عنوان الموضوع : المشكله اني احبه؟وادري اني ماراح اكون زوجته!!
مقدم من طرف منتديات نساء الجزائر

المشكله اني احبه؟وادري اني ماراح اكون زوجته!!



السلام عليكم ورحمة الله وبركاته
كيف حالكم يابنات ..
بصراحه انا مشكلتي مادري اذا مرت عليكم بيوم او لا
هي تتكرر دايم .. انا من عادتي ما احب اطلع اسراري لاحد
واحب احتفظ فيها واطلع حلول من عندي ولا اناقش فيها احد
... بقولكم القصه من البدايه مع تحفظات وياليت تساعدوني بهالخصوص !

اولا .. انا بنت باذن الله ملتزمه ومطيعه لله .. لكن في يوم حبيت لي شخص
وبدت تتدرج علاقتنا لكن ماسويت شيء حرآم .. الحرام الوحيد الي سويته اني حبيته مع اني ادري ان هالشيء حرام لكن الحب مو بيدي .. غصب عني خصوصا اني حبيته وانا عمري تقريبا 16 او 18 المهم صار لنا خمس سنين مع بعض انا اعشقه بجنون واهو نفس الشيء ..
انا من الرياض واهو من الشمآل .. من ديره بعيده عننا حيل ناس مانعرفهم
لكن انا اعرف كل تفاصيل حياتهم حتى اسماء اهله وعائله والمناسبات الي تصير عندهم واهو نفس الشيء حتى من كثر ما نعرف عن بعض هالاشياء
احس انه قريب مني واانا قريبه منه يفهمني بدون ما احكي وانا افهمه !

ووالله العظيم يابنات اني لما امرض اهو يمرض بالصدفه وساعات اسأله مكان الوجع وين ويكون نفس مكان وجعي ! صارت على مدى خمس سنين هالاشياء تصير .. انا ادري اني غلطت غلطه كبيره واولها اني وقعت بهالحب .. المفروض مايصير .. بس الكل يدري هذي مشاعر ياليتني اقدر اتحكم فيها انا مابي اجادل بالماضي هالشيء صار وانتهاء
المشكله فيني الحين .. اننا كنا متفقين على الزواج لما انا اخلص دراستي واتوظف واهو نفس الشيء باقي عليه شهرين ويخلص واخوه راح يوظفه بأذن الله ... كنا متفقين على اساس يقول لأهله اني صديقة اخته ،
اخته تكون .. اخته من ابوه لأن اهو ماله الا اخو واحد من امه وابوه وصغير بالثانويه والباقي من اخوانه من زوجات ابوه !
بينهم شوية حساسيه ولا يقدر يفهمهم فـكان مأجل انه يقول لأخته عني اخر حل لنآ .. المشكله ان ابوه عصبي جدا ولا يتفاهم وكان قاسي جدا جدا مع اخوانه لدرجة ان اي احد يعارضه بشيء يطرده برى البيت ويمنعه من امه .. ويمنعه يدخل البيت مره ثانيه .. ويغضب عليه .. يعني عصبي بدرجه كبيره ولا احد يتناقش معاه ورايه اهو الي يمشي ..وابوه كل اخونه الي تزوجو زوجهم على كيفه ولا واحد من اولاده طلع واخذ من برى كلهم اخذو وتزوجو من قرايبهم - واهو للأسف معاه عقده من ابوه مايقدر يكلمه بشيء او يتناقش معاه ..لانه خايف من العواقب ولان ابوه مايرحم .. ويقول ان 80% ابوه ماراح يوافق ابدا انه ياخذ من ناس مايعرفهم .. للعلم انا بنت ناس والحمدلله من قبيله معروفه وساكنه بالرياض مثل ماذكرت وعايلتنا ولله الحمد والشكر عائله خايفه ربها ولها سمعتها بين العوائل وبين اهل الرياض .. لأن ابوي منصبه كويس وعمي منصبه قوي بعد .. يعني لله الحمد متيسره من ناحيتي انا ، واهم بعد ناس طيبين ولهم سمعتهم بديرتهم مشكلتي ان ابوه احتمال مليون بالميه مايوافق ويمكن يزوجه من بنات جماعته وقرايبه .. للعلم اهو مايبي لان اكثر من 3 بنات طلبو منه اهله يتقدم لخطبتهم وكان يتعذر بحجة الدراسه وانه مايبي البنات ينتظرونه او يعلقهم معاه وقال خلهم يشوفون نصيبهم وكل البنات الان متزوجات ومخلفآت ماشاءالله والله يوفقهم
واهو كلم امه عنـي ورحبت ووافقت ولو انها عندها شكوكها ان هالزواج مايتم فكانت دايم تقوله شرايك ببنت فلان والبنت الفلانيه .. وحاول ماتعلق امالك ببنت الناس كثير .. ساعات كانت تهاوشه وتقوله يقطع علاقته فيني
هي ماتعرفني معرفه قويه بس من كلامه ماقال لها انا مين وبنت مين بس مجرد نبذه صغيره عني

