عنوان الموضوع : بستشيركم بشغله مجابة
مقدم من طرف منتديات نساء الجزائر

بستشيركم بشغله



السلام عليكم كيف الحآل جميعا

عساكم طيبين السالفه ومافيها

ابي اسوي شغل لي مثلا ببداء بتجارة توزيعات خاصة اني احب انسق وغير كذا ابداء على قدي

المشكله كلما فريت محل لقيت هالشغالات بس ياناس اسعارهم نار اجل بكم راح اجيب خامات التنسيق
وبكم راح اعبيها

ومسكينه الزبونه راح اثقل عليها بكذا الاسعار

انتم شرايكم بهالمشروع
والي تعرف تفيدني تقولي بمحل يبيع بجمله اشكال غريبه وحلوه
اي نصيحه انا محتاجتهاااا

انا مثلي مثل كل البنات متخرجه وعاطله مو من سنه لالا 4 سنوات عاطله
الله يرزقني انا وخواني الوظايف وكل من يسمعني ويقراء كلامي ربي يسعده ويرزقه من حيث لايحتسب

المهم انا ابي شوركم خاصة ان ماعندي الا اخت وحده

وابي شورى الجماعه الي هم انتم

هاه نكمل المشروع ولا افسخ العقد مع الشركه < طارت مع الاحلام هع

>>>>> ردود الأعضـــــــــــــــــــاء على الموضوع <<<<<
==================================


19 مشاهده ولا رد




مجتمع يحطم بصراحه


__________________________________________________ __________

استمري وبيعي اقل من السوق بدون خساره لك
وبالتوفيق


__________________________________________________ __________

وعليكم السلام والرحمة والإكرام

الحال من بعضه

شوفي يا قلبي الله يوفقك يا رب

الفكرة مرة مرة حلوة

خصوصاً إن المحلات يتضاربون ولا ينفذون لك اللي بخاطرك لا اللي بمزاجهم بعد

اول شيء يا قلبي حاولي تشتغلين بأشياء بسيطة وتبتكرين اشياء من حولك والطبيعة

صدقيني بتلاقين اشياء حنا نرميها ممكن بشوية تعبت تكون مفيدة لك

وبالنت بتلاقين ومصورينها بالخطوة ومع الشغل بتطرى على بالك شغلات تتفاجائين فيها

صدقيني .. ابتدائي وقولي بسم الله .. لا ترمين شيء وشوفي مين عندها اقمشة تور وشرائط حرير وساتان وكذا

وازهار من هدايا سابقة بتلاقين حواليك كثير صدقيني ولا تخجلين تطلبينه من خالة وعمة وكذا يعني ^,^

لأنهم كذا كذا راح يرمونها أو حتى فلين الخضار اجمعيها تحتاجينها

ونفس الشيء الكراتين وانابيب القصدير الكرتون وتحتاجين الجبس والأدوات كبيرة ألوان زجاج وبخاخات لمعات

والوان بخاخات وكذا حسب الحركة والطلب اللي تبي فخم وشغل متعوب عليه أكيد له سعره

تخيلي بس شغل ما فيه شيء يطلب راعي المحل له 120 ريال اقل سعر ممكن يطلبونه 75 ريال وهذا فيه مكاسر

بجد فيه شوية نهب ونصب السالفة بس الشغل في مثل هذي الأمور يستاهل لأنه بيأخذ وقت وتعب وجهد نفسي بس باعتدال يعني لو نقول فيها شيء جديد تستاهل المية وعشرين بس وربي ما اكو شيء مجرد فلين وعليه لون فقط لا غير بمية وعشرين

اها
تذكرت ما ترمي بقايا الفستق (القشور ) ولا نوى التمر ولا نوى العنب تستفدين منها بتصميم ماء لا تستغربين مع الأيام بتلاقين نفسك تجمعين اشياء ما تخطر لك على بال شيء

موفقة يا رب ان شاء الله اكون افتدك يا رب



__________________________________________________ __________

ياقلبي فديتكم


ماقصرتو


بالنسبه لكي اختي

queen.777

كلامك مره يشجع فديتك
طيب كيف الاقي محلات تبيع هالاشياء الي هي توزيعات باسعار الجمله علشان اقدر اضيف عليهااا من ورد او بعض التنسيقات

فديتك والله جزاك ربي كل خير على نصايحك الحلوه وكلامك الاحلى
ياقلبي لو كل المجتمع مثلك والله مانلاقي ولا عاطل ولا عاطله الكل يشجع بعض ويشتغل

ربي يسسسعدكم


__________________________________________________ __________

ربي يسعدك تسلمين

تلاقين بسوق الجملة فيه محلات هذا تخصصها ..

ومعليش فيه ناس تحب تشتري غالي بس مو الكل عليك تنسقين بين كل الطلبات والتنسيقات

وجربي محلات ابو ريالين بتلاقين فيها اشياء واللي ينزل السوق بين فترة وفترة غير اللي ينزل كل سنة حسنة

بصراحة ما كثير اعرف محلات بس سبق وفكرت بهذا المشروع واجهة فيه عدة شغلات

اولها نزلت السوق لشراء الأغراض

والثانية مكان اجمع فيه كل ما احتاجه له واستخدمه وقت الحاجة

موفقة يا رب وتذكري ان البركة باليد العاملة ..