عنوان الموضوع : هل أنتي مطلقه أو تبين تتزوجين ومليتي من الوحده ؟؟
مقدم من طرف منتديات نساء الجزائر

هل أنتي مطلقه أو تبين تتزوجين ومليتي من الوحده ؟؟



بسم الله الرحمن الرحيم


من زمااان عنكم اعتذر عن قلة تواجدي بالمنتدى

أششششتقتلكم حييييل حبايبي

موضوعي واااضح من العنوان حبيت يكون بموضوعي شوية أمل أرسلها لقلوب كل وحده يأست وهي تنتظر الزوج سواء كانت بنت ماسبق لها الزواج او مطلقه أو أرمله بعد

حبيباتي الحياه ترا موبس زوج لااا الحياه أحلى من كذا اذا جا الزوج الحمد الله اذا ماجا لعل فالأمر خيره وانتي ماتدرين وبعدين ليش متضايقه عشان تأخرتي ماتزوجتي والبنات اللي تزوجو وجابو عيال وانتي لا


حبيبتي أنتي والله حاااااسه فيج بس في شغله يمكن نسيتيها او يأستي حيل أستغفر الله


لاتنسين أن الله سبحانه موجود يبي يسمع دعائج يبيك تتقربين له أكثر وأكثر بالصلاه والدعاء وكثرة الأستغفار والصدقه

لاتقولين دعيت ولافي شي هذا من الشيطان معناة هالكلمه انج تشككين بقدرة الله استغفر الله

شوفي انا معاج خطوه بخطوه واساعدج باللي اقدر عليه اذا تبين اي شي راسليني ع العام او الخاص وان شاءالله اساعدج باللي اقدر عليه


انا كتبت هالموضوع عشان شفت بنات اعرفهم وسمعت قصص ناس وحبيت افيدكم والله انتي اللي تأيسين بنفسج وتذبحين نفسج ولا أحد درا عنج حراااااااام اللي تسوينه صحصحي معاي شوي وخلينا نحسبها صح


بالأول والأخير الأنسان ماياخذ الانصيبه وهذه ارزاق موزعه بس لاتنسين إن الدعاء يرد القضاء هذه بروحها الكلمه تعطي أمل كبييييييير


والله في بنات اعرفهم يتطلقون ويتزوجون ويعوضهم الله بزوج احسن من اللي قبل تتطلق مره ومرتين وثلاث واربع مرات ويعوضها الله ماقالت لاااا خلاص مستحيييل


وفي بنات خوات زوجها واقفين لها او امه او اي احد واقفين لها بهالزواج مستحيل تاخذه والله العظيم ان لدرجه الشرف طعنو بشرفها عند هالزوج لكن توكلت ع الله ودعت وصلت وكثرت استغفار وحطت عينها بعين الله وتزوجته غصصصصصبن عنهم


وفي بنات تزوجو من أزواج أصغر منهم والحمدالله عايشين ومرتاحين


شوفي حبيبتي اذا تقدم لك رجال فيه خير اول شي صلي استخاره ( هذا اهم شي لاتنسين ) اذا زين بيوفق الله بينكم وتاخذينه اذا لا الله يعوضج يارب


واذا لحد الحين محد طق بابك ولاتقدم احد عاااادي مواخر الدنيا ترا محد تعبان الا انتي انا حاسه فيج والله ياقلبي ويمكن بعضكم ضروفها العائليه هي اللي تخليها ودها تتزوج اليوم قبل بكرا والله حاسه فيكم

بس نفس ماتفقنا ماننسى ربنا هذا اهم شي وثانيا تشغلين نفسج بهوايه بمشروع يقويج ويخلي عندج رصيد يحميج من الزمن وياكثر المشاريع وانتي قاعده فالبيت


والله يابنات لاعرف وحده محد تقدم لها ولااحد خطبها بس توكلت ع الله وخلت عندها امل وقالت انا قررريييييب حيييييل بنخطب وبتزوج احلا زوج ( حسن الظن بالله ) وقامت تجهز لنفسها ع شوي شوي من ملابس واغراض التجهيز وهي محد خطبها وحطت لها جنطه وكل ماتشتري تحط بهالجنطه وسبحان الله فعلا الله ماخيب ظنها فيه وتقدم اها احسن واحد وتزوجته وربي يسعدهم ويرزق كل بنت قولو آمييييييين

ياااااحلو ( حسن الظن بالله ) وربي لو فعلا تطبقونها كلكم قررررريب حيل تتزوجون


سوي هالحركه عادي موعيب هذا حسن ظن بالله بس مومعناته تاخر الزوج ترجعين تأيسين لا عيشي حياتج عااااادي واستانسي بعمرج تدلعي تدللي عادي دللي نفسج مافيها شي بس ليمتى وانتي من هم الي هم مامليتي يعني شنو الحين الزوج هو اللي بغير حياتج لاااا ياقلبي الزوج هو فقط اضافه الي حياتتج وترا بعضهم الوحده تقول ياليتني ماتزوجت احسن من حياتها معاه في الزين وفي الشين

الكلام كثير فهالموضوع بس اللي عندها شي ودها تقوله انا بالخدمه افتحي قلبج وان شاءالله بتغير حياتج للأفضل لحد ماربي يرزقج بأحلا زوج ياااااااارب

ابي دعواتكم لي بس بليييييز لاتنسون


اللي بخاطرها شي تتفضل كلي لها

>>>>> ردود الأعضـــــــــــــــــــاء على الموضوع <<<<<
==================================


اي صج نسيت اهتمي بنفسج وبمظهرج وبكشختج وروحي عزايم واكشخي لما يزورونكم ناس خليج حبوبه ومرحه عشان تلفتين الانتباه بطريقتج انا ماعلمكم بس اذكر لان في البعض تنسى


__________________________________________________ __________

والله يااختي صآدقه انا مثل اللي بالقصه
كنت متفائله بشكل كبير اني رح انخطب
والله يشهد على كلامي كنت اقول لصديقاتي واخواتي
اعطوني باذن الله سنتين بالكثير واكون ببيت زوجي
واحيانا كنت اقولها من باب مداعبه بس دآخلي كان فيني ثقه قويه بربي
مااعرف ليش كان عندي احساس اني بنخطب بسن 22
والله الذي لا اله الا هو اني صادقه ماجا عمري 22 الا وانا مخطوبه
وقريب باذن الله بتزوج

يابنات , تفائلو بالخير تجدوه , خلو ثقتكم بربكم كبير
ادعو وانتو موقنون بالاجابه

الحمدالله على كل حآل


__________________________________________________ __________

ماشاءالله عليج فديتج اول شي اسعدني مرورج ثاني شي انتي ماشاءالله كلج ثقه وامل وتفاءل بالله وعشان هالصقه وحسن الظن بالله شوفي ربي رزقج الله يتمم لج ع خير يارب ويسعدج

والدليل النك نيم مالج حلووووو فديتج


__________________________________________________ __________

الله يجزاك كل خير
ااثقه بالله مطلوبه وربك كريم


__________________________________________________ __________

ربي يسعدك حبيبتي كلامك جميل
وانا فعلا راح اتزوج دعواتك