عنوان الموضوع : ماعاد فيني صبر ع هالأنسانه ؟؟؟ مجابة
مقدم من طرف منتديات نساء الجزائر

ماعاد فيني صبر ع هالأنسانه ؟؟؟



بسم الله الرحمن الرحيم
السلام عليكم ورحمة الله
وبركاته ..
أخواتي أنا رجعت من عند احد
قرايبي ومقهوره وأبكي
مو على حالتها ع حال أبنائها
والله ماشكيت لكم ألا من القهر هي حرمه عندها 4عيال
بنت عمرها 10سنوات و3أولاد
9سنوات 6سنوات وسنه ونص
صرت أكرهها مهملة بيتها ريحة الحمامات والحفايض وانتو بالكرامه والمطبخ تفوح قرف ولا نصحتها تقول بعدين برتب حاولت معها بالطيب بالهواش أخرتها قالت لي مالك خص
احنا قرايب حتى زوجها وزوجي
وننام عند بعض أحيانا تخيلو
أنا أكشف ع زوجها لأنه يصير خالي وأنام في غرفه انا وبنتي جوا وزوجي ينام بالمجلس
مره نمت وصحيت ع الساعه 2الصباح على صوت ولدها عمره سنه ونص وجالسه معاه أخته اللي عمرها 10سنوات وقاعده تبكي قلت لها وش فيك
ياماما قالت أمي ضربتني وقالت أقعد مع اخوي الصغير لين ينام
لأنها تبي تنام وأنا بعد فيني نوم بس ماتخليني
تقطع قلبي عليها والله
واليوم الثاني تكررت نفس الحكايه الولد الصغير ماينام
وجالس معاه أخوه عمره 9سنوات ولما سألته قال أمي صحتني من النوم وقالت أقعد
مع أخوك
شوفوا قساوة القلب تحرم عيالها النوم وهيه تنام
كلمتها قلتلها ولدك الصغير لاتنومينه المغرب ويسهر بالليل
عدلي نومه عشان ينام معاك
عيالك عندهم مدارس قالت لاتتدخلين عيالي وبكيفي
غير كذا ماتطبخ عيالها يبكون من الجوع تعطيهم شيبس وبيبسي وطفلها اللي عمره سنه تعطيه بيبسي ف الرضاعه وغير كذا يكون مثلج والله يابنات كرهتها وحلفت ماعاد أروح لها بس أفكر بعيالها وش أسوي معها نصحتها ولافاد؟

>>>>> ردود الأعضـــــــــــــــــــاء على الموضوع <<<<<
==================================


قولـي لخـآلـك..

طيـب هي مهتمة بنفسـها؟وكيف غرفتها الخـآصة للنوم؟

يمكن البيـت كبير وماتقدر تنظفه كلـه..

خلـي خالك يجيب لها خدامة لو البـيت وآسع..


__________________________________________________ __________

لا مو مهتمه بنفسها وخليت خالتي تكلم خالي
قال وش أسوي فيها عجزت ماتسمع لي
وبالعكس بيتها غرفتين وصاله ومجلس
وصغير مره وغير كذا ماتصلي ولا تصوم
لاحول ولا قوة ألا بالله اللي بتقولي
حرام لاتظلمينها ماتدرين لا يابنات
كل ماقابلتها قالت عندي عذر شرعي


__________________________________________________ __________

لا حول ولا قوة الا بالله

اذا ما نفع معها الكلام

كلمي خالك من اجل الاولاد حرام عليها تتقي الله فيهم


__________________________________________________ __________

لا حول ولا قوة الا بالله الله يهديها

بس انتي حاولي تقنعي خالك يجيب خدامه مو عشانها بس عشان عيالها والله حرام


__________________________________________________ __________

شنو هالنسوان
حبيبتي قولي لخالك يقلها تنظف بيتها وتهتم بالنظافه وباولادها واذا ماسوت هالشي يقلها بتزوج عليكي بلكي تتغير اشويه