عنوان الموضوع : الله يفرج هما ويريحها اللي تدخل وتريحني امانه استحلفتكم بالله الكل يدخل مجابة
مقدم من طرف منتديات نساء الجزائر

الله يفرج هما ويريحها اللي تدخل وتريحني امانه استحلفتكم بالله الكل يدخل



السلام عليكم ورحمة الله وبركاته



حبآيبي انا مدري وش آقول وكيف ارتب كلامي لكم بس بلييز كل وححده تحط نفسها مكاني آنا انسانه 18 عمري المهم انا كنت بمدرسه قديمه وكاان لي شلتي طبعا وسبحان الله من نقلت وآصلتهم تقريبا الفتره الاولى بعدها اختفو ولا يواصلون ولا اي شئ من ججد شئ يقهر ورربي لدرجه انو وحده منهم حتى بالعيد لا ارسلت ولا اي شئ واليوم وحده من صاحباتي بالمسسن وياي تكلمت معي وقالت كيفك اخبارك ومن هالكلام وانا كلمه ورد غطاها قالت امانه وش فيك قلت لها ابد ولا شئ قالت والله مانتي ع بعضك وقلتها ترا انا بججد زعلانه عليك يعني تقطعين كذآ ولو فرقنا المكان خلاص ننسسى بعض واصلا بدايه اي فراق الامباالاه هذي وانا الصراحه اعزك واحبك ولا ابي نهاايتنا فراق قامت قالت والله صح وانا مانتبهت لهالناحيه كثير واسفه والله انا بعد نفس الشعور وانتي بقلبي .. قلت طيب فلانه كلمتيها قالت ايوه قبل اسبوع دقت علي قلت من ججد مالها داعي قالت لي قلت مرا مختفيه ولا تسأل ولا شئ بس يلا ماعليهه آنا هنا انقههرت العيب مني ولا منهم يعني ليش كذآ ليش هـ التصرفات طيب هي متواصله مع صاحبتي ذيك ويتكلمون كل فتره ومن ناحيه مافي اي توآصل وانا الحممدلله والله شخصيتي قويه وواثقه من نفسي واقدر معنى الصحبه والاخوه ويممكن ماحب اشكي لا اي احد مثل هـالشكوه بس بججد مستغربه الحين بمدرستي الجديده تعرفت ع شله الي هما 3 بنات غيري يعني كلنا 4 ووحده منهم مرا قريبه مني والثانيات بعد بس هي من الابتدائي كنا سوا وبعدها تقابلنا صدفه المهم من جد احس صحبتناا مااراح تطوول حدنا نتخرج وخلاًص انا مدررري ليشششششش كذآ العيب مني ولا من الناس ولا من الزماان يعني واقسسم بربي نفسسيه من ججد آلناس كلهم كذآ مصالح ولا يقدرون الصحبه ويقطعون يصير مع الكل كذآ ولا بس معي انا مع انو الاحظ اغلب الصديقاات مرا صديقاات ولا يفترقون وبين كل فتره يسألون على بعض انا انسانه احب الاجتمااعياات واحب الفله ولا احب الحق ورآ احد وكذآ لآ لي قدري ماحب الزق لا اي اححد بس بنفس الوقت اقدر الصحبه بشكل كبير واتمنى صديقاتي دايم معي يوقفون حتى بعدين لو نتزووجو باقي بينا تواصل ولو بشكل اخف..

