عنوان الموضوع : قصتي مع حبي الغالي ...احكموا ....
مقدم من طرف منتديات نساء الجزائر

قصتي مع حبي الغالي ...احكموا ....



سلام صيايا ....

كيفكم....؟؟؟؟


انا بطرح عليكم وضعي واتمنى من كل وحده فيكم تدخل ترد بعقلانيه وتخلي نفسها مكاني قبل كل شي......


انا متزوجه تقريبا من سنه وكم شهر من شخص متزوج وتزوجنا عن حب...


جد ياابنات انا مااخفيكم موت موت احب زوجي لو يطلب عيوني ماتغلى عليه....


المهم قدر الله علينا وانحاست ضروفه الماديه شوي بحيث انه مايقدر يدفع اجار شقتنا لانه اشترى ارض وبيعمرها لنا لانه بيكون بيت العمر ان شاء الله(( قولوا امين))


وعنده التزامات محل من اجار وتوفير بضاعه ومصاريف بيته الثاني....ع فكره بيته الثاني ملك....


انا وقفت جنبه وضحيت بشقتي عشانه وعشان ماشوفه مضغووط بزياده لان جد ماحب اشوف الضيقه بصدره ابد....



وطلعنا من الشقه وشلت اغراضي ورحت بيت اهلي وصار يجيني بين يوم ويوم والا كل يومين...يعني نتمشي بس ويرجعني بيت اهلي....


انا صراحه ماتحملت فراقه ابد وخصوصا انه ببيته الثاني وعند زوجته ينام كل يوووم....


وصرت اتضايق مررره جاني هم وقهر الله لايوريكم بس تحملت وضغطت ع نفسي...


وكل هالفتره اللي جلستها عند اهلي صار فيه خلافات وصلت للطلاق...

زوجي يابنات لاصار متضايق تصير نفسيته سيئه ع كل اللي حوله...

وهم مالهم دخل...
\

جته فتره قطعني مايجيني ولايكلمني ولا شي صرت ع الهامش ...

هذا الشي جنني بجد....


يعني صار فيه كذا موقف كرهني بعيشتي وكرهني بشي اسمه زواج او حب....


ودايماا لا عاتبته والا تشرهت عليه يقول انا مضغوط وانا نفسيتس زفت ديون ودوام وعمار كل شي مجتمع علي تحمليني...\



اوك انا اتحمل بس لازم تحسسني بقيمتي اني زوجه زيي زي غيري......

مايعبر عن حبه لي لازم انا اسئله لازم انا اقوله مع اني متاكده انه يحبني بس مايحب يتكلم

واقوله المفروض تعوضني بكلام حلوو تطييب خاطري بكلمه حلووه واناو الله بالكلمه الحلوه امشي البنت عاطفيه بطبيعتها وتميل للحب والعواطف..


وانا مابي افقد ذا الشي معه لاني مااحس الا فيه بهلاحساس وهومايعطيني وجه يقول انا وين وانتي وين...



يعني وش اقولكم يابنات جد جد انا تعبت ودي فيه وودي بقربه وموت احبه وانا والله لو مااحبه من قلب كان ماصبرت ع القهر كل ماحطيت راسي عالمخده ابي انام واتخيله وهو عني بعيد...



احس بدت تجف العواطف من ناحيته وانا كلي عواطف ولازم افرغها احب الرومنسيه بجنووون ودي اتفنن فيها معه بكل مجالاتها بس هووو مايعطيني مجال....



بنات قولو لي غلطت انا وقت ضحيت عشانه وصبرت والاقي منه هالرد والتعامل..؟؟؟


لي حق اطالبه بليلتي مع اني اعرف ضروفه صعبه ومايقدر...


قولو لي ارائكم لاني احيانا اتعب من جد مرت علي مواقف منه اقسم بالله اتمنى الموووت ....



بس مشكلتــــــــــــي احبه واموت فيه....

>>>>> ردود الأعضـــــــــــــــــــاء على الموضوع <<<<<
==================================


ربي يعينك اختي ,,,,,,,,,,,,,,,,,,,,,,


__________________________________________________ __________

لا انتي مو غلط ولا هو غلط
بس الرجل معذور يعني شتريدين يسوي حتى يسوي
طلباتك ولاطلبات بيته الثاني ولا العمار ولا الديون ولا الشغل

وفوق كل هذا تضغطين عليه بزيادة وتريدين حب ورومانس
هذا حقك وماقلنا شي
بس اعطيه مجال يتنفس الله يساعده كل هالضغوط فوق راسه
بهالمرحلة الحرجة من حياته كوني له عون مو فرعون
قفي يمه وابداي انتي بالغزل والرومانسية وابقي اسالي عليه
كلها فترة وتعدي ان شاءالله
وهو اكيد راح يبقى يتذكر جميلك طول عمره
راح يبقى يذكر كيف بقيتي واقفة بصفه صابرة عليه على عصبيته
تحملي واكيد هو يعوضج بعدين


__________________________________________________ __________



__________________________________________________ __________

مع اسف هاذي مصير كل وحدة تتزوج واحد متزوج


__________________________________________________ __________

انتي غليانه كثير
ياخي لهالدرجه متنازلة عن قيمتك!!!الله لا يعيده حب اللي يذلني
من حقك يفتح لك بيت وتستقلي مثل خلق الله مو لاهالدرجه !!