عنوان الموضوع : خلاص طلقني
مقدم من طرف منتديات نساء الجزائر

خلاص طلقني



السلام عليكم ورحمه الله

كيفكم طيبين ان شاء الله

صراحه انا من متابعات المنتدى من فتره طويله ودايما استفيد منه وصراحه استفدت منه كثير
وفيه اخوات صراحه قمه وحكمه وعقل ...

وماجا فكري يوم انو اسجل بالمنتدى عندكم

الا هالحين وحكون عضوه فعاله معاكم

بدخلكم بالموضوع علا طول

لاني فحبيت افضفض لكم لاني صراحه بنت وحده واخواني 3 وماعندي اخوات وامي
احسها بعالمها

فحبيت افضفض لكم لاني اعتبركم اخواتي وهالمنتدى بيتي ....

الموضوع ومافيه وباختصار شديد..

انا انسانه رومنسيه زياده عن اللزوم واحس انه مشكله بحياتي واي انسان احسه يكلمني بأحترام احسه يحبني

نفسي اكون ام زي بقية الناس لمن اشوف اطفال اتجنن

الا درجه فكرت اني اتعرف علا اي شاب واتزوج واكون اسره

لاكن الحرام يمنعني

المهم

بعد فتره الا امي تدق الباب وتقولي تقدملك شاب ...
انا من قوة الصدمه قولت موافقه من دون اي شروط ولا شي
استغربت امي ..وقالت طيب شاوري استخيري وطبعا اختكم وجهها طاح من الحياء ...

وبعدها النوم اخد اجازه مني والتفكير كانه مالقا الا راسي يعشش فيه ...

الين ماجاء اليوم وجا وقت الشوفه
وشفت الولد وعجبني وعجبته

وبعدها اتفقنا علا كل شي

وتمت الموافقه وبعدها لاتسألوني قديش بنيت احلام وسرت احلم الا درجة خسيت ونحفت ...

وبعد مرور تقريبا 4 شهور علا الملكه ..

كنت انا وخطيبي وام خطيبي راحين السوق الا ويدق جوالي رديت سلمت تكلمت ضحكت وبعد ما انتهيت من المكالمه الا واشوف وجه خطيبي متغير ولون عيونه حمرا

وساكت سالته ايش فيك سالني مين اللي تكلميه قلت له هادا ولد خالي ..
الا وخطيبي يعصب واخدت تهزيئ ماهو صاحي وقلي انه مايجوز وحرام ...
وحاولت الم الموضوع واتاسفت منه ووعدته انه مايتكرر وماعاد ارد علا اتصالاته
قالي عادي ردي بس تكلمي بحدود الادب ماهو تضحكين معاه وقلي انه انسان غيور جدا وقال ا نتي ماتخافين علا نفسك انا اخاف علا نفسي لانه اخاف اني اسير ديوث ...وصراحه تمسكت فيه زياده وحبيته اكثر لانه ناقشني بعد التهزيئ طبعا وجبلي ادله واحكام انه حرام وكان متفاهم جدا ...
المهم وعدا الموضوع علا خير
ومره برضو كان عندنا بالبيت وجاني اتصال ولمن رديت عليه طلع زميلي بالعمل يقلي علا اخته انها بتجي علا المستشفى ويبغاني اساعدها طبعا انا اول مارديت رحبت وابتسمت وبين المكالمه طلعت ضحكه مني

الا واطالع الا خطيبي يناضرني بعيون مليانه دموع لانه كان يسمع المكالمه وعارف انه زميلي بالعمل وعادي بس لمن ضحكت انقلب وجهه

وقام وعلا طول من غير سلام ولاشي قلي مع السلامه ونادا امي وقلها ياعمه شوفيلي الطريق.....

وبس وبعدها ادق عليه اتصل مايرد
الين يوم رد وقال يافلانه
وماني قادره افهم كلامه من البكاء والاأنين اللي فيه
وقلي بالحرف الواحد
حبيتك من كل قلبي وقدرتك
لاكن انتي نعم حبيتيني لاكن ماقدرتي ماشاعري ولاقدرتيني
وهادا اللي سار قدامي اجل كيف بيسير بدوامك ومن وراي
يافلانه احنا مانصلح لبعض وقفل السماعه وهو يشاهق....
يابنات يااخواتي

انا تربيت في عائله شبه عادي عندها
وابوي وامي يعرفو اني اتكلم مع عيال عمي وعيال خالتي وعادي



اشتشرت صاحباتي اللي تقولي اني غلطانه
واللي تقولي ماعليكي منه انسان معقد


محتاره بامري

هل اللي سويته انا غلط
ارجوكم ردو علي حتا لو قسيتو علي بالكلام اتقبل المهم بس علموني الصح ....


ملاحضه
انا اسفه ازا فيه اغلاط املائيه ولا طولت بالسالفه بس حبيت افضفض
لكم واشوف ارائكم ....

