عنوان الموضوع : مهمومه ونفسيتي زفت تكفون ادخلو وخففو عني شووي ...! مجابة
مقدم من طرف منتديات نساء الجزائر

مهمومه ونفسيتي زفت تكفون ادخلو وخففو عني شووي ...!





السلام عليكم
بقولكم السالفه بدون مقدمات والله مدري وين احط الموضوع
بمشكلتي ولا قسم صحتك ولا سؤال وجواب المهم
قلت احطه هنا

بنات انا من فتره من 8 شهور تقريبا صار يجيني الم بالمعده وكتمه
واروح للمستشفى بس يعطوني مهداءات ولا يقولون وش فيني واخر مره
رحت لهم قالو فيك جرثومه المعده وعطوني علاج وقالو بسيطه
ولمده اسبوع العلاج واذا ماراح الالم تعالي نسوي لك تحليل عن الغده
وانا خايفه مررررررره يابنات سويت تحليل يوم الاحد وبيطلع بعد بكره يعني يوم الخميس وربي تعبانه ولا اقدر ابلع

يعني هذي الاعراض اللي فيني
صعوبه بالبلع حتى ريقي ماقدر ابلعه
ونزل وزني 30 كيلو
فيني كسسل
واعصب بسرعه ولا ادري ليششش
وخايفه من النتيجه تكفوووووووووون طمنووني وربي خايفه
ووحده من قرايبنا تقول جت نفس الاعراض فيني وقالو من نفسيتك
عاد مدري صدز ولالا
ووحده ثانيه تقول اعراض الغده
ولا ادري من اصدق وقلبي طايح وربي

والله يابنات الظروف اللي نمر بها مره صعبه
وخالي بالمستشفى بوه ذاك المرض الشين وسوا امس عمليه بصدره عشان يشيلون الورم
واليوم عمليه بكتفه وحالته حاله
ادعوووو له بالشفاااء تكفوووووووووووووون
وادعو لي بالشفاء وان شاء الله مايطلع فيني شي


اللي عندها خبره تجاوبني
وخففو عني تكفوون

>>>>> ردود الأعضـــــــــــــــــــاء على الموضوع <<<<<
==================================


رررررررررررفع


__________________________________________________ __________

وعليكم السلام ورحمة الله وبركاته

وانا اقول لك ... لا تسمعين نصائح احد مهما كانت اعراض مرضهم تتشابه مع الأعراض اللي
تشتكين منها تظل التحاليل هي خير برهان على تأكيد النتائج بعد إذن الله سبحانه
قد تتشابه الأعراض ولكن الأسباب تختلف والمرض نفسه يختلف

لا تخافين توكلي على الله وان شاءالله ماعليك شر ،،فقط تابعي تحاليلك
وسلامتك ماتشوفين شر ياقلبي


__________________________________________________ __________

الله يشفي خالك ويرفع عنه الضر ويرده لكم سالم معافى
عزيزتي ألم جرثومة المعدة ألم في المعدة مع ألم في الظهر مقابل ألم المعدة وهو بسيط بإذن الله العلاج والحمية وإن شاء الله مافيك إلا العافية وكانت معي والحمد لله احتميت مع العلاج وأنا الآن بخير لكن مستمرة على الحمية
أما الغدة فعلاجها بإذن الله سهل وما أنزل الله داء إلا وله دواء فلا تقلقي عليك بالرقية والله يشفيك ويطمنا عليك


__________________________________________________ __________

المشاركة الأصلية كتبت بواسطة ام حاتم 2010
وعليكم السلام ورحمة الله وبركاته

وانا اقول لك ... لا تسمعين نصائح احد مهما كانت اعراض مرضهم تتشابه مع الأعراض اللي
تشتكين منها تظل التحاليل هي خير برهان على تأكيد النتائج بعد إذن الله سبحانه
قد تتشابه الأعراض ولكن الأسباب تختلف والمرض نفسه يختلف

لا تخافين توكلي على الله وان شاءالله ماعليك شر ،،فقط تابعي تحاليلك
وسلامتك ماتشوفين شر ياقلبي

امين يارب ان شاء الله تطلع سليمه ولافيني شي

الله يسلمك ياحياتي


__________________________________________________ __________

المشاركة الأصلية كتبت بواسطة وهج الفؤاد
الله يشفي خالك ويرفع عنه الضر ويرده لكم سالم معافى
والله يشفيك ويطمنا عليك

امين يارب الله يسمع منك
نورتي ياغلاي
والله يجزاك خير