عنوان الموضوع : قسم بالله يا بنات وودي اساعدها بس اخاف اقلب احلامها كووابيس [ شوركم ]
مقدم من طرف منتديات نساء الجزائر

قسم بالله يا بنات وودي اساعدها بس اخاف اقلب احلامها كووابيس [ شوركم ]



السلام عليكم ورحمة الله وبركاتة
وشسمة اول مرة ادخل هالقسم ابغى افتح لكم قلبي ابغاكم تشاركوني همي بعد ماشفت نصائحكم الحكيمة والراقية
قلت اخذ شوركم ومساعدتكم في مشكلة موب لي بس مأرقتني حيل وربكم يشهد
كانها مشكلتي
المهم بدخل بالموضوع على طول وتكفون اقراءو القصة كاملة علشان تعرفون
وتعذروني
تزوجت بشهر 4 باكوس رجال ربي يحفظة
تو متعين وحاذفينة باخر الدنيا متخرج من عزوز
وجاة تعيينة بقرية بـ اخر تهامة
خيرني قبل لا انقل معاه قال تبين تجين معاي ولا تقعدين بجدة
قلت امعصي معاك على الحلوة والمرة
وبعد مضي 5 اشهر من خياسي معاه بتلك القرية النائية
جاب لي لاب خاص فيني بعد ماعفست جهازة بالفيروسات ليمن قال اشهد ان الددسن سيارة
بيسكتني يعني
المهم انا بطبعي قلبي رهيف قسم بالله اشوف القطو مدعوس بالشارع
اجلس افكر وابكي وادعي على الي داعسة
حتى زوجي لاشاف قطو مدعوس وانا ماشفتة يقول غمضي غمضي في مطب كبير
حتى اخواننا بسوريا يومن اشوفهم يتذبحون ابكي بحرقة كانه انا الي اتعذب
المهم القرية داخلة عرض عمري وحياتي ماعشت بقرية
عليهم نظام مدري وش يبي سكنت بجمب عائلة نوعا ما فقيرة
المهم عزمونا في ليلة من الليالي على العشا
بس بناتهم ماجلسوا معاي يكرفون بالمطبخ
وفتحت بئي لمن عرفت انهم طابخين الذبيحة بالبيت
استغربت ان في ناس يطبخون ذابايحهم في مطبخ بيتهم
المهم بعد مضي كم اسبوع طفشت قلت بروح احومي براسي عند جارتنا
اسولف معاها رحت لهم وجلست لاول مرة مع بناتهم
سالت الكبيرة عن عمرها حسيت اني احرجتها قالت 33 واختي الصغيرة 21
لمن قالت لي كذا انطميت وسكت
بس وربي الجلسة معاها تنسيك همومك فرفوشة ومزوحة وتستهبل
وبس تضحك وتخليك تضحك غصب عنك
راحت للمطبخ تسوي الشاهي
وجلست امها تتكلم عن واحد صار علية حادث
تقول خطيب بنتها الصغيرة بنتها الصغيرة بالجامعة تخصص لغة انجليزية
قلت والكبيرة مخطوبة سكتت وقالت لا الكبيرة خلاص ماعاد أأأأ وسككتت وغيرت السالفة
الفضول بيذبحي وش يعني كلمتها خلاص ماعاد أأأأ
بعد مرور اسبوع
صمت الخميس وجيراننا كل يوم خميس اثنين ايام البيض يرسلون لي مع زوجي
شوي من فطورهم
هذاك اليوم ارسلوا لي قمت اخذت الي ارسلوه مع الي سيوته بالبيت ورحت افطر عندهم من زود الادب
يوم قلت لزوجي بروح لجيراننا قال استحي على وجهك هم ارسلوا لك الاكل علشان تشيلينة وتروحين لهم
قلت اها بس برجع بعد العشا لاتقفل علي الباب
رحت وحصلت حرمة عندهم بعد الفطور جالسه تخاصم وتزعق
قلنا لكم فلان لفلان توافقون على فلان من ورانا ليش ومن هالكلام
الي فهمتهم ان في 2 خطاب يتخاصمون على البنت الصغيرة
الكبيرة ولاعندك احد جالسة تسمع كلامهم ووجهها ماتدري وين تودية
وربي يابنات ياقلبي تقطع عليها مكسورة ماتقدر ترد بس تبلع ريقها
وترتب الفناجين بالصحن جلست شوي رواحت المطبخ
شوي وابكي ححتى امها ماقدرت شعور بنتها
شوي ورجعت لنا ولاكانها سمعت شي تضحك وتسولف وتستهبل
موب قادرة اوصف لكم قد ايش فيها قوة تحمل
يتخاصمون على البنت الصغيرة ويستنون الكبيرة تروح علشان يزوجون الصغيرة
مع ان قسم ماعندهم نظر البنت الصغيرة ماتملك ربع جمال الكبيرة وفرفشتها وخفة دمها
بعدها بتقريبا شهر زارتني امي وعزمتهم
جوني بس البنت الكبيرة وامها الصغيرة ماتجلس مع احد كثير ولا تطلع من البيت كثير
امي وامها جلسوا بغرفة الحريم
وانا وهي جلسنا بالمقلط قدام التلفزيون وكل ما احط على مسلسل تركي تمحطني بفتوى الشيخ فلان والشيخ فلان
وسالفة تاخد سالفة وسالفة تجر سالفة قلت لها ان شاء الله البس زي هالفستان في زواجك
قالت ان شاء الله والله يا فلانة ان ثقتي بالله كبيرة
رغم الكلام الي اسمعه من اهلي والي يخطبون فلانة [ تقصداختها الصغيرة ]
كل مرة يجون يقولون ما انخطبتي وما جوك خطاب
وكل الي يجوني متزوجين ورجال كبار بالسن وارفضهم لثقتي الكبيرة بالله انة برزقني بالي احسن منهم
شاب وموب متزوج او على الاقل مطلق او ارمل
ويزعلون العالم لمن ارفضهم بحجة في بعدك اخت صغيرة تبي تتزوج
وانتي واقفة وناشبة لهاوتتشرطين بعد بس من وجد الله فماذا فقد

