عنوان الموضوع : يلا بنات دخلووووووو كااااامل ساعدوني بليييييز مجابة
مقدم من طرف منتديات نساء الجزائر

يلا بنات دخلووووووو كااااامل ساعدوني بليييييز



السلام عليكم بنات وشراكم
يا بنات انا و لامرة حكيت مع شاب بحياتي

حتى انخطبت

و خطيبي كل مايتصل هو لي يهدر انا منعرفش واش نهدر
و لا نسقسي هولي يهدر برك

و دوك يعرف علي كل شي عكسي انا منسقسيهش بزاااف
و لا حتىنعرف نهدر كيما الناس

رااني نتحجج باه منحكيش معاه
حابة نكوووون مثل باقي البنات احكي مع خطيبي ونفهمو

و نقربو اكثر مني و نخليه يحبني و يوالفني

اكتبو لي مجموعه اسئلة

و اذا في بنات مخطوبات بليز اعطوني شي حوار

او كلام يخلي خطيبي فرحان معاياااا

احنا نحبوو بعضنا بزااف
ارجووكم معندي واحد غيركم بنات

لا اخت و لا ام

مكان حتى واحد ينصحني

كره مني كل يوم نقولو كيفاه فوت نهارك

هذا واش نعرف نصقصي

>>>>> ردود الأعضـــــــــــــــــــاء على الموضوع <<<<<
==================================


معقوووووووول مافي بنات عندهن خبرة

بناااات بليز


__________________________________________________ __________

كنت اتمنى اول وحدة افيدج وارد عليج بس ما افهم كثير على لهجتج واني مو مخطوبة ولا متزوجة
اتمنى البنات بيفيدوكي


__________________________________________________ __________

اوه كيفاه ماتعرفي تقولي والو احنا الجزائريات الهدرات الكبار
يا ستي ابداي من الاول وسقسيه كيراهو داير اليوم وشحال عمرو
وشتا راه داير فيها قولي له ثاني راني متوحشاتك بالبزاف انت وراكي تستناي غير في النهار لتكوني معاه
وقولي له واش تحب تاحكل مثلا حاجة حلوة ولا مالحة
جربي هذا ورايحة نزيدلك عندي بزاف كلام باي


__________________________________________________ __________

مرسي حبيبتي


__________________________________________________ __________

ههههههه يابشرى وحدك
اسمحيلي ضحكت على سؤالك اللي دايما تسقسيه فيه كيفاش فوت نهارك
ربي يباركلك ان شالله ويفرحك في خطيبك وتروحي لدارو في العاجل يارب
الهدرة تجي وحدها مانقدروش نملو عليك اسئلة مثلا
واش راك؟ واشراهم داركم؟ فوتت نهار مليح؟
واذا فتح موضوع تناقشي فيه ماتقعديش ساكتة اسئليه اذا مافهمتيش
سقسيه واش يحب في الماكلة في اللبسة
بصح ماشي كل يوم تعاوديلو نفس الاسئلة يعني كل يوم حاجة
ربي يوفقك والف مبروك