============

يابنات والله العظيم والله شاهد حاولت كثير اتركه واستغفر الله واتعوذ من ابليس واصلي واذكر الله وادعيه انه ينسيني اياه ويوفقه ويصرفني عنه
لكن بكل مره افشل .. احاول ما ارد عليه ما اكلمه ما اشوفه ابد ..
لكن للأسف اظل تعبانه كثير احاول اوهم نفسي اني اقدر استمر مع شخص ثاني .. ولما اتزوج غيره راح انساه لكن لمجرد التفكير بهالشيء وربي اني اتعب .. لأن اهو حسسن اشياء كثيره بحياتي وخلآني اشوف الحياه من جهه ثاني لأني كنت ما احب الحياه وقتها وكان كل شيء عندي عادي .. بس من عرفته صرت احب الحياه ومتمسكه فيها ووالله العظيم ماشفت منه الا كل خير وكل ماصارت لي مشكله كان يضرب صدره ويقول انتي بس امري انا مستعد اسوي الي تبين .. والله هو يبيني بالحلآل
وكل ماتركنا بعض يرجع يبكي ويقول مايقدر يتخيل نفسه مع وحده ثانيه غيري لأنه ماصدق يلقى انسانه تفهمه .. انا والله ادري ان لكل شخص قسمته ونصيبه ولا راح ياخذ غير اللي الله كاتبه له ، بس يابنات وربي اني حاولت كثير انساه قسم بالله حاولت بس ماقدرت .. تركته سببت مشاكل بيننا حاولت اكرهه بس ما اقدر والله ساعات اقول شكلي مسحوره ؟
مو معقوله متعلقه كذا لأني بالاول ما اهتم بهالامور ..
انا عارفه اغلبكم بيقول هذي علاقه محرمه شيء طبيعي ماراح تنتهي بالحلال .. بس الله يخليكم حاولو تفهموني انا مقره بالخطاء بس وش اسوي طاح الفاس بالراس وربي قريت اكثر من موضوع لحالات قريبه من حالتي .. لكن عندي احساس قوي اني اقدر ارتبط فيه انا مستعده ما اتزوج طول عمري لأن مايهمني والله الزواج ولاكنت افكر فيه ابدا وكان هو اخر اهتمامتي لأني كنت متعقده من هالشيء - بسبب ان كان فيه مشاكل بين والدي ووالدتي وتسببت للطلاق .. وتعقدت منها فكنت ابتعد عن الاعراس والزواجات والعزايم دايم بغرفتي بس اشوف التلفزيون ولا اطلع ولا شيء من بعد ماعرفته تغير كل شيء صرت احب الحياه عرفت ان الرجال مو مثل بعض فيهم الطيب وفيهم الخبيث - والله اني اتمنى اني اموت ولا اخذ غيره او اسمع بخبر زواجه من غيري وربي اتمنى له التوفيق والسعاده من كل قلبي معاي او مع غيري لكن صعبه بالحيل علي
حاولت ما اكلمه وابتعدت عنه ايام واسابيع بس بعد شهر او اسبوع او كم يوم يرجع يتصل يرجع يقول لي انه يحبني ويقول الله يخليك .. لاتجيبين هالطاري لسه بدري خلي الايام والسنين تاخذ مجراها يا اما نتزوج او نتفارق - حسبي الله ونعم الوكيل - وربي يابنات ان حالتي صعبه كثير
اتمنى بس لو الايام ترجع لورى واتدارك خطاي ولا احب ..
كانت حالتي اول احسن من الحين بواجد .. باقي على تخرجه شهرين
ويمكن يتوظف واكيد اهله يبونه يتزوج !
خايفه مايتقنعنون فيني .. ابوه صعب كثير وانا بيني وبينكم ما ابي اسبب له مشاكل واكون انا سببها يا اكون خير عليه او بلاها واذا ابوه وافق فيه اخوانه الي احتمال كبير مايوافقون لانهم اكبر منه بواجد وناس كبار حيل يعني شيااب .. تصدقون لدرجة اني ادور وظائف في ديرته عشان اخلي علاقه بينه وبين اهلي .. لاني اقدر اتوظف بأي ديره اذا كانت تدريس او حكوميه او غيره لو على الاقل لمدة كم شهر كنت اتمنى هالشيء دورت وتعبت وللاسف مالقيت شيء ..
الله يلهمني الصبر .. ويابنات الي مرت عليهم زي حالتي والي عندها لي حل
لاتبخل علي .. وتكفون الي تبي تقول كلام مو زين لاتقوله ترى فيني الي يكفيني ..

