عنوان الموضوع : يا بنات الجزائر ساعدوني
مقدم من طرف منتديات نساء الجزائر

يا بنات الجزائر ساعدوني



سؤالي
لماذا الكنة دايما مكروهة عند العجوزة مهما ادير؟؟؟؟؟؟؟ و اعلااااااه؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


كاين مثل احنا نقولوه*اذا تفاهمت عجوز وكنة يدخل ابليس للجنة* نصيحتي لك :
1- اذا كنت ساكنة معها بنفس البيت هاذي صعبة شوي لازم تتعاملي معها كبيبي صغير والله صدقيني لانهم كي يكبرو عقلهم يصير كالبيبي فلازم تعامليهم على قد عقولهم يعني لا تعلي صوتك عليها وقدريها و اذا كانت تقولك كلام يسمم ويوجع القلب ديري روحك وذن سمعت ووذن ما سمعتش وبيضي قلبك ديما ومرة على مرة اتفكريها بهدية*تهادوا تحابوا وتفكري انها ام زوجك ورضاها من رضاه واياكي اياكي تشكي لزوجك من امو صدقيني مهما طال بيك الانتظار يجي يوم وينفجر في وجهك تبقى الام ام ومهما كنت على حق بشوفك دايما على باطل ويقولي *هاذي راهي يمى* وراح تكوني انت الخاسرة
2-اذا كنت ساكنو وحدك المشكلة ساهلة واذا كانت بينكم حساسيات ومشاحنات زوريها من مرة لمرة ولا تكثري الزيارات واذا جات لعندك اكرميها واصبري ديري ديما فبالك وقت ويروح ما هيش راح تعيش قد ما عاشت وكلش يبقى هدرة*تقبلي مروري


__________________________________________________ __________

ياريت لو عرفتي اختي تقول لي ..عندي نفس مشكله ياريت فقط على يبقا على الكره ..تهديد بطلاق كل مره ..


__________________________________________________ __________

و الله ابكيت علابالي باللي الواحد يدير الخير و الاحسان على وجه الله بصح يخلوك تندمي انك كنتي مليحة معاهم الواحد قيس ما يعاملهم مليح قيس ما يعفسوه و يحطوه والو؟
la gentillesse pour eux c'est une faiblesse
كاين toujoursهذيك لمعاني و الحكايات على جال ماجبتش اولاد والله حرام لو كان جات بنتها هي اللي ما عندهاش لولاد راح تعاملها كيما تعاملني ؟ اواه ما ظنيتش
و كل مرة نفووتها على جال ربي و زوجي...............


__________________________________________________ __________

المشاركة الأصلية كتبت بواسطة نانا سعدي
و الله ابكيت علابالي باللي الواحد يدير الخير و الاحسان على وجه الله بصح يخلوك تندمي انك كنتي مليحة معاهم الواحد قيس ما يعاملهم مليح قيس ما يعفسوه و يحطوه والو؟
la gentillesse pour eux c'est une faiblesse
كاين toujoursهذيك لمعاني و الحكايات على جال ماجبتش اولاد والله حرام لو كان جات بنتها هي اللي ما عندهاش لولاد راح تعاملها كيما تعاملني ؟ اواه ما ظنيتش
و كل مرة نفووتها على جال ربي و زوجي...............

حاسة بيك لاننا كامل نعانيو من نفس المشكل انا والله نعاملهم احسن معامله والله شاهد بصح نلقى العكس بصح درك ماعاش نكسر راسي بيهم حاكمة داري وفمي نسمع كلام عجبني نتبسم نسمع كلام ما عجبنيش نحقرهم خاطر تعايبيهم تطلعي واعرة وبنت مش متربية احسن حل الحقرة والله الحمد لله لقيت نتيجة نروح مرة فالشهر او شهر ونص حتى يشتاقو وجهي مع العلم بيناتنا 500 متر وبالنسبة للاولاد اخر مرة وصلتلي لنيفي قلت لعجوزتي بظرافة طبعا هاي كرشي قدامك اللي يقدر يحطلي بيبي يحطو احسن حل هو طنش تعش تنتعش


__________________________________________________ __________

لان الام تربي و تادب وتكبر وتسهر على راحته ثم تاتي زوجته وتاخده منها
لكن مثلما قابلتها تقابلك الحسنة بالحسنة وادا قابلتك بالسيئة قابيليها بالحسنة لان رضاها عليه يساوي رضاه عليك وبالتالي رضا الله عليكم