عنوان الموضوع : انا تعبانة ومحتاجة حد يساعدنى خطيبي بيقولى مريضة نفسيا -تم الرد
مقدم من طرف منتديات نساء الجزائر

انا تعبانة ومحتاجة حد يساعدنى خطيبي بيقولى مريضة نفسيا



انا كترت مشاكلى كل يوم مشاكل ونكد واتخنقت من نفسي
انا مريت بمشاكل كتيرة مع صحابيي بيكلمو عنى وحش وكدة وخطيبي الاولانى بردو الى كان كل حياتو كذب وخرجت من الخطوبة دى تعبانة
وسط كل المشاكل دى والى خطيبي الحالى بيعرفها انا بقيت احس انى مش قادرة اضحك مش بقيت قادرة اكون مع حد على طبيعتى وغالبا لوحدى او لما اكون اكلم خطيبي نتخانق على اتفه الاسباب اجيب القديم والجديد واقعد اقولو انتو انتو وبقصد كل الى عرفتهم من صحاي وخطيبي الاولانى وخطيبي الحالى والومه هو على كل حاجة واي تصرف بيتصرفو معايا
امبارح قالى انى حاجة من الاتنين يا مريضة يا مجنونة شايفة ان الكل بيكرهك وكل شوية انتو وانتو وانتو دمرتتونى ومش عارف ايه قالى انا معتش عارف اتعامل معاكى ازاى على اتفه الاسباب نتخانق قالى انتى اتفه من اننا او احنا اتفه من اننا نأديكى وكل ما احاول اوضح فكرتى مش بيقتنع بيها ويقعد يتريق ويقولى ماشي يا انجل انا الى شيطان واسف بطريقة زعيق وامبارح بيكلم قاطعتو راح قفل في وشي وقالى مع نفسك انا اتخنقت منك وقفل في وشي روحت باعتالو مسج يعد تقريبا ربع ساعة بعد ما عيطت وطلعت كل خنقتى في العياط قولتلو كلام حب في رسالة وعبارة انا اسفة طويييييلة وقفلت الفون خالص بعدها وخايفة افتحو الاقي رسايل توجعنى قلبي مرعوب انا مخنوقة من نفسي ومن كل الى حصلي وحاسة بالاهمال من خطيبي وكمان قالى انا بقالي فترة مش بخرج مع صحابي وانا قولتلك لما اتخطبنا مش هاجى على صحابي سالتو بس تيجى عليا ؟ سكت وقالى انا مجتش عليكى...لكن يا جماعة والله انا عارفة ان انا مش ملاك وكل واحد وليه عيوب ومميزات وقولتها لخطيبي مليون مرة ولا حياة لمن تنادى

انا معتش فاهمة حاجة هو الى مر بكل المشاكل والظروف دى الى خليتو مخنوق ومش واثق في الحياة نفسها يبقى مريض نفسي والله العظيم انا الى مريت بيه حجات اوحش من مجرد اقاويل او لام يتقال عايزة ارجع انا وخطيبي زي الاول مش عارفة منكدة على نفسي ومنكدة عليه وخايفة ييجى اليوم ويسيبنى بسبب كل دة

انصحونى اعمل ايه اتصرف ازاى انا قولت ابعد فترة لا اكلمو ولا يكلمنى لاننا كل ما بنكلم بنتخانق اهو نرتاح شوية وتهدى النفوس وترجع الامور لمجاريها وفي نفس الوقت مش قادرة انى مش اكلمو

انا مش عارفة هو انا طبيعية ولا مريضة فعلا ولا ايه؟

انا حاسة انى محتاجة اخصائية نفسية علشان تفهمنى

لا اله الا الله وحسبي الله ونعم الوكيل انا حتى طفولتى اتوجعت فيها وعندى حجات مأثرة عليا ومش قادرة احكيها

انا بكره اكون نمرة اتنين في حياة اي حد لانى طول عمري من وانا صغيرة كنت نمرة اتنين

انا مؤمنة بالله وبلجأ لربنا دايما وعلى طول حاسة بالذنب حتى الى كانت صحبتى بعد الى عملتو معايا والكلام الى قالتهولى دلوقتى بفكر ابعتلها رسالة مش علشان نرجع لبعض لالالا علشان انا كنت بحبها وبينا عشرة بس الكل بيقولى لالا وهى فعلا هتفهمنى غلط وهتسمعنى كلام وحش مع انها هى الى اذتنى بس برجع واقول خيركم من بدأ بالسلام

انا لجأت لربنا ثم ليهكم لان ما خاب من استشار صح؟

انصحونى وادعولى ربنا يفك كربي بالله عليكم

>>>>> ردود الأعضـــــــــــــــــــاء على الموضوع <<<<<
==================================


الى الاخت التى راسلتنا في رسالة خاصة اختى انا استطيع ارسال الى بعد اكمال 20 مشاركة
لكنىى اردت ان ارد ولم استطع فرايت ان ارد هنا في الموضوع لعلكى تشاهدينه
اختى مازالت المشكلة جديدة فقد حصلت امس فقط

ارجو المساعدة اختى وجزاكى الله خيرا


__________________________________________________ __________

يارب تكوةن شوفتى ردي وعرفتى انى لا استطيع الرد الا بعد 2 مشاركة


__________________________________________________ __________

يا جماعة حد يساعدنى ارجوكم

انا والله تعبانة جداااااا


__________________________________________________ __________

اللهم اهدنا في من هاديت وعافنا في من عافيت

لا اله الآ اللأه محمد رسول الله

اللهم انى استغفرك واتوب اليك


__________________________________________________ __________

الله يعينك حبيبتي داومي على الاستغفار ولااذكارولا تنسي قوله جلا في علاه[ومن يعرض عن ذكرالله فان له معيشة ضنكى]