عنوان الموضوع : رساله مني لوالدي الله يرحمه
مقدم من طرف منتديات نساء الجزائر

رساله مني لوالدي الله يرحمه



بسم الله الرحمن الرحيم
رسالتي هذي الى ابوي ادري ان الميت مايدري عن الحي وانه في حياه ثانيه لكن هي مجرد فضفضه فأرجوكم لا تضيقون خلقي اكثر واللي يرحم والديكم مابي نقد ,قل خيرا او اصمت..
-------------------------------------.....................
يبه انا مشتاقه لك واجد
يبه انا احبك
يبه مشتاقه اشم ريحتك
يبه مشتاقه اسمع صوتك
مشتاقه لكلمتك يالله قوموا لصلاه
يبه انت مشتاق لي والا نسيتني
يبه انا دلوعتك
يبه انا اللي انت تلاعبها
ادري كنت تلاعب اخواني بعد بس مابيك تنساني
يبه تمنيتك تفرح لي يوم تخرجت
يبه كل البنات ابائهم يحبونهم
وانت تحبني؟؟ امي تقول ايه بس انا مشتاقه اسمعها منك
يبه عقبك صارت احداث واحداث
يبه يبه يبه
ليش تسفهني؟؟
يبه تكفى سمعني صوتك
يبه وين يدك ابي ابوسها
يبه راسي مشتاق للمسة يدك الحنونه
يبه احبك حييييييييييييييل
يبه يبه مشتاقه لدعواتك
يبه كل البنات ابائهم يحبونهم ويدلعونهم
يبه تعال دلعني احضني ابي حنانك
يبه خالد ضربني تعال اضربه
كل الاباء يفزعون لبناتهم انا محد فزع لي
يبه من عقبك مافي عدل
يبه مشتاقه لصوتك وكلامك مشتاقه تقولي الله يحفظج
يبه سامحني احبك حيل واسمك دايم على فمي
يبه سامحني لو غلطت في حقك
يبه سامحني لو كذبتك يوم تقول لي انت قطعه من كبدي بس لاني صاددقه انا مو قطعه من كبدك لالالا
انت اللي قطعه من كبدي
يبه حط ايدك على صدري كلما ضاق ابي احس بنفثاتك ابي اسمع قرايتك
يبه يبه يبه لا تسفهني رد علي ولو بالمنام
بس تقاطعني مره هذي صعيبه
يبه تمنيتك معاي
يبه خالد طرد كل الخطاطيب عني
يبيني اعنس
يبه انت زوجت خواتي كلهم ليش لما قرب دوري اختفيت
يبه انا انذليت و انحرق قلبي ذل وظلم
يبه تدري اليوم احتجت عشر ريال بس سكت لان اهلي كانوا محتاجينها
يبه يمكن لو انت فيه راح تعطيني مية ريال
بس انا ما ابي الميه انا ابي حنانك انت
سامحني يبه
يبه يبه يبه
ايه صح ما راح ترد علي
بس تكفى لا تزعل مني لو في يوم اخطيت
اقولك سر واخر سر مشتااااااااااااقه لدعواتك
مشتااااااااااقه لنظراتك
مشتاااااااااقه لحنانك
يبه انت حبي انت روحي انت قلبي
احبك حيل يبه
الله يرحمك

>>>>> ردود الأعضـــــــــــــــــــاء على الموضوع <<<<<
==================================


يعيوني الله يرحمه ويجعل مثواه الجنه


__________________________________________________ __________

الله يرحمه ويسكنه فسيح جناته آمين يارب العالمين


__________________________________________________ __________

الله يرحمه ويجعل مثواه الجنة وربي يجمعكم بالجنة تلتقون


__________________________________________________ __________

نزلتي دموع عيوني
الله يصبرك عليه
يرحمه و يحسن اليه يجعل مثواه الجنة
قولي امين


__________________________________________________ __________

الله يغفرله ويرحمه