عنوان الموضوع : شكر خاااااص من جوزي لمنتدي سيدتي
مقدم من طرف منتديات نساء الجزائر

شكر خاااااص من جوزي لمنتدي سيدتي






ما تستغربوا من العنوان اه فعلا جوزي بيشكر منتدي سيديتي قولوا ليييييييه بصوت عالي اكتر لييييييييييييييه (هههههههه)
اولا
بيشكر المنتدي علي احلي الاكلات اللي موجوده لاني بطبق منها اللي بيعجبني وده جدد كتير في اكلاتي
والنتيجه كرش ظهر ليه مع انه رفيع وانا مش عارفه اطبق الرجيم اللي عملاه
ثانيا
لاني بقيت بخلص اي حاجه ورايا في البيت بسرعه واول بأول مش بأجل اي حاجه
طبعا اومال الحق اجي اهزر معاكم واتكلم معاكم امتي
ثالثا
لانه خلص من اني كل شويه اقوله وهوه نازل الشغل (كل يوم شغل انت مش بتقعد معانا قد ما بتخرج بره)
دلوقتي بقوله مع السلامه يا حبيبي وعلي قد ما تقدر اتاخر طبعا عشان اغرس اكتر وقت ممكن في المنتدي
رابعا
لان يوم الجمعه اللي انا فرضاه بالقهر علي جوزي انه يوم الاسره ولازم تخرجنا فيه اتنازلت عنه

وطبعا جوزي ما صدق ولا حتي بيعزم عليه بأكله بره
خامسا
لانه بفضلكم قضيتوا علي هوس الشراء اللي عندي
مش بقيت بخرج علشان خاطر عيون حبايبي اللي في المنتدي

سادسا
لانه مشغول طول اليوم مفيش وقت للكلام و كنت بثرثر في التليفون مع صديقاتي عشان الاقي حد اتكلم معاه
وطبعا دلوقتي بتكلم معاكم في حاجات مفيده او حتي هزار وهوه ارتاح من فاتوره التليفون
سابعا

ولان الفاضي بيعمل قاضي كنت بدخل علي ايميله وصفحته علي الفيس بوك ولما يرجع يلاقي المحكمه منصوبه ليه مين دي ومين ده وايه اللي انت كاتبه ده
بعد ماعرفت المنتدي مش بطلع منه الا لما يرجع من الشغل ويأخد مني اللاب توب
و ياخوفي الاقيه يوم داخل عليه بمراته التانيه اللي جابها من علي النت


ملحوظه
شكر خاص بيقدمه صاحب البقاله اللي تحت البيت
طبعا
مش انا حولت نشاطي عليه وبقيت اجيب قايمه الطلبات من تحت وانتو بقي عارفني في الشراء مدمنه

شكر خاص
من مهاب لانه بيرتاح مني وبيقدر يلم اكبر قدر من الحاجات ويحطها في بقه ويمص فيها وطبعا مش بينتقي إلا كل حاجه ممكن تضره
والنتيجه هادخل بيه موسوعه الارقام القياسيه في استهلاك البامبرز


للجادين يقروا الكلام اللي بالازرق بس
لمحبين الهزار والفرفوشين الكلام اللي بالاحمر
واللي حياتهم شويه جد وشويه هزار الكلام اللي باللونين


لا بجد بجد شكرا للمنتدي حقيقي اتعلمت منه كتير وشغل وقتي بكل مفيد شكرا علي كل المؤسسين ليه
وشكرا للمشرفات اللي بيشجعونا دايما
وطبعا شكرا لاصحابي واخواتي اللي بجتمع معاهم علي كل خير بين صفحات النمنتدي


فرفشنا شويه بكره اجيب ليكم موضوع جاد جدا
بحبكم في الله

يارب اصلح حالي وحال احبتي اجمعين
ام نور و مهاب

>>>>> ردود الأعضـــــــــــــــــــاء على الموضوع <<<<<
==================================


يعطيك العافيه


__________________________________________________ __________

يعطيك العافية
رااااااااااااااااااااااااااااااااااااااااائع


__________________________________________________ __________

يعطيك العاافيه


__________________________________________________ __________

كلام جميل ومش بس هيك لو كل العضوات ايطبقو الكلام والنصائح الموجوده في منتديات سيدتي
تعيش العوائل بسعاده والازواج كلهم يتشكرو منتدانا الرائع
حياتي ام نور اتمنى لك السعاده الدائمه
ربي يديمها عليك انتي وكل العضوات
يارب بحق الحبيب محمد


__________________________________________________ __________

والله شي حلو بس ديري بالك على حالك ونظمي الدايت بلاش تصيري دبدوبة كتير وجوزك يغير رئيو ويدعي علينا هههههههههههه بس بصراحة ما عجبني تنازلك عن طلعة يوم الجمعة لانها بتهم الاولاد اكتر منك وبتعطيهم نوع من التجديد حاولي تسترجعيها هههههههههههه