وآنا الصراحه احب اكون اجتمااعيه حييييييييل بس بالضبط مو عارفه كيف يعني عندي بالسكول صاحباتي جلسنا سوا ضحكنا فليناا وكذا جيـت بعدها اليوم الي بعدو كنت غايبهه سلمت ع صاحبااتي ومثلآ سلمت ع الفصل اوك غابت فلانه اليوم الي بعدو مااتجي تسلم وكذآ تسلم ع صآحبااتها وبس فإنآ ماآحب اكوون مخفه وكذآ بنفس الوقت ابي يجوني زي ماجيهم ومثلآ جلسنا كلنا سولفنا آستهبلنا احسها بسً بحدود الجلسه هذي وبكرآ كأنو مااصار شئ ولا في اي طريقه لتوآصل يعني شئ وربي يضآيق آتمننى كذآ لي علاقات بكل مكان لاني اححب الفله وكذآ واحب بضيقتي الكل جنبيَ وانا والله خلوقه ودآيم والله اسلوبي بـالكلام مرآ ذوووووقً وآي واحد من صديقآتي نكها ضآيق وكذآ افهمها اتقرب منها عكس اغلبهم والله ولا يسألون يعني البلا مني من شخصيتي ولالا لانو اشوف الاغلبيه بينهم تواصل وكذآ عكس معي يصير العكسً ولا احاول اجرح احد وكذآ بس السالفه وين مدري وانا مخطووبه والله خطيبي يعقششني بجنون وانا آحبه؛قولو مآشآءالله وادعو ربي مايفرق بينا )) المهم كلمتو قال وش فيك مو على بعضك قلت والله من ججد يعني اغلب صاحباتي حرآم فيهم الصحبه ومن ججد مصدومه فيهم وقآلي لا تضآيقيني نفسك واغلبهم كذآ وبدآ يديني موآقف قلتله ومدري والله العيب من فيني مني ولا منهم قال آذآ انتي تطنشينهم وكذآ ودآيم تسحبين عليهم يكون منك اما لو العكس طبعا منهم وانا والله الحممدلله لا طبعي اسسحبً ولا شئ بس مدري وش السـر بـ الموضوع يعني الصحبه عندي مآآآآآآش ماعندي الصحابات الججد الي من جد اعتمد عليهم واعتبرهم شئ كبيييييييير حتى الاغلبيه يوم يقوولون والله صاحباتي حياتي والله مالي غنى عنهم ماحس بقووه العباره هذي لاني ماشفت عيناات كذآ فهمووووووووووووني وش آلحلللللللللللل وش البببببببلآ ريحوني الله يريحكككككككم ولا تجاملوني بإي شئئئئئئئء ومن خلآل كلآمي وش رايكم فيني ادري ملخبط كلآمي بسسسسسسسس من جد هذي فضفضتيً بآي فديتكمم لااحد يدخل ولا يرد@

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك


كل اللي قدر اقوله

موفقه غاليتي ..


__________________________________________________ __________

حبيبتي انا تعبانه من البنات مايعرفون الصحبه وحده كانت صديقتي مااااااااااااره وقامت تكلمت على وحده من صاحبتها وصاحبتها وصلها الكلام وعصبت عليها قامت قالت من انا قلت الكلام فلانه الاهو انا فعشان كذا ماصديقك الا هلك صديقني انا مجربه اكثر من موقف


__________________________________________________ __________

الله يعوضك الي فيهم الخير اكثر البنات كذا صداقة وقت الدراسة انا بعد نفس الشي يعني عادي لا تعبين نفسك


__________________________________________________ __________

غاليتي تعلقي بالله فقط ثم بوالديك بالبر واخوانك بالصلة وزوجك بالحب والسكن والرحمة واداء حقوقه


ثم باولادك بالتربية الصالحة في المستقبل واحتسبي كل شيء عند الله وعاملي الناس بالمعروف


والوسطية وساعديهم ولكن لااااتتعلقي بهم وتطلبي منهم الإهتمام والمقاابل فالباقي وجه الله


وماكان لله فقط وكثرة مخالطة الناس لا خير فيها وتضيع جوانب من الحظوظ الدينية والدنيوية


وأسأل الله لك السعااادة والتوفيق


__________________________________________________ __________

شي طبيعي انهم يتركونك لان مافيهم خير وصداقتهم مصلحه وبس او انهم انشغلوا في امور الحياه ابوك وامك اولى بالحب والتعلق بالله احسن من التعلق بالناس