عنوان الموضوع : بديت اشك في توام قلبي وروحي صديقتي ؟
مقدم من طرف منتديات نساء الجزائر

بديت اشك في توام قلبي وروحي صديقتي ؟



السلام عليكم ورحمة الله وبركاتة انا متعرفه على صديقة ولنا الحين صداقة والحمدالله 28 سنة تعرفنا من سنة اولى ابتدائي الى الان والحمدالله وكانت اكثر من اختي صارت اختي الي ماجابتها امي انا ماعندي لا اخوان ولا اخوات صارت هي اختي واخوي وكل شي لم ابوي كان مريض وقفت معي وقفة كانها اختي لكن في لاحظت فيها في ذي السنة تغيرها الكبير علي مثلا زمان لاكنت ابيها تجي على طول ونطلع ونتمشى لكن الحين صارت تتكلم معي ببرود قلت لها وش فيك ترفع صوتها علي اوف طفشتيني والكلمة الي خلتني ما انساها ابدا وهي 28 سنة وانا صابرتك تخيلو 28 سنة صداقة بعدين تقولي هالكلام صارت ماتدق علي مثل العادة صرت ادق عليها مرة والله انا عصبت قلت كل شوي اتصل وهي ماتتصل والله شهر كامل لا اتصلت ولا سالت بخير كيفك ابوك كيف صحته الخ.. للاسف الحين مر شهر كامل مادقيت عليها ولا هي دقت علي انا مستحيل اهين كرامتي لها بعدين اذا دقيت عليها اسلوبها بيتغير اكثر واكثر وانا شاكة في شي وهي مصاحبه 3 رجال لاني مرة قد شفتها لم طلعنا بالخارج نتعشى قالت شوي وراجعه وانا خلصت اكل شفت معاها 3 رجال وتضحك معاهم ويضحكون معاهم والجوال بايديهم انا هنا انصدمت كثثير صديقتي متزوجة ولها 4 اطفال وانا خايفة عليها من هالرجال تعرفون هالزمن المخيف خايفة عليها من زوجها لم يعرف نفسي اقول لها وانصحها لكن اعرف ردتها لي وبعد انا خايفة منها انها تعرفني على هالرجال وانا انسانة متزوجة واخاف ربي وما احب هالحركات وانا في ورطة الحين صديقة عمري متغيرة عليه والرجال المخيفين الي معاها ودي اكلمها شهر كامل ما اكلمها لكن للاسف كما قلت ردتها لي كالعادة وممكن اكثر وودي اقولها عن سبب الرجال لكن ما اقدر ما احب اضايقها او خايفة انها تتركني بعدها انا حساسة جدا جدا امانة الي تشوف الموضوع تعلق مابي افترق عن صديقتي 28 سنة صداقة انتظركم على احر من الجمر

>>>>> ردود الأعضـــــــــــــــــــاء على الموضوع <<<<<
==================================


حبيبتي أنا كنت مثلك حساسة جدا جدا، وأنا مريت باللي أنت تمرين به الحين، ولو كان عندي تجربة سابقة أو أحد عطاني نصيحة لما صرت ع ما أنا عليه الآن، أحاول جمع شتات نفسي وعمري اللي ضيعته ع ناس ماتستاهل ورب الكعبة، أعطيتهم وقتي وجهدي وكل شي، واهتممت بأن مانفترق وبالأخير بكل برود يعاملونك ولا كأنك شي..!!!

اللي تسويه معك صديقتك نفس الشي صار معي، تسحب عليك وتسمع كلام ماتتوقعينه وتحسسكِ إنك مثقلة عليها وغير مرغوب بكِ..

لذلك بقولك نهاية قصتك، أنت بتهتمي بها وبتحاولي ترجعيها مثل ماكانت لكن النهاية بتيأسي وتتحسري ع كل لحظة حاولت فيها أن ترجعيها لصديقتك اللي أحبتك وأحببتيها..

لذلك من الآن أشوف إنك تتركيها وشأنها، ولا تفسدي الذكريات الجميلة اللي كانت لك معها بمحاولتك إعادتها، لأن كل شي كان في نفسها عليك راح تطلعه وأنت بتتذكري عنها أشياء وأشياء تخليك تكرهينها وتكرهين اليوم اللي تصادقتم فيه..

أقولك من الآن الآن اعتبريها جزء من حياتك وانتهى، واسدلي عليه الستار، وربي يرزقك بالصديقة الوفية الصادقة الصالحة..

اتركيها فإن رجعت وشرحت لك الأسباب وأرادت صداقتك وعرفت إنها صادقة (وأكيد بتعرفين صدقها من كذبها بسبب عشرتكم الطويلة) فاقبليها، وإن عادت الكره وشعرتي إنها مو مثل أول فاتركيها نهائياً، ولا تقبلي لها أي عذر آخر، مثل هالأشياء لا يعطى فيها إلا فرصة واحدة..

هذي وجهت نظري من تجربة خضتها، وعانيت منها الأمرين، وكرهت بسببها الحياة وكل ذكرى جميله فيها، فحافظي ع ذكرياتك الجميلة، وابحثي عن غيرها وانتبهي لحياتك ولا تضيعيها بملاحقة أحد..

وآسف ع الإطالة حبيبتي..


__________________________________________________ __________

بالفعل اذا كنتي تريي كل هذا التجاهل فاقطعي علاقتك بها لانها هي ماتريد تستمر معك
وكما قالت لك الاخت لقبلي حافظي على الذكريات الجميلة لعشتوها احسن ماتتطور وتصبح بالنسبة لك
كره ومقيت جدا واذا استطعتي ان تنصحيها فافعلي
لانه الرسول عليه الصلاة والسلام قال اذا رايت منكرا فغيره بيديك فان لم تستطيع فبلسانك فان لم تستطيع فبقلبك وذلك اضعف الايما ن
واظن والله اعلم تخلي النصيحة الاخيرة لانه من خلال ماقلتي عنها فلن تسمع منك بل ستسمعك كلاما قاسيا
انت في غنى عنه


__________________________________________________ __________

اتركيها فترة من الزمن لعلى وعسى تصحى وترجعلك بملئ ارادتها


__________________________________________________ __________

انا انصحك تتركيها نهائيا امراة مثلها لا تحتاجين الى صداقتها فاذا اردتي نصحها ربما تتهمكي باشياا مشبوهة


__________________________________________________ __________

ليه خايفه تعرفك على هالرجال يعني انت ما عندك شخصيه تقولي لها ايه او لا ؟؟؟؟
ما تقدر تجبرك على هالشي الا اذا انت وافقتي تتعرفي على الرجال وانت عارفه شو نهاية هالطريق
يمكن بدت تشعر بغيره من ناحيتك يمكن تشوف تعامل زوجك معك وعيلتك وكل شي فيك احسن منها يمكن زوجها مو كويس معها لذلك قررت تروح تبحث برى بيتها عن واحد يعوضها وهذه موحجه
المهم الان انت الان ارسلي لها اشكرها على وقفتها معك وذكرياتك معها و انها لو بحاجه لمساعده او اي شي انت مارح تقصري معها واذا في شي مضايقها او مزعلها انت على استعداد تساعديها وتوقفي معها يمكن تفضفض لك يمكن الي فيها من عذاب الضمير او من الغيره لذلك ارسلي لها بس هالمسج واذا ماردت عليك مع السلامه هي حره الله يوفقها ويستر عليها ولو حاولت تسوي لك شي او توسس لك بالغلط اقطعي علاقتك فيها