عنوان الموضوع : سلفتي... هل يا ترى انا غلطانه ولا في منو؟ -تم الرد
مقدم من طرف منتديات نساء الجزائر

سلفتي... هل يا ترى انا غلطانه ولا في منو؟



سلام عليكم حبيباتي

كيفكو

انشالله تكونو تمام

انا قليل ما بكتب مواضيع ومن زمان ما كتبت بس مباررح
صارت شغله خلتني اكتب وبدي استشيركو

يعني هل انا غلطانه ولا لالا

خلني احكيلكو القصه وانتو احكمو
...
انا متزوجه من سنتين تقريبا واصغر كنه عند حماتي هي انا

في تنتين اكبر مني
اول ما تزوجت كانت شوية مشاكل مع اهل زوجي

لانو سلفتي اللي اكبر مني وعمرها 28 كانت تضل تحكيلي عن بيت عمي (حماي) انهن عاطلين وكانت تعبيلي راسي عليهن وما كنت اعطيهن وجهه وكنت سطيحه جداا جدا معهن ..
مره حكيت قدامها انو حمدلله ما بيصير معي اشياء من اللي بتصير معك طبعا بحكي لسلفتي هي
بتحكيلي انهن طلعولها شيب
تاني يوم يا بنات
تاني يوووم تخيلووو بعد ما انا حكيت انو حمدلله حمدلله ما بيصير من الي بيصير معك يعني حكيتلها بحسهن انهن مناح وهيك

تاني يوم تقاتلت انا وبنت عمي اللي هي اخت زوجي
وصارت مشكله كبيره وهو راح ضربها ومن هاد الحكي على سبب تااافه جداا
وقعدت شهر ما رحت لعندهن اخر شي اختو المتزوجه حكتلي اكسري الشر وما بيصير وحرام هاي اختي اللي بالبيت هيك طبعها
كسرت شر رحت عندها بوستها ورجعنا متل قبل وعادي حمدلله

طيب مره عن مره صرت حمدلله اتقرب من بيت حماي وصرت احس انهن اهلي ولحمدلله

يعني صح فيهن شغلات بتقهر واللي هي كترت الاسئله بس

حمدلله تحسنت كتير علاقتي معهن لليوم حمدلله

وسلفاتي بعدت عنهن برجع وبقول انا اصغر وحده عمري 20 يعني ما بهمني هاي الشغلات
طيب صارو سلفاتي تنتين
قريبات لبعض كتيييييييير كتيرر
لدرجه انها تعزمها سلفتي لكبير اللي عمري 45 على كل كبيره وزغيره وتبعتلها شغلات
والعكس صحيح
كانو يروحو زيارات بدوني وبدون ما يسالوني
ويشترو لبعض شغلات ولبيت حماي الا انا
طبعا مش بحاجبتهن انا بس انا انسانه برضو بطلع على هيك شغلات

وسلفتي اللي عمرها 28 مره كنا ندرس ولاد سلفي انا وزوجي . سلفي ارمل توفت زوجتوو

قعدت سلفتي تحكي انو ما في مصاري طبعا مصاري من الدوله يعني كنا كانو بنشتغل عند ولاد سلفي
المهم ما في اسبوع
سلفتي هي معلمه مدرسه راحت اخدت ولاد سلفي منا ...؟؟ راحت عند المسؤوول عن هاي الشغلات وحكتلو هيك وهيك

وانا ما بدي مشاكل اختصرت شر وحكيت مبروك عليها
تتهنا فيهن
طبعا نحنا وضعنا شوي صعب انا وزوجي
وسلفتي كمان بس هنن احسن منا وضعهن لانو بيفوت راتبين عليهن

المهم اختصرت

وما علقت على الموضوع
ولا فتحت سيره معها

بعد كم شهر 5 اشهر
بتحكي سلفتي مع اختي بتحكيلها هيك هيك
انا شو دخلني المسؤؤل اعطاني الاولاد ادرسهن احسن ما يوخدهن حد غريب
وهي وزوجها عني طبعا .. ببيعاملوني ولا كاني موجوده ومن هاد الحكي

هو فعلا زوجي ما بحكي معها قليل مرحبا اهلين هيك بس
وما بدو ياني اقعد معها لليوم والله زوجي مقهور منها

بيقولي على الاقل ومن الزوق تستشيرنا قبل لا تتصرف هداك التصرف


.. ومبارح
كان خطبه ابن سلفتي لكبيره
حماتي بتحكي لاببنها ليش ما عزمتو فلانه عني بيحكيلها ما بدنا نعمل خطبه كبيره يعني
على الخفيف وازا عزمناها بتزعل هديك عن سلفتي التانيه
حكيتلو لا عادي وحكيتلها مرت عمي عادي ليش تكبري الامور

بس استغربت

بعد ما روحو من الخطبه تقاتلت هي وزوجها سلفتي
بيحكي على اللي ناسبهن انو مش عاجبينو وهيك

بتحكيلو سلفتي ليش

نسوان اخوتك احسن يعني ولا احلى

.. استغربت طبعا هاد الحكي من وراااي وصلني انو هيك هيك حكت

طبعا سؤال هل انا ببالغ انو هنن ما عملو شي وهيك ولا كيف
واللي استغربت منو شو دخل سلفتك بكنتك
يعني انا شو دخلللني متلا
لتيجي تحكي هيك هيك