>>>>> ردود الأعضـــــــــــــــــــاء على الموضوع <<<<<
==================================


قلت لها وليش طيب وش سبب المتزوجين وكبار السن الي يجوك
قالت لان عمري خلاص ماعاد سن زواج <هنا فكيت شفرة كلمة امها
قلت كذا في كل قريتكم قالت كذا في كل السعودية موب بس في قريتنا
قلت وانتي صغيرة ماكانوا يجوك خطاب موب متزوجين قالت والله كانوا يجون كثيرومن قريتنا ومن خارج قريتنا
بس ابوي وعمي كان يطلبوهم مهر 150 الف علشان يقسمونها بينهم وماكان احد يقدر يوقف بوجههم
بس كبروا اخواني واخذوا محل ابوي قللوا المهر الى 40 الف
وابوي وعمي ظلموني بالدراسة من غير الزواج وحرموني ما اكمل دراستي
علشان شغل البيت ماعندي شهادة غير سادس ابتدائي
غير كذا اخواني يروحون المطاعم والزواجات ويخلون عيالهم عنددي حارميني حتى من الطلعة
مع ان والله والله والله يا اخوان وخواتي ان البنت تصوم اثنين وخميس وايام البيض وايدها سخية تتصدق اكثر مما تجمع
وبارة ب امها وابوها والله حتى جوالها لمن افتش فية قسم بالله ان الاغنية والموسيقى موب فية
كله اناشيد قران مواعض
وجميلة اكثر من اختها وفرفوشة رغم كل الي عانته من صغرها حتى توبيكاتها بالواتس اب فرايحية
وتحب الجمعات والزيارات رغم كل الي تسمعه من الي يخطبون اختها والي يبون اختها
والاطفال يموتون بالقعدة معاها تقول لهم قصص وروايات
مدري ليش توقعت الي زي هالمواصفات انقرضوا
قلت لامي كل الي قالته لي قالت امي
ولد خالك فلان يبي زي هالمواصفات خليني ادق على خالتك اقول لها لقينا لكم عروس
فرحت من قلبي لان ولد خالي طيب زيها
بس زوجة خالي من حبها في امي عبت راس ولدها
بس ولدها مدري وش طق براسة دق على زوجي قال حرمتك لقت لي مرة
زوجي مايدري وين الله حاطة قال ما اظن وصرفة رجعت فهمت زوجي السالفة ورجع دق علية
قال كلموا اهلها اذا بيوافقون خلونا نجيكم الاسبوع الجاي
بس دق بعد المغرب قال والله امي تقول لقت لي وحدة بنفس المواصفات
وهو امة لالقت له ولاهم يحزنون بس لان العروس من طرف امي ومن طرفي نكبنا البنت
بحظي انا وامي الي بسم الله علية قايم
فكرت ب اخو زوجي بس خايفة اظلمها والله لانة مطلق ثنتين قبلها وموب راعي زواج
راعي سفر وفلة فـ غضيت النظر عنة
حرام ادبس درة مصونةوطاهره عفيفة زيها بواحد زية الله يهدية
واخواني كلهم متزوجين
صررت امشي وامدحها لاي وحدة تبي عروس سنعة لولدها كانها بنتي
بس من يعرفون ان عمرها 33 سنة يهونون تحطمت والله
كلمت امي وخواتي يدورون معاي بس نفس المشكلة بس يعروفن عمرها انة فوق الـ30 يهونون
شكيت الحال لزوجي بس ماقلت له بنت جيراننا علشان لا انكب عمري واخلية يفكر فيها
نبيهه بسم الله علي خصوصا اني يوم قلت له تخيل تسوي الذبيحة بالبيت صار فمة دورين من الاعجاب
قال لي كلمة اقنعتني [ قال الحريم يحسدون بعضهم حتى عن الكفن اذا تبينها تتزوج
مافي غير اخوانها يخطبون لها رجال راس لراس مايدخلون الحيرم فية]
بسم الله ماشاء الله متزوجة طارق الحبيب على غفلة
بس مستحيل اخوانها تفكيرهم قروي وعيب يخطبون لاخواتهم


