عنوان الموضوع : انا زوجه ثانية ومش عارفة اتصرف اعطوني ارائكم
مقدم من طرف منتديات نساء الجزائر

انا زوجه ثانية ومش عارفة اتصرف اعطوني ارائكم



حبيباتي
انا زوجه ثانية وزوجي دايما مسافر بحكم عمله وبييجي كل شهرين مرة ويقعد حوالي 20 يوم ومتزوجين من سنتين وعندي منه ولد
هو معاه من زوجته تالاولى ولدين وبنت

بصراحه مش عرفة لحد دلوقت اقيم ضرتي هل هي بتحبني ولا بتبين ده بس قدامه

اولا لما جوزي بينزل اجازة بياخدني انا وابني عندها ونتغدى كلنا سوا بس بلاحظ انها دايما لابسة لبس مثير جدا يعني قميص نوم قصير يوضح مؤخرتها وتتعمد تميل قدامه عشان تلفت نظرو لكن بصراحه هو بيكون مش بيبص عليها ابدا

ملحوظة هي مش جميله بس مستفزة
واللي ضايقني طيب ليه بتعمل كده مع اني عمري ما استفزيتها باللبس ابدا مع اني ولله الحمد حلوة
بس اخلاقي لاتسمح اني البس زيها كده بتكسف
والغريبة انها عاااااادي جدا تحكي معايا وتضحك كمااااان بس مستفزة
ولما طبعا قلت له لية بتعمل كده قال لي انتي مش صافية من جواكي طبعا اتضايقت جدا من رده
انا مش غيرانه منها انا بس بحب المعاملة بالمثل

حاجه تانية انا مثلا اول ما تزوجت حملت على طول وهي عارفه وبعد الولاده باسبوع بالظبط اعلنت انها حامل في الرابع يني فضبت مخبية عليه انها حامل لمدة اربع شهور وانتهزت فرصه ولادتي واعلنت الخبر علشان تهزني

المشكلة دلوقتي انها بتحاول تجذبه لها بكثرة الاولاد بمعنى هي معاها الان 3 وابني يبقى الرابع وطبعا انا نفسي اخلف تاني لان ابني وحيد اينعم له اخوات من الاب بس برضة لما يكونوا اخوة عصب بتكون لها شكل اخر

انا دلوقت بقالي سنه ونص مركبة لولب هرموني وهو اللي حجزلي بالمستشفى وخدني علشان اركب اللولب
اما هي لحد الان وبنتها عندها سنه ومش بتستخدم اي وسيله ودة من كلامها شخصيا
ولما واجهته اني خايفة من انها تحمل تاني وليه مش بيخليها تركب وسيلة مثلي قال ان مافيش بينهم علاقة زوجيه اساسا مع اني مش مصدقاه لانه كان بيقول كده وفي الاخر حملت

وطبعا كل ما اقول له اشيل اللولب يقول لي لسد الولد صغير لسة بدري وكلام من دة بس خووفي انها تحمل رابع مرة علشان تسد الطريق عليا

اللي مضايقني اكتر ان من يوم ما اتجوزت وملابس الخروج بتاعته كلها عندها يادوب ييجي بالليل عندي ويمشي الصبح بنفس اللبس ولما سالته قال لما اجيب لبس جديد ابقى اخليه عندك ومحصلش للان هل ده صح

عارفين حتى موبيلاته كلها هناك وورقه وكل متعلقاته هناك حتى لوكان عندي ونسي حاجه يرجه تاني ياخدها يرجعها هناك حاجه تضايق

حتى يوم ما ينزل من السفر لازم ينزل عليها الاول وانا تاني يوم وطبعا بيكون مثلا جايب لي حاجات معاه وطبعا هي بتطلع عليها وانا حتى معرفش جايب لها ايه

وكذا مرة اتناقش معاه وقلت له مرة تنزل عندي ومرة عندها رفض بحجة ان الاولاد متعودين ان ينزل من السفر عليهم طيب وابني ؟؟؟؟؟ يقول لسة صغير

بجد مش عارفة اتصرف زهقت واللي مصبرني يقول لي انا بحبك وانتي حبيبتي وكده
ياريت تنصحوني اعمل ايه

>>>>> ردود الأعضـــــــــــــــــــاء على الموضوع <<<<<
==================================


اسأل الله تعالى أن يريح قلبك . لا تنس أنها الأولى وقد أنكسر خاطرها عندما تزوج عليها . انت ما هو شعورك لو زوجك تزوج عليك هي نفس الشعور على الأقل أعطيها الأولوية .


__________________________________________________ __________

زوجك هذا ربنا بيحاسبه هخو مو عادل بينكم وعليه اثم عظيم
اي نعم انتي الزوجة الثانية لكن مو حرام هالشي والمفروض يعدل مابينكم
وانتي لاتنرفزين نفسك بجارتك خليها على هواها وخلي كل وحده ونواياها
وانتي اهتمي بزوجك واذكري الله وحاولي دائما تذكريه بلالعدل مابينكم

فإن كان حال زوجك معك كما ذكرت فهو ظالم، وجزاء الزوج الذي لا يعدل بين زوجاته عند الله عز وجل هو أن يأتي يوم القيامة ونصفه ساقط أو مائل؛ كما في الأحاديث، وقد يعاجله الله بالعقوبة في الدنيا.

وأما صبرك عليه فثوابه عظيم عند الله عز وجل فاستمري على ما أنت عليه من الصبر والإحسان، ولا تيأسي من صلاحه ولا تقنطي من استقامته وتبدل حاله إلى ما كان عليه، فداومي على نصحه وتذكيره وتخويفه بالله عز وجل من الظلم وتضيع الحقوق الواجبة عليه كالعدل بين زوجاته وغيرها، ولك مطالبته بجميع حقوقك الشرعية الواجبة عليه، فإن لم يستجب فلك رفعه إلى القضاء لإلزامه بما يجب عليه إن رأيت أن المصلحة في ذلك؛ وإلا فالصبر خير.
الله يعينك
عليكي بالصبر انتي الان انجبتي منه ذكريه بعقاب الله و اصبري والاهم احتسبي الاجر


__________________________________________________ __________

المشاركة الأصلية كتبت بواسطة تاركة أثر
اسأل الله تعالى أن يريح قلبك . لا تنس أنها الأولى وقد أنكسر خاطرها عندما تزوج عليها . انت ما هو شعورك لو زوجك تزوج عليك هي نفس الشعور على الأقل أعطيها الأولوية .

كيف يعني تعطيها الاولوية تسكت عن حقها
كلامج مو صح
حتى لو كانت هذيك الاولى لازم يعدل
مثال السفر مرة ينزل هنا ومرة هنا
ويعني الزوجة الثانية ماعندها احساس ماينكسر خاطرها؟

اسفة اذا غلطت بس كلامك مو منطقي ابدا شكرا


__________________________________________________ __________

حبيباتي شكرا لانكم رديتوا عليا
اصلا احساسي انه نززل من سفره عليها احساس صعب انا مش بقول ينزل عليا على طول بس مرة كده وملرة كده


__________________________________________________ __________

الله يعينك اسغفري كثير وادعي دائما ربي يهديه