عنوان الموضوع : ممكن.. اول مرة -تم الرد
مقدم من طرف منتديات نساء الجزائر

ممكن.. اول مرة



مرحبآ يا ادارة واعضاء كيفكم..؟!

الصرآحة انا دخلت احط مشكلتي بس ما عرفت ولا فهمت وين بالزبط فجربت هون يمكن هاد انسب مكآن.. اعذروني لو غلبتكم.. : )

انا مشكلتي طويلة شوي بس يآريت تسمعوني للآخر..

اول شي انا بنت عمري 22 سنة من فلسطين-غززة

بدرس علاقات عامة واعلام

بواجهه مشككلة مع والدي.. احنا في غززة عنا قصة تمييز "بدو وفلاحين ومدن" ومتل هيك..

انا اصلي بدوووية لكن بتكلم وشكلي وكل شي غير عن البدو تماما اللي معروفين هون بغزة.. نظراً لاني بخآلط كتيير ناس مش بدو وبحكي متلهم

بس اكيد بفتخخر بأصلي.. : )

المشككلة مش هون..

قبل فتترة مش قصيرة يمكن سنتين ونص

في شب كان مغلبني بالجامعة بيجري وراي من مكان للتاني..

حاول يجيب رقمي وبعتلي بنات بس ما كنت اعطيه "ريق حلو" اطلاقاً..

و حاول يعرف اسمي وعنواني او اي شي عني..

بس كل ما احس ان في بنت جاية من طرفه اكذب عليها في معلوماتي

صرت بحكي لكل بنت معلومات شكل عن الاول..

انجن ههه.. واكيد فخووووورة جداً بهآد الشيييي : )

هآد الشب لحقني بيوم لعند بآب بيتنا وتقدملي..!

بس للأسف والدي رافضه وبششششددددة

لان هو فلاح وانا بدوية : ( بكره احكي هيك كلام بس للتوضيح

مع ان الشب اخلاقو جداً عآآآآآآآآآآآآآآآآآآآآآآآآآآلية

وعآرف انه انا بدوية كمان

وهوا مو بس مجرد طالب.. هوآ درس قبل هيك محاسبة وما اشتغل بشهادتو الاولى

رجع يكمل تعليم مشان يوخد شهادة تانية ويشتغل فيها..

واهلو كتير كتير كتير منآآآح

وانا حآبة هالشب بصرآحة.. وحاولت اقنع والدي بس خايفة لان عقله صصعععععب جدا جدا جدا جدا..

انا ما بتواصل مع الشب بأي وسسيلة من الوسائل والحمدلله..

بس خآطري احكيلو يبعت حدآ من عيلتي انا يحكي لوالدي ويقنعو..

سآعدوني شو اعمل..؟!!

وعندي مشكلة تانية رآح انزلها وقت تاني ان شاء الله بس ساعدوني بهآدي


>>>>> ردود الأعضـــــــــــــــــــاء على الموضوع <<<<<
==================================


اول شي اهلا بك ويارب يسهل طريقك ويهدي والدك ويتم القبول ع الشاب وماكو فرق بين بدوي وفلاح كلنا اولاد ادم وحواء‏؟بس شنو القب مالج ماينشبع ممكن توضحيلي


__________________________________________________ __________


اولى شى يا ميه اهلآ وسهلآ ببنت بلدى الغآليه وكمان من غزة يا محاسن الصدف

مش يمكن نكون جيرآن ^^ بمزح معآكى صح انا من غزة بس ع الاكيد مش بعرفك ،،

وع فكره انا فهمت مشكلتك ع طول ويمكن صعب صبايا الباقيين يفهموو مشكلتك

لانى انا من غزة وعارفه تفرقه هاى ، وعارفه انو كمان صعب غزاوى ياخد وحده لاجئه فى كتير قصص من هاى النوعيه ،

بضحك انا لانى انا قبل لاخطب صآرت مشآكل والسبب لانى اانا غزآويه الآصل ، وزوجى عآيش بمنطقه مش ب غــزة بمنآطق الجنوب اكيد فهمتى عليا هو بمناطق الجنوب وانا بغزة نفسها آقيم ،

وقته حصلت خلآفآت مع آهلى بسبب هاد الشى ، هتقولى شو المغزى من كلآمى ،

لآخبرك هلأ زوجى لانو مش غزآوى وعآيش بمنآطق الجنوب آهلى رفضو !

ورفضو بشكل نهآئى ، لكن زوجى بفضل ربنآ والنصيب مآ سكت ،

لانو كان فعلآ بحبنى وبدو آيآنى آكون زوجتوو وبشرع الله ،

تعرفى شو عمل بعتت نآس غربآء لاهلى يعنى جآه وجوه كبآر بسموهم ع مآ آعتقد ،

لجآن آصلآح ، يومهآ ايجو نآس كتير من لجآن الآصلآح وكبآر بالسن ومن ضمنهم ،

شيوخ بس منشان يقنعوو بآبآ آنو يقبل فى وطبعآ لجآن الآصلآح مش بتيجى لاهلك ،

غير لمآ تسئل عن شآب لو فعلآ شافتو انو محترم واخلآقو عآليه ،

رح توقف مع الشب للآخر ومش هتخرج من بيتكم غير وبآبكى موآفق عليه ،

لو فعلآ هشب بحبك يبقى رح يتصرف هيك ومش رح يسكت ع يلى بصير ،

ومآ رح يفرط فيكى ،، ورح يتقدم لالك مره ومرتين صدقينى انا زوجى ،

مش مره تقدم لآلى كتير تقدم لآلى مآ آعتبره كرآمه وعزة نفس آعتبره حب ،

آنو مش هيفرط فيآ لآسبآب مآ الهآ معنى بنوب ،،

لمآ لآقى الوضع هيك بيتكرر رفض ، ارسل لجآن آصلآح لآهلى وهينى والحمد الله ،،

بشرع الله آنآ ويآه والحمد الله والشكر ليك يآ رب نصيبنآ مع بعض ،

صدقينى يآ آختى مآ الك غير هلحل ، آنو شب لو بحبك يرسل لجآن آصلآح وتكون نآس كبيره

وشيوخ منشآن بابكى يكرم لالهم ،، حل مشكلتك بس هيك بيطلب ، وبآذن الله لو تصرف بلمحآوله

هآى رح تنجح آن شآء الله ،،

ربنآ يقدم لالك يلى فيه الخير ويوفقك وينور دربك بكل خير ،،

تحيآتى لآلك ،،

،،،


__________________________________________________ __________


__________________________________________________ __________


__________________________________________________ __________