عنوان الموضوع : ثقتي المعدومه بزوجي ونفاد صبري
مقدم من طرف منتديات نساء الجزائر

ثقتي المعدومه بزوجي ونفاد صبري



بسم الله الرحمن الرحيم
السلام عليكم ورحمة الله وبركاته
اللهم صل على محمد
حبيباتي انا والحمدلله على كل حال
انصدمت قبل سنه بخيانة زوجي لي
مو مع وحده معينه يعني باختصار مراهق بس علاقاته الواضح انو بدون حب
الزبده انا انعدمت ثقتي فيه ابدا ابدا
وصار كل مايطلع الباب حتى لو وقت الدوام ماثق انو رايح فعلا للدوام
ولما يقولي بسافر عندي شغله حتى لو يقولي ايش هيه اقوله ربي يسهلك وانا بيني وبين نفسي انو رايح يقابلهم
مهما حلف ومهما قال حتى لو معزوم اذا اخوه مو معزوم معاه او ابوه ماصدقه
طبعا انا كنت اسكت ومابين بس الحين نفد صبري وصار يبين ع وجهي انو مو مصدقته
مو عاجبني حالي ولاابغى اعامله كذا
احيان احس بانهيار كل ماتخيلت انو راح نقضي كل عمرنا مع بعض والثقه معدومه فيه
المشكله انو ابغى اطنش وابغى ارتاح تعبت وتعبت ملامحي عجزت قبل العجز من التفكير راسي ع طول صداع مخدتي من سنه ماجفت من دموعي
ودي اروح واتركله البيت واريح راسي وقلبي بس عندي اطفال ومو هاينين علي
احبه زوجي بجنون بس احيان اتقزز منه مجرد مالاقي منه رساله للي مايتسمو او الاقي منهن رساله يطلبوه فلوس ««صرت اشوف زوجي اللي كان بنظري سيد الرجال وتاجهم صرت اشوفه خروووووف
احيان والله يابنات احس غثيان لما اشوفه ودي اصرخ واقوله اطلع ولاعاد اشوفك واتركني مع عيالي ودي اصرخ واراويه كل شي اعرفه عنه ودي اصرخ واقوله ياحسافة ثقتي وحبي وصبري وتضحياتي
انا ماشتكيلكم مجرد فضفضه
وابي منكم شغلتين بس
الاولى ابي اعيش مرتاحه ومافكر مابغى اضيع حياتي بايدي
والثانيه ابغى منكم الدعاءء لي بالصبر والقوه والثبات وصلاح احوال ذريتي

>>>>> ردود الأعضـــــــــــــــــــاء على الموضوع <<<<<
==================================


الله يحقق لك كل ماتتمني


__________________________________________________ __________

اصبري يا اختي واحتسبي الاجر


__________________________________________________ __________

لبى قلوبكم غالياتي مشكورات على مروركن الله يجعله بموازين حسناتكن
غالياتي انا ابغى منكم طريقه او نصيحه او اي تعقيب او ملاحضه تجعلني اعيش حياتي
وابسط حالي بدون لاعكر على نفسي او على زوجي
خلاص بالاول والاخير هاد شي مو بكيفه بس ابغى ارجع متل ماكنت صبوره ومابين وماحسسه انو متضايقه او شاكه فيه


__________________________________________________ __________

مابعرف شو اقول موقف كثير صعب وخاصة لما فيه اطفال بالنص
انت حاولتي تواجهيه وتحكي معو؟
او تدخلي حدا بيناتكم؟
الله يهدي سركم ويفرج همك


__________________________________________________ __________

انا اقول عيشي حياتك وطنشي ونسي الموضوع لان كل الرجال خونه ع بكرة ابيهم

ولا دهوري صحتك عشان واحد خانك وقسم بالله يالخاين اشوفه بعيني حشره

عيشي حياتك با الطول والعرض ونسي الموضوع كله وهتمي بنفسك وباولادك

لان الاولاد هم زينة الحياه. مذكور حتا في القران المال والبنون زينة الحياه الدنيا