>>>>> ردود الأعضـــــــــــــــــــاء على الموضوع <<<<<
==================================




الحق معه بكل صراحه و هذي الرجال الصح الغيوره
و بنفس الوقت هو غلطان و اللي يقولون عنه معقد ما عليك منهم

مادري اذا طلقك خلاص يعني انتهى كل شي ولا لا

انتي من وين !

و اذا لسه ما طلقك تفاهمي معاه
قوليله ترى انت قبل تجيني انا كذا عطني فرصه و مجال اتغير اكون مثل ما تبي

و احمدي ربك ترى غيرك يتمنى الرجال اللي كذا لو كان عكس و عادي بالنسبه له ممكن انتي تتمنين يكون نفس خطيبك اللي تتكلمين عنه

اعيد و اكرر اذا ما طلقك ارسليله رساله قوليله بتفاهم معاك

قوليله و اقنعيه و انتي فعلا اتغيري و اقترح عليك اذا مجالك ينفع بدون اختلاط يا ليت تدورين او دوري شغله ثانيه يكون نسائي بحت عشان ترتاحون

خليه يثق فيك و قوليله من قدامك ولا من وراك مالك الا الشي اللي يرضيك

احفظك بحضورك و غيابك


اتمنى لك التوفيق



__________________________________________________ __________

اكيد انتي الغلطانة
هو انسان في المستوى و كلامه صح ميه ميه
كيف تضحكي وع راجل اجنبي عليك ! لا يجوز للمراة ان تخضع بالقول قدام الرجاله
اما حكاية اتصالات زملائك الرجالة بك فانا شايفة انها ملهاش لزمه اصلا حرام للمراة تعمل علاقات مع رجالة مهما كانت الصفة زميل او صديق او ابن عم !
هناك حدود في العمل . و الاتصال لا يكون الا من الادارة لغرض الشغل و بس . اما اتصالات الزملاء الرجال فهي خطأ منك و زوجك معاه حق الديوث بس من يترك زوجته تحكي بللتلفون مع الراجل الفلاني و الراجل العلاني لا و كمان تضحك لهم !!!!!
الحل معك لتكسبي زوجك و يرجع اليك هو انك لاااا تجادليه في الموضوع و قولي له معك حق انا ىسفه غلطت ما كنت اعرف هالشي و الحمد لله ربنا انعم عليا بللهداية و عرفت غلطي و ربنا الغفور يغفر لعبده الجاهل و انا كنت اجهل هالشي و بعد ما عرفت انو لا يجوز رح استقيم لله و اصحح مساري و ايدك بايدي علمني كيفاتصرفبردو انت زوجي و واجب عليك تاديبي و تقويمي اذا اخطات بس ما تتركني و تخليني لانه ربنا ما يرضى منك هالشي .
اتمنى يرجعلك لانه رجل كويس جدا
و ما تسمعي للي تقولك انو معقد / الله يهديها !


__________________________________________________ __________

غلطآنه يَ قلبي وميه بِـ ألميه غلطآنه ..
زوجكِ إنسآن متفهم لو غيره كآن قآل لكِ إنتِ طآلق وإنتهى ألموضوع !
يَ ألغآلية ألرجآل حبكِ ووآضح من تصرفآته ، فلآ تخسريه أبداً ..
إتصلي به ألأن وقولي له ، أنكِ ستتركي محآدثة ألشبآب وتكوني له مآيريد ..
من حقه يغآر عليكِ إنتِ حلآله ، زوجته !
صدقيني أمثآل زوجكِ نآدريين جداَ بهذآ ألزمن ، نآدريين جداً جداً جداً ..
كيف تحآدثي زميلكِ بآلعمل وتبآدليه أطرآف ألحديث وتضحكي !
تخيلي زوجكِ يحآدث صديقآته بآلعمل أو بنآت خوآله وخآلآته ، بآلله مش شعور يحرق ألقلب !
ويشعل نيرآن ألغيرة بين ألضلوع ؟!
زوجكِ يبغآكِ ملك له ، مآتحآدثي غيره ومحآرمكِ بس ..
إتصلي الأن وتأسفي وأوعديه ، دآمه يبكي فهذآ صآدق معآكِ ..
ودموع ألرجل لآتنزل إلآ بصعوبة وبموقف قوي جداً !
نصيحة لكِ يَ روحي ، لآتخسريـه لآتخسريـه ، لأنكِ بهذآك ألوقت خسرتِ كنز !
وإللي تقول معقـد أيش وضعهآ ؟ أيش سآلفتهآ ؟!
حقه إنتِ حلآله ، إحمدي ربكِ لو غيره كسر رآسكِ وقآلكِ يآهآ بآلحرف ، طــآلـق !


__________________________________________________ __________

غلط و%100 انتي غلطانة
لأن أول مرة نذرك بس انتي عملتي الي براسك
وخلاص انا معه لأنه نبهك مرة وما تبتي من غلطك


__________________________________________________ __________

ربي يفرج همك