عنوان الموضوع : زوجي يشك فيني افففف
مقدم من طرف منتديات نساء الجزائر

زوجي يشك فيني افففف



السلام عليكم حبيباتي

اليوم بقول لكم سالفتي انا و زوجي
زوجي وأيد يشك فيني .. طبعن انا قبل الزواج كنت مع علاقه مع واحد وبعد الزواج طبعن فتحت صفحه جديده و مسحت كل شي عنه و زوجي عرف علاقتي وياه ومن بعدها بدا الشك .. بس والله اني تبت وما أسوي شي من ورآه ، المهم تخيلوا أمس كنت نايمه بيت أهلي لانه زوجي دوامه ليل ، كنت اسولف وياه في الفون لحد الساعه 12 وربع تقريبا وعقبها بندت لانه كان مشغول و قلت له اني بروح أنام قال اوك ، المهم ما كان فيني رقاد تميت أشوف الروابط اللي ارفيجاتي أمطرشين يعني ما طولت وأيد و نمت ، الصبح الساعه 6 نشيت لانه زوجي مر علي عساس أنروح البيت ، شاف ويهي وجان يقول انتي الساعه كم راقده ؟ قلت له الصراحة ما يالي رقاد تميت اتقلب لين ما رقدت ، جان يسكت لين ما وصلنا البيت وعقبها نمنا لين الساعه 10 و نشينا عساس يوصلني الكليه ، و سألني فالسياره شوفيج من الصبح احس في شي ؟ قال أشك إنج كنتي سهرانه مع واحد وأتكلمينه وانا احلف له اني ما سويت شي و صحت و وقف فالشارع قال اذا ما قلتي الصدق بذبحج وقال انا أشك إنج تكلمينه من تلفون أمج ...!!!!! وانا والله يا بنات ما أسوي شي من ورآه و الله الشاهد وأي شي احلف له ما يصدقني يقول دائم تحبين هالسوالف ليش امعلقتني وياج روحي بيت اهلج ، و وأيد كلام والله تعبت وياه كله يشك وما يصدقني وانا مظلومه قسم بالله

>>>>> ردود الأعضـــــــــــــــــــاء على الموضوع <<<<<
==================================


الله يعينك
بصراحة ما اقدر اقول شئ

رفع


__________________________________________________ __________

أدعـي الله يـسـخـره لـك وقـولـي لـه شـوف جـوآلـي وبـآلـكـلآم الـحـلـو والـهـآدي الـرجـآل يـمـشـون
إحـلـفـي لـه وإذآ مـآصـدق قـولـي الـحـلـف مـو شـرب مـويـه مـسـتـحـيـل أكـذب عـلـيـك أدعـي
فـي أوقـآت الآسـتـجـآبـة أنـه يـهـديـه ويـصـدقـك كـونـي قـريـبـه مـن الله وربـي مـآيـخـيـب ظـنـك
مـوفـقـه


__________________________________________________ __________

الزوج الغيور دة بيكون اصعب حاجة فى الدنيا
دة المفروض تقبلية زى ما هو كدة وتحاولى
تقولى كل تحركاتك بالظبط من الصباح الى المساء
يعنى كل دقيقة تتصلى بية تطمنية انا موجودة عند امى
ولو قررتى انى تنامى عندها تتصلى تانى تقوليلة انك هتبيتى
يعىنى عاملية على انة مخبر سرى


__________________________________________________ __________

خليك طبيعيه


__________________________________________________ __________

وانتي ليش تحكيله عن ماضيج
دامج تزوجتي المفروض محد يعرف بعلاقتج السابقة
الله يستر عليج