عنوان الموضوع : اكبر صدمه بحياتي التكميله
مقدم من طرف منتديات نساء الجزائر

اكبر صدمه بحياتي التكميله



في بس حبيت اني اعرف وقالولي عن القصه انوا اتخاصم مع واحد من الشباب علشان كذا انسجن والناس بدؤا يتكلمو واهلي قالوا لهم انوا هاذي السالفه اللي قالوا لنا غلط انوا هوا اتمسك بممنوعات هنا كانت الصدمه لاهلي وليا حاولت اني اكلم اهلي وما اصدق كلام الناس وكلمتهم وقلتلهم انوا نكون معاهم مو حلوه نترك الناس علشان صارت معاهم هذه المشكله ونوقف معاهم ووافقوني الرأي لان كلام الناس لايودي ولا يجيب وانا بنت وحيده علشان كذا مايرفضولي طلب وطلع من السجن بعد3 شهور واستمرينا من بعض كانوا ما صار شي وانتهت السنتين وبعد السنتين اتكررت معاه نفس المشكله وانسجن تاني مره وهنا اهلي خلاص كلموا اهلوا وقالولهم ماعندنا لكم بنت,وحاول انوا يتصل فيني عن طريق اختوا وكان بيتنا وبيتهم بجنب بعض وجت عندي وقالت لي اخويا يبغى يكلمك وكلمتوا وقلي انو هوا مظلوم وانا صدقت لاني صرت احبو من بعد اول مشكله اللي صارت معانا وبعد 3 شهور طلع من السجن ورجعوا تاني مره طلبوا ايدي ابويه ما وافق وامي يعني ماكانت موافقه كمان وانا كنت مع قرار اهلي مع اني كنت احبوا حاولوا عدة مرات وابويه كان على قرارو وانا كنت ازعل من ابويه لانو مارباني هوه امي وجدتي همه اللي ربوني وبحكيلكم قصة ابويه بعدين الحين خلونا في قصتي وبعدين جدتي جت بلبلد اللي احنا كنا فيها ولما شافت انا احنا نحب بعض حاولت انوا تجمعنا مع بعض بس قرار امي وابويا كان زي ما هوا وصرنا نتكلم مع بعض وبعد 3 سنين امي قررت انوا نترك البلد اللي احنا كنا فيها ونسافر على بلدنا ويوم عرفوا انوا احنا مسافرين طلبوا مني اني اهرب مع اخوهم وحتى امهم طلبت مني كذا لانوا اهلى كانوا على نفس القرار وانا اكيد وقفت مع امي وماخبرتها انهم قالولي كذا وسافرت مع امي لانوا مافي احسن من كلام اهلي لانهم يعرفوا مصلحتي وطلبت منوا انوا ننسى بعض مع اني كنت احبوا كثيير ولما سافرت على بلدي كنت اتواصل مع اختو في الفيس والسكايب وكانت تحكيلي عن اخوها مع اني ماكنت اسالها عنو في مره قالت لي كنا رايحين انا واخويا على السوق لانهم كانوا مسافرين على بلد من البلدان الاروربيه وقالت لي انوا كان شوي ويصير معاهم حادث وسألتها ليش بسببي قالت لي انوا كان يفكر فيكي وانا انتبهت انوا في عامود كهربه قدامنا وصرخت ووقف السياره وجلس يبكي ويقول ماني قادر انساها وقالت لي اخويه بيحبك وانا كنت احبوا وحاولت انها تخليني اتكلم معاه وتكلمنا وقالي انوا مابيتركني وكان دايما يقولي ما اتخلا عنك مهما صار وماحد يفرقنا عن بعض الا القبر وصارلنا قاعدين في بلدنا 3 شهور ونص واموا اتصلت بأمي قبل سفرهم بيوم وعرفت انوا ماهو رايح مع اهلوا واموا قالت لامي بنتك زي ماعطيتيني وانا ابغى اطمأن على ولدي قبل لا اسافر وهوا قال مابيتزوج غير بنتك طمني قلبي وطمني قلب ولدي وخلينا نساعدهم ونزوجهم وامي وافقت وقالت لها يمكن بعد هذه لي صار كلو يمكن في نصيب ونسوا كل شي كل المشاكل اللي صارت معاه وقالت الله يكتب لهم اللي فيه الخير وصار الزواج بسرعه بسرعه صارت الملكه اول شي وبعدين الحنه وكنا مخططين انو نسوي الزفه لمن هوا يجي وبعد شهر جاء في منطقه غير المنطقه اللي احنا كنا ساكنين فيها بس طلعت خالتي ساكنه بنفس المنطقه اللي هوا نزل فيها وسافرت على نفس المنطقه ونزلت في بيت خالتي وبعد يوم جاء بيت خالتي وقرر انوا ياخذني من غير ما نسوي زفه واتصل على امي وقالها انا اخذ زوجتي وما ابغى اسوي زفه من غير اهلي وبعد مناحلات امي وافقت انوا ياخذني واخذني على الفندق مقرف وسألتوا ليش جبتني على هذا الفندق قلي ظروفي ماتسمحلي اوديكي فندق حلو مع انوا كان يقدر وانا تنازلت عن احلا ليله في حياتي وحلم كل بنت بس علشان ارضيه واتقبلت حججوا ------> يتبع

>>>>> ردود الأعضـــــــــــــــــــاء على الموضوع <<<<<
==================================


بانتظارك حبيبتي


__________________________________________________ __________

كملت قصتي واسمها اكبر صدمه بحياتي (النهايه)


__________________________________________________ __________


__________________________________________________ __________


__________________________________________________ __________