عنوان الموضوع : أنا الان اعاني من ألم نفسي وجسدي واهانه لِأبعد حد -تم الرد
مقدم من طرف منتديات نساء الجزائر

أنا الان اعاني من ألم نفسي وجسدي واهانه لِأبعد حد



السلام عليكم
خواتي
الموضوع باختصار
انا زوجي انسان عصبي جدا ولسانه يصبح قذر لابعد
درجه لما يتضايق من احد
مايعجبه احد الا الناس اللي يقربون له او يحبهم
أما غيره لااااازم يطلع فيهم عيوب
انا متزوجه من خمس سنوات وعندي طفلين
اهلي كانو رافضين هالزواج
بس قدر ربي
مشاكلنا دايما
مع انه يقول انه يحبني!!
لما يروق بس يكون انسان طيب
لكن متى يروق!؟؟
انا توني من 3 شهور طالعه من مشكله معه
وصلت اني اطلب الطلاق من سوء المعامله
دخان و شيشه واستراحات للفجر
مااحس اني متزوجه نهائيا
رجعت ورجعت لنا نفس المشاكل
وكل شوي اقول يابنت عدي
عشان الاولاد
بس مليت
جا يوم الخميس وكان طالع اتصلت عليه الساعه2
قلت وينك قال ساعه وراجع عند الشباب
قلت طيب
غفيت الا اذن الفجر
وقمت لقيته توه يدخل
قلتله بدري؟! لو نايم بالاستراحه احسن
وحطيت راسي ونمت
قال بتزعلين بكيفك!!
والله ويقلبها علي ومايكلمني
صحا للدوام وارسلت له رساله قلت جب حليب للبنت
رجع ولاجاب شي ولا يناظرني
قلت وين الحليب؟
ولا يرد قلت البنت جوعانه تبي الحليب
وش دخل هالشي بمشكلتنا؟؟
قال انتي مكبره رااااسك واهلك ماربوك
وهو دايما يسب اهلي
لانهم يوقفون معي بالمشاكل اللي يسويها
قلت لاتجيب طاري اهلي
ماسوولك شي
قال اجيب طاريهم والعنهم
قلت انا مو جالسه بهالبيت اللي مافيه احترام
قال روحي بس العيال خليهم
لما جيت اطلع اخذ شنطتي وفتشها بياخذ المفاتيح
قال عشان ماترجعين بمزاجك
وشاف جوال بدون كاميرا شاريته زمان لما كنت زعلانه منه
وجلست ببيت اهلي
قال وش هذا
قلت جوال للجامعه احط شريحتي فيه
قال افتحيه وانا نااااسيه الرقم لاني من 4 شهور
مافتحته
قلت ناسيته بس لو تبي روح لمحل يفتحونه
قال انااااا زوجتي معاها جوال وانا ماادري
قلت له انا نااااسيته
جا عندي وعيونه بتطلع ومعاه سلك
وضربني فيه
وسبني وسب اهلي
ورفسني وجسمي كله ازرق الحين
وطلع
انا امي مريضه وماحبيت اروح لهم امس وانا
بهذاك الوضع وتتعب زياده
قلت الم اغراضي بكرا واروح بيت اهلي
واليوم من العصر انتظره يطلع وماطلع
لانه مستحيل بيخليني اطلع بالعيال
و الحين الساعه 11 بالليل
حتى لو طلع مااقدر اطلع
بنتظر لين بكرا لما يطلع للدوام
تكفون ساعدوني وش رايكم
انا بطلب الطلاق لاني مليت
ومابعد هالاهانه شي

>>>>> ردود الأعضـــــــــــــــــــاء على الموضوع <<<<<
==================================


اجلس ببيت انهنت فيه
وضربني وشد شعري وداسني برجوله
قدام الصغار
والخداااااامه

واجلس بالبيت؟؟؟؟


__________________________________________________ __________

الله يكون بعونك حبيبتي بس الصبر ثم الصبر
عشان فلذات كبدك
وعشان نفسك
عيشي حياتك وطنشي تصرفاته المؤلمة
لا تفكري فيها أبدا
وكوني قريبه بالذكر لرب العالمين
بتحسي براحه كبيره
وادعي له بالهداية ربي يحميكي
احتسبي الآجر عند رب العالمين


__________________________________________________ __________

يابنات هذااا ضرب
و معلم بجسمي كدماااات
مااقدر اتحرك منهاااا

كيييف اصبرررر؟؟؟؟


__________________________________________________ __________

الله يعنيك والله ما هي حاله


__________________________________________________ __________

الله يفرج همك.
عليك بالاستخاره
وانا حااااسه فيك لان عشت معاناتك حياه كلها شك بشك وبصراحه تعبت نفسيااااا مرااا وانا اللحين انفصلت والحمد لله مامعي أطفال ومرتاحه عند أهلي
الله يهونهااااااا عليكككك ياااارب
وادعووووولي بالزوج الصالح