الأعضـــــــــــــــــــاء على الموضوع <<<<<
==================================


8مشـــــــــــــــــــــــــــــــــــــــــاهدات ولارد واحد الظاهر انسحب من المنتدى احسن لي..


__________________________________________________ __________

حبيبتي عادي في بنات مايطلع بطنهم الا متاخر
زوجة ماي
مايطلع بطنها الا بلسادس تخيلي
بس انا طلع من الثالث
يعتمد على بنية الجسم اغلب شي

وليه ماتروحين تتطمنين على الجنين حرام عليك
عشان لا سمح الله لو فيك شي على طوول تتداركي الموضوع وتحافظي على جنينك
لازم تسوين لك مواعيد بملمستشفى


__________________________________________________ __________

وصج على سالفة ماحد يرد
والله ماحد يرد ويشجع
خليها على ربك بس اذا بتتنسحبين ارسلي لي بلخاص انسحب معاك


__________________________________________________ __________

حبيبتي روحي طمني عند الدكتورة احسن
وبالنسبة للبطن عادي لو مو مبين
انا هلا في الشهر السابع وبطني مو مبين
وفي يلي يقولي يمكن انت مو بالشهر السابع بطنك مومبين ابد
عادي لا تخافي حبيبتي
ربي يتمم لنا حملنا ع خير ويرزقنا بالذرية الصالحة


__________________________________________________ __________

عزيزتي كيوي انا مثلك عندي وسواس موطبيعي من اول ماعرفت اني حامل لكن انا ما استسلمت انا الحين في الشهر السادس ودايم افكر ليش البيبي ما يتحرك عادي يجي ثاني يوم ويتحرك والله تعبت من التفكير الحين خلاص ريحت نفسي ودايم اقول قدر الله وماشاء فعل اذا لي نصيب فية بيجي واذا مالي لو جلست افكر ليل ونهار ما راح استفيد شي ارجوا ان كلامي خفف عنك اسفة على الاطالة