عنوان الموضوع : مشكلة- ما عندك أولاد مجابة
مقدم من طرف منتديات نساء الجزائر

مشكلة- ما عندك أولاد



بالبداية أكيد أنتي بتشكري الله على كل حال وبتحمديه على كل هالامتحان يلي أكيد حتنجحي باجتيازه وتكون الجائزة الجنة بإذن الله
إذا ما بتعرفي كتاب لا تحزن للدكتور - عائض القرني -
نصيحتي أقرأي ما بتندمي
أختي لا تخلي هذا الأمتحان المقدر عليكي ينعكس على حياتك بالتأثير السلبي وحطي ببالك أنو الاولاد كمان امتحان من رب العالمين وكل شخص بالدنيا هذه اختاره الله لوظيفة
لا تظني وظيفتك أقل من أم ربت وسهرت ولربما بالنهاية ما كانت عملت المطلوب منها وما وصلت أولادها لبر الأمان ومانوا سبب لدخولها النار أجارنا الله منها
الشطارة باجتياز الاختبار يلي وضعنا الله فيه بغض النظر عن الاختبار
أختي لا تقولي مو حاسة فيك مريت بالذي عم تمري فيه وبعرف شو يعني تستني الشهر ورا شهر بانتظار خبر حلو وتشوفي نظرات الناس حوليك وتسمعي وتوتت النسوان بس الحياة مو أولاد وبس اقنعي حالك بالفكرة هذه
وفكري بالبنات يلي ما حازوا بالزواج أصلا وبيتمنوه وكمان في كتير ناس الله ماأنعم عليهم بالصحة التامة هيك فكري بالمصايب يلي بالحياة بتهون عليك مصيبتك
بجوز الله يطعمك ولد تتمني لو ما انخلق بعرف أنك عم تقولي لحالك أنك قبلانة شو ما كانت النتجة بس المهم تجيبي ولد مثلا يكون ولد معوق-الله يعافينا- بعوفك حياتك وبتتمني موته لا تقولي( لا )
اطلعي وشوفي الناس من حولك واسألي الله الصبر أنا ماعم قول مشكلتك سهلة ذقتها بس قدر الله وما شاء فعل
وتأكدي أنو هذا الخير الواحدة منا ما بتصدق على حالها إمتى تتزوج لتخلف غريزتها بتدفعها والله أنا معكم وبدعيلكم بس حال الدنيا التفتي لتملي وقتك بشي تاني بتحبيه مثلا إذا كان متاح إعملي أو كملي دراسة تعلمي لغات شوفي شو المتاح حسب ظروفك المهم لا تكوني لوحدك الوحدة بتقتل لا تحطي الحزن بالجرن وتقعدي حاولي تزرعي بذور الخير وين ما رحتي تنذكري بالخير فيها و لا تخلي هالموضوع عقدة عندك
ما بعرف بس بتمنى يكون كلامي قنعك وبرد قلبك وإذا حبيتي تفضفضي وتحكي لح تشوفني بانتظارك أحكي و بترتاحي لأني كنت حس بأهمية هذا الشيء بس ما كنت لاقي مين أحكي معه
الحمد لله
الله كرمني وخلفت بعد طول انتظار بس انشاء الله كون أم منيحة
وأعرف أدي رسالتي التي اختارني الله لتأديتها
بانتظار أي أخت بترغب تحكي كلي أذن صاغية
منتناقش مع بعض

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم

شكرا كتير الك اختي الكريمة انا كمان صرلي سنتين مارة بهل الموضوع بعد ماحملت مرتين اول سنة بس وماتم الحمل وهلا صرلي سنة ماحملت بس الحمدلله رب العالمين متل ماذكرتي هادا امتحان من الله عز وجل والاولاد ربما يكونو نعمة اونقمة انا من بعد ماحملت تاني مرة كنت ادعو دعاء ان كنت تعلم انها من الذرية الصالحة فاحييها يارب ورب العالمين ما اذن انو يكمل اجهضت وانا بلرابع والحمد لله بدعي رب العالمين لانو تعبت نفسيتي والي حوالي تعبوني اكتر بس دعيت رب العالمين الصبر والحمدلله بكل الاحوال ومتل ماقلتي مابدي حط الحزن بلجرن


__________________________________________________ __________

شكرا ياقمر والحمدلله على كل حال انا عندى نفس المشكله وليا سنه وشهرين متزوجه وماحملتش ابدا وبقول لنفسى نفس الكلام اللى انتى قولتيه بس اللى تعبنى بجد الكلام الستات وانت بتقولى انك مجربه يعنى عارفه بيجرح قد ايه وربنا يكرمك فى اولادك ويخليهم لك


__________________________________________________ __________

مرحبا باحلوات
انا بعد تعبانه ,.والله ميته هم ...لي فتره انا وزوجي في مشاكل لاني عايشه مع زوجته الاولى موريتني الويل ..

ادعو لي
كل من يقرا يدعي لي ...
بس ابي بيت لحالي ,,
انا معاكم بعد ...
فديت قلبكم تسمعون مني دايم .]..
ابغى بس تدعون لي ربي يفرج لي همومي ويسعدني ويرضيني ويسخر لي زوجي ويحببه فيني ..



مهمومه


__________________________________________________ __________

الله يجزيكي الخير أنا صارلي خمس سنوات متزوجة و أجهضت ثلاث مرات و الشعور صعب فوق ما يتصور أي أحد و أنا كل فترة الي لحظات بكون مش طايقة أي حد و برجع و بقول هيدا شغل رب العالمين و الله يرزقني و يرزق الجميع الذرية الصالحة


__________________________________________________ __________

انا من فلسطين نفس المشكلة وانا اقراء الرسالة وابكي والله العظيم ئلي 19 سنة ما حصل حمل انا ما ببكي على الحمل اوحدو على كل الحياة ببكي لاني ابى وامي متوفين لايوجد لي صحيق احكي معه لو وظيفة ما في على شان اطلع من البيت اغير جو كمان جو البيت ئلة سبع سلفات وكلهم مشاء الله معهم اولاد الا انا هذا هو المتعبني الحمد لله ئلي لقيت موضوع يسليني ويفرج كربي وهمي وشكرا لكم على هل الموضوع