عنوان الموضوع : الباب المفتوح لكل مهموم
مقدم من طرف منتديات نساء الجزائر

الباب المفتوح لكل مهموم






بدور بين الناس عن حد يسمعني حد اقوله اه و يريحني .. كلمه اه محبوسه بين الضلوع زي سكينه بتقطع و بتعمل جروح .. قولولي يا ناس فين الاقي حد مش مجروح عشان ما ازيد فوق همومه هموم.. اروح بحزني لجوزي و اقول هنا ارتاح هوه اقرب الناس هوه الصديق.. اسند راسي علي كتفه عشان احكيله عن حزني الاقي تنهيده طالعه منه من كتر الحزن هاتحرقني .. اقوله مالك حبيبي يا تري في ايه الاقيه شايل هموم الدنيا و القلب مليان جروح مابين غدر الناس و غدر الصحاب.. اسمعه و اداري بين الضلوع الآه و اضحك و احبس في العيون الدمع و احكي في اي كلام اخرجه من احزانه و اقوله انسي الدنيا و الناس و اضحك دا الحزن عمره ما حل مشاكل و لا هايغير من نداله النفوس .. اسيب جوزي و اروح ادور بين الصحاب عن حد افضفض و اتكلم معاه الاقي اللي جوزها خانها و اللي جوزها بخيل والكل ماشي و فوق جبينه مكتوب هنا عنوان الهموم .. ياربي فين بس اروح فين افضفض من غير ما ازود بهمي الجروح.. اروح لأمي او حد من اهلي بس الموت عندي اهون من اني اشوف قلقهم عليه .. احبهم يشوفوني و البسمه ساكنه بعيوني مش الدموع متحجره جوه الجفون .. طيب اكتب هنا في المنتدي هنا باب للقلوب المجروحه عشان نفضفض و نحكي و نلاقي حد يسمعنا ياخد بإيدنا يدلنا علي الطريق.. جيت افتح قلبي لقيت هموم تهد الجبال واحده فقدت ابنها و التانيه امها و تالته بتعاني من عدم عطف اهلها .. ياه دا همي جنب باقي الهموم زي نقطه ميه وسط محيطات الكون .. اخجل من حزني و اقول يا بت احمدي ربنا دا انتي في نعيم بالنسبه لباقي الوجود.. يجي الليل احس اني هاتخنق .. الكل نايم و انا حاسه اني هاتحرق.. الدمع غرق مخدتي و مش عارفه برضه انام اقول يارب .. يارب ؟؟ صح ربنا موجود .. اذاي اخلي الحزن يبعدني عنه و احاول الجـأ لكل الناس و هوه رب الناس موجود .. ارحم بيه من كل الوجود.. قمت اتوضيت و صليت و في سجده طويله بكيت و حكيت كل اللي جوايا و دعيت .. ياه اخيرا اتكلمت و اخيرا برضه ارتحت .. سامحني يارب اني طرقت كل باب الا بابك مع انه اقرب من كل البيوت.. يارب اصرف عني الهم و اوهبني الخير اللي في بالي .. يارب انت الرحيم و انا مجرد أمه بتتوسل اليك .. تصدقوني حسيت اني ارتحت و اني مش شايله اي هم.. اذاي اشيل هم و ربنا موجود عرفت طريقه و عمري ما عنه اتوه .. ياكل واحد فاكر ان الامل في بكره مش موجود .. سجده و دعوه حلوه تلاقي ابواب الامل بتتفتح تاني في القلوب .. سامحوني اذا كنت طولت عليكم و اخدت من وقتكم كتير .. بس حبيت ادل كل واحده علي احسن طريق .. علي الحل اللي عمره ما يخيب .. اصحابي في الهموم اوعوا تنسوا ان باب ربنا دايما مفتوح..
ام نور و مهاب

>>>>> ردود الأعضـــــــــــــــــــاء على الموضوع <<<<<
==================================


الله يفرج الهم والغم والحزن عنا وعنكي اختي الغاليه


__________________________________________________ __________

شكرا يالله احبك ع التشجيع انتي الوحيده اللي نورتي صفحتي


__________________________________________________ __________

لا اله الا انت سبحانك اني كنت من الظالمين


__________________________________________________ __________

الله يفرج همنا وهمك ويحفظ زوجك واولادك


__________________________________________________ __________



هههههه
موضوعك رآآآائع؛تقييمي