؟؟ احكولي هل انا بحكي صح ولا غلط
وغير هيك سلفتي التانيه كتير صحبه هي وسلفتي الاولى لهيك ما بتوقع تحكي لزوجها انو نسوان اخوتك احسن ولا احلى يعني ما ضل حدا بتقصدو الا انا

بحياتكو هل انا غلطانه ولا كيف
بيت حماي حكولي ابعدي عنهن خليكي منيحه معهن ومرحبا اهلين بس لا تختلطي فيهن

شو رايكوو
طبعا والله كتير بسمع حكي بس بحياتي ما عاتبت وحده منهن لاني ما بدي مشاكل
وانا اكبر من اني اعاتبهن
لاني ماخده قاعده بحياتي

اانو اللي بدو يحكي علي يحكي لصبح وما بيهمني صح بنقهر بس ما بعاتب ولا مستعده اوجع راسي
اهم شي بيتي وزوجي واهلي وبيت حماي لهيك بدي استشيركو شو اعمل وهل انا غلطانه بشي ؟ او بحقهن او بتعامل معهن ..

صح نسيت ادكر انو في اللي صاحبات كتير جيران سلفتي دايما بيسالو عني وهيك وبروح اسهر عندهن اكتر ما بروح عند سلفتي
وهي كل يوم تحكي عليهن قدامي وتحكي شو بدك فيهن وخففي من روحه عندهن ومن هاد الحكي وبتعمل مشاكل لبنت حماي بتجي معي هناك بتروح بتفسد لجاراتها لا تفوتو فلانه عن بنت حماي لانها بتفسد عنكو كتير ووين ما تروح ..
الغريب انها كانت تحكي على جاراتها وما بطيقهن ومره حكتها قدامي بكرهن من قلبها طلعتها
يعني بدي افهم انااا مين الغلط ؟؟
ساعدوني بالله عليكو طولت عليكو اسفه

>>>>> ردود الأعضـــــــــــــــــــاء على الموضوع <<<<<
==================================


بنات ساعدوني انصحوني .. بالله عليكوووو


حرام عليكو ساعه وانا اكتب


__________________________________________________ __________

وعليكم السلام والرحمة

يا قلبي كبري دماغك وطنشيهم ما شاء الله عليك عاقلة وست منيحة وتوزني بلد ربي يرزقك الذرية الصالحة

حبيبت قلبي هذذي كلها مو مشاكلهذي يا قلبي شغلات صغيرة وتافهه مالك والكلام المنقول .. سبيه ما منه فود ما تعرفي يمكن تم التقول على لسانك قدام هي وهي .. كرمالك عمل الفتنه نتي خليك منيحة مع الجميع

وما بتطلع منك العيبة مثل ما انتي يا قلبي وسيبك من القال والقيل وجهل الحريم يا روحي
عندك أشياء اهم تهتمي فيها .. زوجك وبيتك .. وقدمي منيح لحماتك لأنها بمقام إمك واكرميها

والرزق القليل ربك بيوسعها من عنده ما بيهمك حدا والناس اللي عينها ضيقة حصني نفسك منها ورزقتكم وزوجك يالغلا

تسلم لي الناس العاقلة وافاهمة ربي يسعدك دنيا وآخرة


__________________________________________________ __________

حكون صريحه معاكي انتي حاطه دماغك في دماغ ناس تافهه وعوض ميهتموا بالاشياء المفيده مهتمين باكلام التافه والغيره المريضه
نصيحتي كوني رسميه مع سلفاتك وطنشي ولا تنقلي اي كلام ولا تهتمي لاي كلام رسميه بمعنى لا تحتكي بيهم الا في المناسبات وبالنسبه لحماك وحماتك اديكي بتزوريهم وكل محد يتكلم عن حد قومي من مكانك روحي الحمام واشتري دماغك
انا شايفه من كلامك ان العيله عامله اعصار في وسط تافهات
الله يهيدهن


__________________________________________________ __________

تسلمو حبيباتي gueen.777 تسلميلي عيوني

وانا بعمري ما حكيت عن وحده منهن بالعاطل بالعكس والله كل ما حد يحكي قدامي عليهن بدافع عنهن وبحكي اني ما شفت غير كل خير منهن
هاي اولا تانياا انا ما بهمني نقل الحكي صح في ناس بتنقلي بس بعمري ما نقلت حكي على لسان حد ولا بعمري وما بتوقع حد ينقل على لساني شي ويروح يحكيلهن لانو بعمري ما غلطت عليهن
وتسلمولي حبيباتي الله يسعدكو يا رب ريحتوني والله ويسعدك يا كوين على الادعيه الحلوه متلك الله يعطيكي تيرضيكي ويوفقك بكل خطوه بتخطيها بحياتك وشكرا الك كتير منار على نصيحه


__________________________________________________ __________

حبيبتي مادام امورك طيبة مع بيت حماك ماعليك منهم المهم خليك ثققيلة معهم ولو حكو شيء قلهم ياعال الغيبة حرام خلينا نحكي شيء ينفعنا ترا هيك نساء ماتحكي معهم احسن والله يوفقك اتمنى نصير اخوات اذاتحبي ارسليلي عالخاص