اختــكم / مرام

>>>>> ردود الأعضـــــــــــــــــــاء على الموضوع <<<<<
==================================


حبيبيتي ماراح اوجعك راسك بالكلام الكثير ؛؛؛؛؛؛؛؛
حطي ببالك انة اذا وقفو كل العالم ضدكم وربي رايد تتزوجون راح تتزوجون
والعكس صحيح ؛؛؛؛؛؛؛
ياعسولة لاتعبين نفسك ولاشي حسيت من كلامك انك تبغية من قلبك ؛؛؛عليك بالدعاء واللة يوفقكم
واذا ماصار نصيب ماهي نهاية الدنياااا ؛؛؛؛يمكن سعادتك مع شخص ثاني ربي كاتبلك انك تاخذية ؛؛؛؛
ارضي بالقدررر ؛؛؛؛؛؛؛واللة يوفقك يارب


__________________________________________________ __________

المشاركة الأصلية كتبت بواسطة شوكلا@@تة
حبيبيتي ماراح اوجعك راسك بالكلام الكثير ؛؛؛؛؛؛؛؛
حطي ببالك انة اذا وقفو كل العالم ضدكم وربي رايد تتزوجون راح تتزوجون
والعكس صحيح ؛؛؛؛؛؛؛
ياعسولة لاتعبين نفسك ولاشي حسيت من كلامك انك تبغية من قلبك ؛؛؛عليك بالدعاء واللة يوفقكم
واذا ماصار نصيب ماهي نهاية الدنياااا ؛؛؛؛يمكن سعادتك مع شخص ثاني ربي كاتبلك انك تاخذية ؛؛؛؛
ارضي بالقدررر ؛؛؛؛؛؛؛واللة يوفقك يارب

شوكلآته تسلمين حبيبتي كلآمك ريحني .. انا ابيه من كل قلبي
لانها عشرة عمر خمس سنين .. وغير كذا ماقدر اتحمل فرآقه

لو كان هو يبي يفارقني او كانت فيه اي خصله ماهي زينه كان ما اهتميت
وقلت خيره .. والخيره فيما اختار الله .. الحمدلله على كل حآل
اللهم اني لا اسألك رد القضاء بل اسألك اللطف فيه ..

تسلمين ياعسل والله يوفقك ويجزآك الجنه ..


__________________________________________________ __________

سلام خيتو.......

ادعي الله اذا كان فيه خيران يجمعكما .... واذا فيه شر يبعدكي عنه.......


واذا ماكان له نصيب فيك مالك الا الصبر.......

لا تنسي فضل الاستغفار .... وقيام الليل.....

ان شاء الله افدتك....


__________________________________________________ __________

ياعزيزتي مرام
وليش نقول كلام مو زين؟
والله اقول كلام زين وادعيلك من كل قلبي ربي يجمعك مع اللي تحبيه
بس انت ضروري تدعين من رب العالمين ليل نهار يسخر قلوب اهل هذا الشاب ويلينون لابنهم بالقول
واذا كان يحبك ومصر على الزواج منك اكيد ماراح يرضى يتزوج من بنت اخرى
حبيبتي اكثري من الاستغفار
والله والله انا جربته وانحلت لي مشاكل لا ليها اول ولا اخر
ربي يسعدك ويجمعك باللي تحبيه
امين يارب


__________________________________________________ __________

ممكن انه اشخص احتواكي في بدايه لكي انتي لا تعرفين فيهاا الحب ولا التعرف تقرب منكي كثيرناا وانتي كنتي في لحضه قد لا تردين فيهاا الحب فااا تمكن منكي وتمكن قلبك من ان يضمه لكي وتبداا العواطف والاحاسيس وانتي لا تتدركين مااذا فعل بكي الزماان حتى سيطر على قلبك وانتي ايضن سيطرتي عليه وكاانت القلوب مترابطه ببعض المهم صاار اللي صااار وانتي ممكن انتكي حبيتيه بااجنون ولا ترضى عين دون منااجاته رغم الحااجز الذي يحول بينكمااا وضروف وقصتكي ياا اختي العزيزه كااباااقي القصص التي نسمع عنهاا كثير ولا تقولي انهاا ناادره ومكن ان هنااك اكبر واعظم من قصتكي كل مااعليكي وانتي تفهمين الموضوع ان هنااك حااجز بينكمااا هو اقبول بااا الابتعااد باا معنى الكلمه وتوكل على الله باا نيه صاادقه والاستمرار في في الغشوع ليه وتداركي ان هنااك مستقبل امااامكي من زواج وحيااة قد لا تكون بااا هذا اشخص وانتي كماا قلتي انساانه تخاافين الله ولا اقدري الخياانه الزوجيه لا زم انك تحاولين النسياان واعتبريه قضيه او موجه خياال مرة في مستقبلك وكاانت جميله اخلصي انيه ولا يدور بك الشيطاان في مخيلتك وانتي تصلين وتدعين الله وحااولي ان تفهمينه الحقيقه او تغيرين رقم جواالك وتنسين كل ماا يذكركي به من اي شي كاان او سيضل الذكراا والحب في هااجسك