فقلت يابنت مالك الا الخطابات بعد الله
استشرت امي قالت توكلي على الله واسالي الناس الي عندهم معرفة بالخطابات الزينات
ولاتقولين للبنت علشان لاتكسرين بخاطرها
وخلي الموضوع بكل سرية لان باين اهلها محافظين ولو دروا عن هالشي مصيبة
خصوصا ان ام البنت عمرها فوق الـ77 سنة يعني موب متفهمه قلت لامي تم
رحت لمنتدى ونزلت موضوع اطلب فية رقم خطابة
عطوني رقم خطابةدقيت عليها وعطيتها المواصفات
واتفقنا حتى على السعر وقلت لها بكل سرية ما ابغى البنت واهلها يدرون
بس قالت لي في اخر المكالمة تبونة زواج عادي ولا مسيار
انا هينا خشتي صارت اشبة بالهفيس [ يرحم امك ياخطابتنا تبينهم ينتفوني نتفة نتفة ]
قلت مالي غيركم بعد الله
عططوني ارقام خطابات موثوقات ويخافون الله في هالمسكينة
وربي لو تسمعون كلام الناس لها لتحزنون عليها مثلي واكثر
وساعدوني انتكم لاني قسم بالله داجة ومدري وين الله قاطني
والي تبي تساعدني تقول لي علشان اتواصل معاها على الايميل
ونمشي مع بعض خطوة بخطوة
والله اني متاكدة مليون بالمية ان الي بياخذها بتسعدة
لان البينت من فضفضتها لي حسيتها تبي الستر والاستقرار
والله حتى الشروط زي بنات هاليومين ماعندها
بس اخاف اقلب احلامها كوابيس علشان كذا ساااااعدوني تكفون
بس والله ما ابغى اروح من هالقرية وهي للحين ماتزوجت بموت من التفكير فيها


__________________________________________________ __________

شكرا حبيبتي موضوعك مؤثر لكن صدقيني ليست بيدي حيلة
انا صغيرونة ومو من بلدك وما اعرف يبي يتزوج
الله يعطيها ابن الحلال
شكرااااااااااااااااااااااااااااااااااااااااااااااا
لن انساكما من دعائي


__________________________________________________ __________

حبيبتي فديت طيبه قلبك واخلاقك العاليه تسلم يمين من على الطيب رباك
ربي ييسر امورها ويفرح قلبها وان شاءالله يكتب لها الله الزوج الصالح ع يدك ي الغاليه اتاثرت بالقصه

والله لايحرمك الاجر ويحقق لك اللي ببالك ويسعدك دنيا واخره
انا بصراحه ماعندي اي خلفيه ع موضوع الخطابات

بنات تكفووووون اللي عندها خبره او خلفيه ع الخطابات تساعد اختنا ربي يجزاها خير ويرزقها الفردوس الاعلى من الجنه اللي تفيد اختنا باي معلومه او مساعده

حبيبتي موووفقه ودعواااتي معاك


__________________________________________________ __________

او ع الاقل ادعو لصاحبه الموضوع لان مثلها في هذا الزمن نادر نادر من يحب الغير ويسعى للخير لانسانه لاتعرف عنها الا القليل وتبحث لها هنا وهناك وبشتى الطرق عن شيء يساعدها كما لوكانت اختها

ولاتنسون تدعون للبنت معاكم

ربي يحقق لكم امانيكم ويسعد قلوبكم


__________________________________________________ __________

الله يوووفقك في هنا لطريق اللي تحسين فيه بس والله ما عندي خلفيه عن الخطابات بس دامها متئاااامله بواحد احد صدقيني لاتخافي عليهااااا أكيد ما اخر زواجها الا انه يبي لها الأحسن والله ماعدا به رياجيل ينحطون ع الجرح كل يوم نسبه الطلاق تزيد وهم المشاكل بتزايد عسالله يساعدها ويسعدها يارب ماراح ننسها من الادعيه