عنوان الموضوع : للجزائريات خاصة مجابة
مقدم من طرف منتديات نساء الجزائر

للجزائريات خاصة



سلام خاص لأحلا البنات أتمنى أن تكن في تمام الصحة و العافية و بألف خير وبركة أحب أن أفتح موضوع معكن أنا لا أتفحص كثيرا المنتدى لكن كلمل دخلت باه نشوف موضوع تاتيريني تعاليق بعض الجزائريات اللي افظلو أنهم اردو بلهجة غير لهجتهم مافمتش علاه نقلكم حاجة هاذي لغتنا لازم نعتزو بيها أمنسمحوش لأي واحد أنو يأثر علينا علاه كامل اردو بلهجتهم غير الجزائريات ألي افظلو يديو لهجة السوريين و المصريين الا آخره مع احترامي للجميع أنا نهدر بلهجتي فهمو ولا مافهموش ميش حاجتي و نتمنى تكون كامل كيما انا
vive l'algirie bladi la3ziza 3liya
merci

>>>>> ردود الأعضـــــــــــــــــــاء على الموضوع <<<<<
==================================


سلام ختي نتشرف نكون اول وحدة نرد عليك..
اييه حنا جزائرين ونعتزوا ببلادنا وبلغتنا ونحبوها وحنا رانا نردوا فالتعليقات باللهجة غير اللهجة نتاعنا بغسكو حنا لهجتنا صعيبة ومختلف البلدان ميفهموهاش عكسنا حنا نفهموا كامل اللغات من بينها السوريا والمصرية وفي هاد المنتدى مكانش غيير الجزائرين باش نردوا عليهم بالجزائرية كاين في بعض المواضيع الجزائرية ونعرفوا انها كاتبة الموضوع جزائرية نردوا عليها باللهجة الجزائرية نعبروا على راينا فالموضوع ولكن اذا كانت صاحبة الموضوع سوريا ولا مصرية كيفاش نرد عليها ونعبروا على راينا فالموضوع باللهجة الجزائرية وهوما ميفهموهاش لازم نتاقلموا مع كل بلد بصح ختي اننا نردوا على بعض المواضيع بلهجة وحدة اخرى هاذا مايدلش على اننا منحبوش بلادنا ومانعتزوش باللغة ديالنا لالا بالعكس مكانش جزائري ميحبش اللغة نتاعوو وميحبش يهدر بيها مي الله غالب ختي ميفهموووناش ...انا هذه هي وجهة نظري فالموضوع.
وسمحيلي اذا كثرت عليك هدرة بنت بلادي بلد المليووون ونصف شهيييد...1..2..3 vive l'algerie بلادي نحبك ونمووت عليك.........سلام


__________________________________________________ __________

شكرا على الموضوع لكن اختي نحن هنا للتواصل و باش نفهمو بعضانا واش معناها كي نكتب بلغتي و ما نفهمش الغاشي واش نقصد المنتدى ما فيهش غير جزائريات رانا من كل بلاد و الحمد لله الي يحب يعتز ببلادو كاين ياسر حوايج نديروهم ونبينو بيهم بلي هحنا الجزائريين,


__________________________________________________ __________

حبيبتي اكييد نعتزو ببلهجتنا وانا من الناس اللي متعصبين بزااف لبلادهم ولهجتهم

ختي انا نهدر هدرتي ما نبدلها حتى فخاطر وحدة كي نعرف كلمة مايفهموهاش نقولها بالفصحى

ادخلي لموضوع الدردشة والفضفضة خلينا وحدة داغستانية تهدر جزائرية وعلمناهالها وعندي صحباتي مصريات نهدر معاهم هدرتي عادي وكي ميفهموش نترجم لهم

حتى هوما راهم كي يهدرو معايا يقولولي كيراكي واش بيكي

ونزيد حنونتي انتي راكي متناقضة كيفاش داك نيف على لهجتك وبعد من تحت قلبتيها مفرنسة


__________________________________________________ __________

المشاركة الأصلية كتبت بواسطة نقاوة القلب
سلام ختي نتشرف نكون اول وحدة نرد عليك..
اييه حنا جزائرين ونعتزوا ببلادنا وبلغتنا ونحبوها وحنا رانا نردوا فالتعليقات باللهجة غير اللهجة نتاعنا بغسكو حنا لهجتنا صعيبة ومختلف البلدان ميفهموهاش عكسنا حنا نفهموا كامل اللغات من بينها السوريا والمصرية وفي هاد المنتدى مكانش غيير الجزائرين باش نردوا عليهم بالجزائرية كاين في بعض المواضيع الجزائرية ونعرفوا انها كاتبة الموضوع جزائرية نردوا عليها باللهجة الجزائرية نعبروا على راينا فالموضوع ولكن اذا كانت صاحبة الموضوع سوريا ولا مصرية كيفاش نرد عليها ونعبروا على راينا فالموضوع باللهجة الجزائرية وهوما ميفهموهاش لازم نتاقلموا مع كل بلد بصح ختي اننا نردوا على بعض المواضيع بلهجة وحدة اخرى هاذا مايدلش على اننا منحبوش بلادنا ومانعتزوش باللغة ديالنا لالا بالعكس مكانش جزائري ميحبش اللغة نتاعوو وميحبش يهدر بيها مي الله غالب ختي ميفهموووناش ...انا هذه هي وجهة نظري فالموضوع.
وسمحيلي اذا كثرت عليك هدرة بنت بلادي بلد المليووون ونصف شهيييد...1..2..3 vive l'algerie بلادي نحبك ونمووت عليك.........سلام

حبيبتي متقوليش الله غالب كيما هوما فرضو رواحهم عليك وخلاوك تفهميهم وتهدري كيما هوما

انتي ثان تقدري تاثري عليهم اذا اصريتي على لهجتك

انا شخصيا علمت ناس يهدرو بلهجتنا كي ما يفهموش نترجم لهم واذا كانت كلمة صعيبة نقولها بالفصحى

حتى بداو هوما يحوسو يتعلموها ويقولولي لالا اهدرينا جزائري حتى نفهمو

ومتنسايش ان هدرتنا اقرب للفصحى


__________________________________________________ __________

انا في رأيي لا يوجد احسن من التكلم بالفصحى بيننا نحن العرب،حتى نفهم بعضنا،اما حبنا لبلدنا فهذا امر مفروغ منه،شوفي صورة بروفايلي تعطيك لخبر و اشكر لك غيرتك على جزائريتك؛ولكن هدفنا الآن و من خلال هذا المنتدى هو تذويب الحدود التي بيننا حتى نغدو وطنا واحدا متحدا تحت راية الاسلام!