عنوان الموضوع : اخترت ديني...فخسرت كل دنيتي..ساعدني يارب مجابة
مقدم من طرف منتديات نساء الجزائر

اخترت ديني...فخسرت كل دنيتي..ساعدني يارب



السلام عليكم...
اقضي كثير من الليالي لوحدي ولايوجد مين اشكيلو...شفت موقعكم واهم شي شفت الرابط بين العضوات لهيك حابة احكي عن مشكلتي وماني ناطرة حل لان مافي حل ..بس فشة خلق

اناتمارى صبية شاطرة ومرباية وحلوة(مش غرور)انا من لبنان...عشت 20سنة بعيلة تحبني وتحافظ علي ..عيلة مسيحية..تؤمن بعيسى المسيح..كنت كل احد اطلع على الكنيسة ومتعصبة جداً....لما بلشت اكبر صرت فكر اكتر واكتر ...واكتر شي شغل بالي ربي...من اسئلة كتير حول كيف عيسر الرب مات.؟؟وكيف الرب الو ولد؟؟؟لقيت حالي على باب كبيييير وراه اسئلة وضليت اتعذب وفكر واسأل بالسر وبالعلن لحد ما وصلت لقرار ....من اربع سنين والحمدلله (((((اسلمت)))))))واتبعت دين محمد...
حاول اهلي منعي ....واخيرا تبرأو مني...
من 4 سنين وانا لحالي ..عايشة متل اليتيمة ..كل الناس رفضتني....وللاسف المسلمين مارحبو فيني....الله بيغفر وهنن لا..لحد الان بنظرهن مسيحية...
السنة هي بتخرج مهندسةالحمدلله
اهلي بضل حاول حكيهون بيرفضو بس رح ضل حاول لان بر الوالدين واجب لو كانو يهود..
بفكر لحالي وببكي من هيك مجتمع...اخواتي البنات عنسو...واخي ماحدى عميرضى يعطيه بنتو....
انابعترف ...اناماني مسلمة كاملة ..انامابعرف كتير عن ديني ..نحمدلله عماتعلم....
من سنتين حبيت شب....وتزوجنا من سنة..تعرفت عليه وانا مسلمة ولما عرف ماضي احترمني وتزوجنا.....اسمو محمد
انسان حببني بالاسلام اكثر
علمني صلي واصوم...عرفني مين النبي
وحكالي عن حنيتو
اهلو رافضيني وبيضلو يحكو عن الطلاق ...
انامو ندمانة لان ربي اهم ....بدي ضل اتعلم....ورح ضل حاول صالح اهلي ...

لا تواخذوني طولت بس مافيني احكي هالشي لحدا..مشكورين

>>>>> ردود الأعضـــــــــــــــــــاء على الموضوع <<<<<
==================================


لا حبيبتي انتي ماخسرتي دنيتك ابدا الله موجودة بس انتي ادعي لااهلك ان ربنا يهديهم ويسلموا كمان قال تعالي (اني قريب اجيب دعوة الداعي اذا دعاني ) قومي ركعتين الليل فسحرهم عظيم .
ولا تقولي خسرت دنيتي اي دنيا تتكلمي عنها (وما عند الله خير وابقى) ذي دنيا فانيه (والاخرة خير وابقى )ومن ترك شيء لله عوضه خير منها وربنا بيعوض عليك واحمدي الله كثير على نعمة الاسلام وذي نعمه من الله انك اسلمتي واهلك بريهم ولا تقطعيهم بالعكس لازم يفهموا الاسلام من اسلوبك معهم كيف الاسلام بيحث على طاعة الوالدين وصلة الرحم حتى لو هم مش عايزين يشوفوكي لا تزعلي منهم وتحملي قولي لهم ديني بيقول كذا الله بيقول كذا الرسول محمد بيقول كذا وفي القران مكتوب كذا وياريت يكون اسلوبك انيق عشان لا يكرهوا الاسلام لان في ناس والله اسلوبهم بينفر وربنا يهدي اهلك ويوفقك ويفرج همك ويسرلك امورك يارب .


__________________________________________________ __________

السلام عليكم ورحمة الله وبركاته
طيب ياعمري ليش تقولين خسرتي كل دنيتك؟؟
ماشاء الله عليك هذا انت راح تتخرجين مهندسه وان شاء الله تتوظفين بافضل مكان .. وايضا تزوجتي من شخص يجبك وتحبينه .. اذن وين خسارة كل دنيتك؟؟ وايضا لمست من كلامك انك تتواصلين مع اهلك .. اذن حتى اهلك لم تخسريهم .. وان شاء الله تعود المياه الى مجاريها وتتواصلين مع اهلك اكثر واكثر .
اما عن اخواتك وعدم زواجهم فياعزيزتي الموضوع ليس له علاقه باعتناقك للدين الاسلامي .. تأخر الزواج حاله عامه في كل المجتمعات العربيه .. روحي شوفي قسم مشكلتي وايضا قسم افتحي قلبك .. اكثر شكوى البنات من تأخر زواجهم .. علما انهم لايعانون من اعتناق احد افراد عوائلهم لدين اخر.
اذن الموضوع قسمه ونصيب ورزق من رب العالمين ينزله متى ماشاء وقرر

بالتوفيق عزيزتي


__________________________________________________ __________

ربنا يهدي اهلك ويوفقك ويفرج همك ويسرلك امورك يارب .


__________________________________________________ __________

ربنا يهدي اهلك ويوفقك ويفرج همك ويسرلك امورك يارب .
بالتوفيق عزيزتي


__________________________________________________ __________

السلام عليكم
ثبتك الله علي هداه وووهذاااا كله ااامتحان لك من الله حتي يشوووف إيمانك وووصبرك قال عليه الصلاة والسلام
إذا أحب الله قوما ابتلاهم فمن صبر فله الصبر ومن جزع فله الجزع

عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( بَدَأَ الإِسْلامُ غَرِيبًا ، وَسَيَعُودُ كَمَا بَدَأَ غَرِيبًا ، فَطُوبَى لِلْغُرَبَاءِ ) .
اصبري فانك علي حق والفوز بالاخره اعظم من الدنيا وما فيها