عنوان الموضوع : ده بقى حالى والسبب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مجابة
مقدم من طرف منتديات نساء الجزائر

ده بقى حالى والسبب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



صباح الخير اخواتى الحبيبات

كل عام وانتن جميعا بخير وان شاء الله عيد سعيد عليكن

ادخل فى موضوعى او مأساتى علشان كل واحده تختار صح وتقرر مع خطيبها حياتها قبل زواجها ومتسمحش لحد انه يتدخل مهما كان ولازم كمان تعرف اهل زوجها او خطيبها ان قرايبها بيحبوها جدا ومش بيسمحوا لحد انه يبهدلها

انا مشكلتى بدأت بعد جوازى على طول ومشكلتى هى تسلط حماتى وتدخلها فى حياتى بشكل كبير وجوزى للاسف مش شايف انها بتدخل وشايف ان ده عادى ولانها مريضه بمرض نفسي بيعدى لها مواقف تغيظ وبيقول لى امى ولازم اتحملها

بجد مش عارفه اقول ولا احكى لانى مهما حكيت مش هتصدقونى وهتقولوا انى باتحامل عليها وكمان انا مؤمنه بانه لازم نسمع اى مشكله من طرفين منسمعهاش من طرف واحد

انا حماتى متسلطه جدا وبتكره كل قرايبها حتى اخواتها وقلبها قاسي ومتحجر جدا وبتشتم ناس قرايبها قدامى وبتقعد تنم عليهم معايا وانا باكون متضايقه جدا من ده بس مش باعرف اسكتها بجد من كتر ما سمعتنى كلام وعاملتنى بشكل سيئ كرهتها ومعدتش باحب اكلمها ولا اسمع صوتها ولا حتى ازوها وكمان كرهت اتكلم مع جوزى وادينى اهو بقى لى 5 ايام معرفش عنه حاجه وناويه متكلمش معاه لانه للاسف طلع زييها بالضبط قاسي وجاف فى معاملته ومش بيجامل اهلى ولا بيزورهم معايا وخلانى مقصره فى حقهم انا باشوف الازواج كلها بتحب تجامل قرايب زوجاتهم ارضاءا لهن وانا ربنا العالم انى كنت باحب اهله وباحب اطلبهم واسأل عنهم بس دلوقتى كرهتهم كلهم معدتش باحب حد فيهم والسبب حماتى وجوزى السلبى


انا كنت باحب حماتى وكنت باقدرها وباحترمها بس اما اتكلمت كذب عن اهلى نزلت من نظرى وكمان لما لقيت ان جوزى بييجى عليا كتيييييييييييييير بسببها وبسبب قرايبه خفت منه ومعدتش باحب احكى معاه زى الاول

بجد تعبانه جدااااااااااااااااااااااااا ومش عارفه اعمل ايه ؟
تعبت من كلمه اصبرى لانى معدتش قادرة اصبر خلاص وكل اللى يعرف قصتى من الاول يعنى اما باحكى معاملات حماتى ليا مع قرايبى بيقولولى اصبرى بس والله ما فيا اصبر اكتر من كده

وربى يشهد انى مظلومه وحسبي الله ونعم الوكيل فى كل ظالم مفترى ربنا ينتقم من اى حد ظلمنى وبيظلمنى


اسفه جدا للاطاله ومن حق اوعى تحكى لزوجك او خطيبك اى شئ عن اهلك مهما كان خليكى غامضه معاه ومتتكلميش الا اللى في يخصه وبس محدش يغلط غلطتى انا كنت باحكى له عن كل شئ فى بيتنا واللى بيحصل بالضبط ودلوقتى ندمت

>>>>> ردود الأعضـــــــــــــــــــاء على الموضوع <<<<<
==================================


ممكن تكلمي احد كبير في العائلة او ان والدك الكريم يتدخل لحل الموضوع و الصلح


__________________________________________________ __________

الله يفرج همك اختي غلطة و حصلت و انشاء الله ربي ييسر امركم


__________________________________________________ __________

وهلا كيف وضعك مع زوجك؟
صعب لو يكون الزوج يسمع كلام امو وخاصة اذا كانت الام مش حقانية وتكره كنتها
الله يكون بعونك
ماعرفت شو بقولك الا اصبري والله كريم
لاتروحيلها كثير ولا تحاكيها بشي واذا حاكاتك قولي بس ايه وخلاص يعني لاتاخذي وتعطي معها بالحكي لحتى تحس على روحها
الله يفرج همك


__________________________________________________ __________

الله يهدي يارب وييسرلك امرك يارب


__________________________________________________ __________

الله يهدي يارب وييسرلك امرك يارب
اشكرك على النصيحه