عنوان الموضوع : انا تعبت نفسيا من خطيبى
مقدم من طرف منتديات نساء الجزائر

انا تعبت نفسيا من خطيبى



انا تعبت نفسيا من خطيبى. انا فى بدايه الخطوبه كنت فرحانه جدا لان مكنش فيه مشاكل المهم انه بدأت المشاكل بين العيلتين وساعتها حبيت خطيبى وأهله اكتر لأنهم كانوا متمسكين بيا ومش همهم أى مشاكل. المشكلة انا نفسيتى تعبت لان مامته حاطانى وضع مقارنه من دى جابت ودى عملت انا بحاول أبقى أحسن من الى جابت والى عملت وبرضيها وخلاص. أما خطيبى فانا برضيه بكل الطرق يعنى قالى غيرى طريقه لبسك غيرت والمشكلة انه عاوز يشوفنى كل مره بطقم جديد وبقيت اعمل كده وخلصت من المواضيع دى بالرغم أنى نفسيتى تعبت من كل شويه اعملى كذا وكذا المهم ان حاليا بعيد عن مشاكل كتير حصلت عشان مطولش عليكو. ان المشكلة الحاليه أنى مكلمتهوش فى يوم لانى كنت مشغوله ومخنوقة كمان. فبعت لى رساله وقالى حسسنى انك مهتمه ولا رساله ولامكالمه انا زعلان منك آوى بعدها بعت له كذا رساله اعتذر فيها وكمان اتصلت عليه كتير ومبيردش وبعدين كل ما اتصل يكنسل وآخر مره لقيته مشغول فاضايقت وقلتله خلى الى شاغلك ينفعك وفكر تانى وخد وقتك فى ان نكمل ولا لا وانت زعلان من قله الاهتمام انا تعبت نفسيا واتخنقت ويمكن ده الى مخلينى أحيانا مش عاوزه أكلمك. فانا دلوقتى مش عارفه رد فعله هيكون ايه والمفروض اعمل ايه لانى بجد مضايقه

>>>>> ردود الأعضـــــــــــــــــــاء على الموضوع <<<<<
==================================


حبيبتي حتي لو تعبتي مينفعش تبعتيله رسالة زي ده
لازم انتي اللي تبقي حنينة وتستحملي مدام انتي عارفه انه بيحبك
موفقة انشالله البنات بيفيدوكي
رفع لعيونج


__________________________________________________ __________

ليش هيك اختي يعني كل ما يكونو الرجال على غلط احنا نستحمل ونصبر ونضغط ع جرحنا احنا كمان بشر مو مصنوعين من الحجر لازم يحسو فينا شوي ويقدرو جهودنا وقيمتنا وكل شي ..
انا يا اختي اقلك احكي معه وقوليله انا تعبت من المشاكل الى بينا وامك وانت ديما بتضغط علي وهيك وهيك .. احكي معه برواق لوحدكم واتفاهموو على قواعد واساسيات بعلاقتكم
ان شاء الله يهديه وتلاقو حل يراضيكم
موفقه


__________________________________________________ __________


__________________________________________________ __________


__________________________________________________ __________