مشكلتي مع اختي الكبيره مجابة

[aksachli]

عنوان الموضوع : مشكلتي مع اختي الكبيره مجابة
مقدم من طرف منتديات نساء الجزائر

مشكلتي مع اختي الكبيره



السلام عليكم
بنات انا أعاني من اختي كثير معاملاتها سيئه لنا احنا نتعب ونكرف حتى ف اختباراتي ارجع القى امي تشتغل وهي منسدحه وادخل مع امي و اساعدها بملابسي وهي مرتاحه واذ سوت شي وطفش تترك الباقي حنا الي تكمله وامي دايماً صافه معها ووقت مانخطبت ع أتفه شي قالت لا تكلميني ووقت ملكتي خلت ملكتي بدون شي ولا خلتني انا احط ع كيفي وقابلت بوجهه عبوس وقت الملكه ولا حتى مبروك ولا شي وحتى اختي الي تحتها مافرحوا لي وبس يسبون وانا والله اني اعطيهم كل شي ما اروح مكان الا اشتري لهم معي وهم حتى ع كلمه مبروك ابخلوا علي حتى حفله تخرجي كنسلوها وتركوا امي تشيل شغلهم وانا أساعد واخذ عن امي الشغل و أطفي منبه امي عشان ماتصحى وأخرب نومها وأقوم واصحي خواتي والبسهم وأفطرهم كل ذا وامي ضدي معهم انا تعبت من الشغل كل يوم يزيد الشغل علي وهي تجي وتضحك علي اذ شافتني واقفه ف المطبخ ومرا اسوي السحور تقول لي وهي تضحك عمري مادخلت المطبخ ف الليل ولا مسكت المواعين وانا ابلع وأسكت علما بأنهم مادرسوا ولا تزوجوا وانا تخرجت والحين متملكه وانا ابي اهتم بنفسي شوي عظامي ع مشي تعوووورني واختي الصغيره اذ شافتني اشتغل تجي تساعدي وتشيل عني وتقول لي دايم اشوفك تشتغلين وهم بس جالسين مدري وش اسوي ساعدوني تكفون وتتكلم ع امي كلام وقح حتى المويه ماتجيبها لامي بس استغرب من امي ليه كذا مع اختي تسوي وانا الي اتعب وتساعدها واعطيها واحرم نفسي من اشياء بس عشان اعطي امي و اختي حتى الريال ما تعطيها واختي حسسسسوووود وحقوووود ع الناس كلهم دايم تحسد فلانه وتحقد ع علانه انا باخذ رايكم لاني ما ابي اظلم احد ولا اشيل ع احد وتضربنا اذ ما سمعنا كلامها كأننا عبيد عندها واختي الصغيره ف الجامعه جت واضربتها بدون سبب و امي جت وكملت ع اختي واختي توها صاحيه من نومها ما تدري ليش ضربتها دايم كذا أسلوبها حتى الأطفال يكرهوونها وطلع علينا كلام مو زين عشان نمشي تحت طوعها
ساعدوني لان اختي من قوه ماهي مقهوره تدعي عليها وانا تعبت افهم اختي انه مايصلح الدعاء والله ما الومها من الغبنه كل يوم هوشه وكل يوم تجي دخل واقط علينا كلام واذ طلعت من البيت والله البيت يصير هادي وكله وناسه وضحك حتى امي تصير نفسيتها حلوه تضحك وتسولف معنا بس اذ جت خلاص ينقلب نكد عطوني رايكم وش نسوي معها

>>>>> ردود الأعضـــــــــــــــــــاء على الموضوع <<<<<
==================================

انتي متعلمه وهم مش متعلمين يعني لازم يكون اسلوبك احسن منهم
وكلها فتره وتروحي بيت زوجك...يمكن امك ترحمها لانها
مش متعلمه ولا متزوجه الله يرزقكم بالازواج الصالحين
بالنهايه انتوا خوووات

__________________________________________________ __________

مساعدتك ل امك اجر عند الله مايروح
وبعدين انتم خوات ولاتتحسسين من خواتك واعذريهم الله يصلحهن
واختك الكبيره حاولي تنصيحه بالطيب امكن جاهله ومحتاجه لنصيحه وتوجيه
والله يخليكم لبعض ويبعد كيد الشيطان عنكم
وبخصوص تقولين مايفرحون لك ولايقلون مبروك ابا اسالك أنتي تفرحين لهم
تحسسيهم باهتمامك ...؟

__________________________________________________ __________

بصراحة، اقلك خذي استراحة و ما تقومي بأي عمل ابدا، مثلي انك مريضة كثييييير و ما تقدري تقومي
و اذا ضربتك، خليها تضربك و ما تعملي الي قالتلك عليه، يعني لإيمتا رح تضل تضربك؟؟ الا ما تتعب و تقتنع انك مالك قايمة تشتغلي، يعني مالك قايمة تشتغلي
لا تقومي بواجبات غيرك، خليهم يحسوا بقيمتك
هي كلها غيرة، اصلا الاخوات الكبار دايما يحسبوا حالهم الاحسن و انهم ما يغلطو ابدا
الله يهديهم و بس
و طالما عندك اخت صغيرة تسندك، قولي الحمد لله مالك لحالك

__________________________________________________ __________

..

لا تعطيها وجه وسوي اللي يلزمك وبس

دا الزمن اللي طيب ياخذ على راسه

..

__________________________________________________ __________

المشاركة الأصلية كتبت بواسطة خبله مرآ مساعدتك ل امك اجر عند الله مايروح وبعدين انتم خوات ولاتتحسسين من خواتك واعذريهم الله يصلحهن واختك الكبيره حاولي تنصيحه بالطيب امكن جاهله ومحتاجه لنصيحه وتوجيه والله يخليكم لبعض ويبعد كيد الشيطان عنكم وبخصوص تقولين مايفرحون لك ولايقلون مبروك ابا اسالك أنتي تفرحين لهم تحسسيهم باهتمامك ...؟

وش ما افرح لهم الا افرح لهم اقولك ما اسوي شي الا لازم اخذ لهم شي
يكفي انهم تتدعي لي بالمرض وش بعد هذا كله