رجل بدون أحساس فماذا افعل ؟
عنوان الموضوع : رجل بدون أحساس فماذا افعل ؟
مقدم من طرف منتديات نساء الجزائر
رجل بدون أحساس فماذا افعل ؟
بسم الله الرحمن الرحيم
السلام عليكم ورحمة الله وبركاته
احبتي .. ارجو منكم القراءه المتمعنه ولو كان عندكم جواباا لا تبخلو علي فيه
مشكلتي التي لم اسمع ولم ارى مثلهاا ابداا
سأروي لكم قصتي من البدايه لكي تفهموني صح ..
انا وحده متزوجه وفي ايام الخطوبه من اول مااتعرفت على زوجي كان طيب وخلوق ويغازلني ومره عاطفي وياي وحليوه ..
وحبينا بعض بشكل رائع ..
لكن بعد الزواج (للمعلوميه . انا متزوجه بس من 4 شهور) .. اتغيرت فيه صفه وحده بس وهي العاطفه انا ادري انه يحبني بس حبه يكمن فقط في المعاشره
يعني هذا التفسير الوحيد اللي حللته هو ايام الخطوبه يبوس ويذبح عمره على لمسه يدي واللحين بس تشبعه المعاشره(الجماع)
يعني عن جد مو طبيعي كل شي فالحياه سويت له ولا تقولو لي اتعدلي واكشخي لاني والله من دخلت بيته وانا كل يوم اكشخ واتعدل واتعطر واتمكيج واللبس شي وشويات .. كل يوم شي مميز وانوع واجد يوم عاري ويوم مودب ..؟؟!
اغازله بكل انواع الغزل اسلم واهلل يوم يرجع من دوامه وقبل لا يطلع كل انواع الاكل سويت له انا من قبل مااقوم من سريري الا بطفره الروح علشانه اقوم قبل الدوام بساعه واجهز الفطور واللبس حق الدوام والبيت ماعليه كلام ..
مااقول لكم اني كامله والكامل الله بس اني كذا وماصار على زواجنا واجد عشان ماافضى له من عندي لا اولاد ولا عمل ؟؟
يعني طبيعي بكون فاضيه بس عشان زوجي
وبعد انا كلمته فالموضوع وقلت له ليش انت بس اتجامع انت تشبع انا مااشبع عندي احساس وقلب نفسي اتبوسني نفسي تحضني .. ولاكانه شي
والله ياحريم .. ماابالغ حتى مشاهده التلفزيون يشاهد وهو ساكت واذا انا اتكلمت عادي ولاكانه احد يتكلم
يعني يومنا كله بس يجي من العمل يسبح ياكل نطلع انا اروح بيت اهلي وهو يروح بيت اهله وبعدين الى الشباب ويرجع لي انجي البيت نجامع بدون مقدمات ولا مداعبات بس على طول .................
وبعدين نسبح وننام اتخيلو كل يوم كذا
والله باموت من القهر ابوسه عادي ارسل مسجات عادي .. ساعات احسه ماعنده مشاعر ولا احساس
اتطيح دمعاتي قدامه .. اذا مره مره يحضني ويقول وش فيش وبس
ومن كثر ماصرت اصيح وابكي قدامه اتوقعو وش قال لي .؟؟؟ يقول من زمان انتي مريضه بهالمرض ؟؟؟؟؟؟؟؟؟؟؟؟؟
والله انفجرت من القهر ذاك اليوم
والحل .. جزاكم الله خير اذا عندكم حل قولو لي بس لا اتقولو اتعدلي واغريه لان مافيه فايده احسه اعمي مايشوف !!
>>>>> ردود الأعضـــــــــــــــــــاء على الموضوع <<<<<
==================================
زوجك شخصيته جنوبي غربي
زوجي الجنوبي بدأت أفهمك ( تعرفي على زوجك الجنوبي ) ,, - موقع و منتدى الفراشة النسائي
شوفي هالرابط راح تكتشفين انو كل الي تسويه مع زوجك غلط
__________________________________________________ __________
بس والله انا اموت على الرومنسيه ومااحب البرود
ياوليه اذا كان بارد جنسيا وعاطفياا اف
__________________________________________________ __________
جربي التطنيش معاااااه
لانه باين انو تعود على دلعك له
يعني جربي تغيري طريقتك
__________________________________________________ __________
يارب يعينك حالتك مثل حالتي
__________________________________________________ __________
المشاركة الأصلية كتبت بواسطة عششقتَ إسمكَ 
زوجك شخصيته جنوبي غربي
زوجي الجنوبي بدأت أفهمك ( تعرفي على زوجك الجنوبي ) ,, - موقع و منتدى الفراشة النسائي
شوفي هالرابط راح تكتشفين انو كل الي تسويه مع زوجك غلط
مشكوره عزيزتي .. بس لا انا زوجي شرقي وماتنطبق عليه مواصفات الجنوبي
اه يارب ارحمني
رد مع اقتباس
